في ذمتك مــابـــــان لك شـي مكتوم

 

في ذمتك مــابـــــان لك شـي مكتوم

جيتك حضن عاشق وهايم ومغروم ... وده يضمك لين تصبـــــح على خير

متى تحس ان الهوى شي مقسوم ... من قسمة الخــالق على خلقه يصير

ومتى تحس اني لك اطيح واقـــوم ... واتعب على شــــانك واقدرك وآغير

لي في هواك احلام وامــال وعلوم ... واحزاب واصحاب وقصيد وجماهير

وهموم وافكار وهواجيس وحلـوم ... وادروب واخطــار وعذاب ومشاوير

وحـب وغلا واخلاص ومعاند ولوم ... واحسـاس واللهام وشعور وتفاكير

وصحبـة سهر ومقاطعة لذة النـوم ... واشــــواق جياشه وعشق وتعابير

في ذمتك مــابـــــان لك شـي مكتوم ... من بعد ماصورت الاوضاع تصوير

لاتحســب انك شي عابـــر ومعدوم ... وتاريخ حبك فـــاق كل الاســــاطير

كنـــي لقيتك بـــأغنيــــه لأم كلثوم ... وكني قـريتك في روايـــــة شكسبير

في كل شـي اتخيلك واسمعــك دوم ... واتــــأملك في الوقت الأول ولآخير

من ماضــي الأيــام لايومــك اليوم ... وغـلاك عندي ماحصــــل فيه تغيير

وانا لك الله مأقبل البيع والســــوم ... ولا ارضى علي ولاعليك المخاسير

لاْني الوحيد اللي على بحرك يعوم ... واللي عرف مرساه في رحلة السير

لحظـــه حبيبي قبل يسبقني النـوم ... بضـــم صدرك لين تصبح على خير

المصدر: منتدى الخليج

 صح لسانك أختي شمايل
ومشكوره على كتابة هذه الكلمات الجميلة ويعطيك ألف عافية

 صح بدنك أخوي لاهنت على المرور لاهنت

 

صح الله يمناك شمايل والله ابدعتي

 تسلم أخوي لاهنت ..

 مشكوووورة شمايل

ع هذه الابداع الحلوووو


ماتقصرين

ونشوفش بالجايات

 يسلمووو اختي شمايل الله يعطيكي الف عافية