‏‏‏‏معقول باقي من الشهر

قـائـمـة الأوسـمـة · #1

‏‏‏‏معقول باقي من الشهر .. 10 أيام ؟؟
معقول .. راحت منه .... 20 ليلة ؟؟

شفتوا أجل ..؟؟ .. مرت بنا مثل الأحلام
مامن جديد .. وكلّـن .. يعيش جيله !!

اللي معانا العام هـ العام ... ما صـــام
منهو .. ضمن مستقبله ... وش يجيله ؟؟

في جيلنا .. مادامت لـ جيش صدّام ....!
وفي جيلهم .. وين أبرهة .. وين فيله ؟؟

كذا الحياة .. تمرّ عام ٍ ورى عام !
كم فرّقت ... بين الخليل ... وخليله !!

شف الليالي .. كم تقضـّـت بـ الأعوام ..
وحنـّـا نقول أن الليالي ... طويله !!

ياهوه .. صحصح عندنا لك .. خبر هام
نصّ الأماني .. في الحقيقة .. قتيــــله !!

دنياك هذي .. حزن وجروح .. وأوهام ..
ومالك على دنياك .. مكر وحيــــله !!

كم واحد ٍ .. ودّع حبيبه وسط خام ..
وعلى حبيبه .. حدّر الدمع ... سيـــله !!

بكى فراقه .. !! .. مرّت أيام مانام !!
بكى .. وروحه من فراقه عليـــله .!!

لكن .. نسى .. إنه كذا .. بعد أيام ...
نفس الأيادي .. يمّ قبره تشيـــــله !!

يارب عفوك .. قبل تلتف الأقــــدام ...
يوم الخليل .. يخون .. عشرة .. خليله !!

ويارب ثبـّـتنا .. على دين الإســـلام ..
واللي خذاه الطيش تهدي سبيـــــله !!

أقولها .. والعمر .. لو طال مادام .
وإعرف سنين العمر ياخي .. قليله ..!!

والحين .. باقي من الشهر .. 10 أيام ..
طالبك .. عوّض فيه 20 ... ليله ..!

رق لي

المصدر: منتدى الخليج

قـائـمـة الأوسـمـة · #2

الدكتور
يسعدني ان اكون اول الماريين على طرحك الرائع
ويارب ثبـّـتنا .. على دين الإســـلام ..
واللي خذاه الطيش تهدي سبيـــــله !!

أقولها .. والعمر .. لو طال مادام .
وإعرف سنين العمر ياخي .. قليله ..!!

والحين .. باقي من الشهر .. 10 أيام ..
طالبك .. عوّض فيه 20 ... ليله ..!