#8 | ||||||||||
|
الارحبي صنعاء
|
|||||||||
#9 | ||||||||||
|
|
|||||||||
#10 | ||||||||||
|
وعليكم السلام ورحمة الله وبركاته بلبل الصحراء نصحتي لك هي ان تذكر الدعاء هذا ( لا إله إلا انت سبحانك إني كنت من الظالمين) طبعاً الكل يعرف من قال هذا الدعاء وفي أي مناسبة قاله عليه السلام. اذكر هذا الدعاء وانت متيقن ان الله سيسجيب لدعائك وإن شاء الله يزول عنك الهم وحاول قراءة سور ( الإخلاص - الفلق- الناس) ثلاث مرات لكل سورة وانفث في يديك وامسح ما تستطيع مسحه من جسدك ويكون ذلك قبل النوم . اسأل الله العلي القدير أن يوفقه لما يحبه ويرضاه إحترامي لك
|
|||||||||
#11 | |||||||||||
|
|
||||||||||
#12 | ||||||||||||||||
|
اخوي موظوعك فيه لبس كيف اداوم وانت سهران وكيف تقول اطلع من الثانوية وانام للعصر كيف يصير ؟؟؟؟؟؟؟؟ كلامك مافهمته انصحك راجع طبييب
|
|||||||||||||||
#13 | ||||||||||||
|
معليش اخوي بتحاور معاك شوي على حسب الكلام اللي انت كتبتة لكن خلينا ناخذها نقطة نقطة لو ماعندك مانع وياليت تتحملني لأني بكون قاسي معك في الكلام لكن في النهاية اتمنى لك الفائدة. وإعتبر نفسك انك ماسك ريموت وجالس تغير في القنوات المفضله لك (انا طالب في المرحلة الثانوية متعة النوم لا أعرفها لدرجة أن معظم الأيام اداوم وانا مواصل=اول شي الله يوفقك وينور دربك انت واخواني المسلمين ان شاء الله ثاني شي اعتقد ربي ماخلقك وشال النوم من عيونك لكن انت اللي حرمت عينك متعة النوم والدليل انك تداوم وانت مواصل يعني انت اللي احوجت نفسك لهالشي يعني انت الغلطان وانت اللي تصحح هالغلط كل شي بيدك) (والليل طفش وحزن وكم فرة على السرير احس بالملل=ليه وصفت الليل بهالوصف لكن الوصف الحقيقي انت اللي حطيت نفسك في دائرة مغلقة كلها طفش وحزن وملل وانت في نفس الوقت اللي تقدر تطلع من هالدائرة وللعلم جسم الشخص يتبرمج على حسب العقل وعقلك يوحي لك ان الليل طفش وحزن وملل يعني بيدك تغير هالبرمجه وتخلي ليلك هدوء وراحة بال وطمأنينة يعني في النهاية انت الكنترول اللي تقدر تتحكم في عقلك مثل ماتتحكم في ريسيفر تغيير القنوات على سبيل المثال) (بعدين اضطر لأخذ جوالي واستلام خط المكالمات حتى الفجر مع زملائي او بعض الصديقات لتخفيف من هذا الملل والزهق=ياخوي وش اللي خلاك تضطر تاخذ الجوال وتتكلم اعتقد ماحد يقدر يجبرك او يغصبك ويخليك تضطر تتكلم في الجوال لكن الصحيح انت اللي برضاك واختيارك وبكامل قواك العقلية مسكت الجوال وجلست تتكلم فيه ..تدري لية؟لأنك حطيت هالبرنامج في عقلك والدليل انك في الصباح يمر في بالك انك بتتصل على فلان او بتكلم فلانه او تبي فلان في موضوع يعني تخطيط الصباح تسوية في الليل وكلنا نسوي هالشي لكن نختلف في ضبط الوقت..وثاني شي تهيؤاتك توحي لك انك لما تكلم زميلك او صديقتك يروح منك الملل والزهق ولاتزعل من كلامي انت مثل اللي يضحك على نفسة والمعنى مفهوم مايحتمل شرح) (كما أن بعض الاحيان اجبر نفسي على النوم بدري بعد العشاء ولكن محال=ابي اعرف شي واحد انت ليه ماخذ الدنيا كلها غصب واجبار واكراة ياخوي حتى الصلاة المفروضه علينا ماتجي بالقوة لكن بالتعود والصبر كل الامور تتسهل يعني حاول تعّود نفسك على النوم ومافيه شي اسمة مستحيل المستحيل انت اللي بنيته وانت اللي تهدمه ومثل ماقلت لك انت المتحكم الوحيد في البرمجة) (نظامي بعد العودة من الثانوية أنام حتى أذان العصر مرة ومرة نصف العصر=حط خطين تحت كلمة نظامي علشان تعرف انك الوحيد اللي تحط هالانظمة وتلغيها) (ويعود الليل بملله=يعني رجعت للمرة الثانية تحط غلطاتك على الليل) (وكنت سابقاً لاأعرف كلمة الغزال والكلام مع الفتيات حتى أصبح الآن يطلق علي غزلنجي=كنت سابقاً يعني فعل ماضي ياليت تترك الماضي وتعيش الحاضر وتحاول تفكر في المستقبل يعني في الماضي ماكنت تكلم وفي حاضرك صاير تكلم يعني كل شي صار برضاك واختيارك..طيب ليه ماتفكر في المستقبل انك تترك هالاشياء وتبتعد عنها..وابي اسالك سؤال؟انت الحين تفتخر انهم يطلقون عليك غزلنجي وإلا تفتخر لاقالوا عنك مخاوي رجاجيل؟يعني انت بطريقتك واسلوبك خليتهم يقولون عنك غزلنجي وفي نفس الوقت تقدر تغير نظرتهم لك وتخليهم يقولون غير هالكلام يعني بيدك الريموت وانت المتحكم الوحيد في برمجة الكنترول يعني تقدر تبتعد عن البنات وتمشي مع رجاجيل تفتخر فيهم ومع مرور الايام بتتغير نظرة الناس لك..شفت شلون تقدر تتحكم حتى في كنترول غيرك؟ (وذلك يعتبر وسيلة لأزالة هذا الملل والسهر الطويل=ياسلام عليك هذي الزبدة اللي ادور عليها من اول..انت خليت سواليفك مع اصحابك وصاحباتك وسيلة علشان تبعد الملل والسهر يعني في النهاية مجرد وسيلة لا اكثر ولا اقل بمعنى تضييع وقت وليست شي اساسي بالنسبة لك يعني تقدر تغي هالوسيلة بشي اساسي مثل القرآن والصلاة وذكر الله ولاتنسى ترا الريموت بيدك وانت اللي تتحكم في تغيير القناة) (انا بفضل الله متفوق بدراستي تسغرق مني الدراسة من الساعة 10إلى 12وأمضيت على هذا الحال سنتين إلى يومكم الكثير قال لي استغفر وقبل أن تنام اسمع القرآن وعليك بصلاة الوتر ولكن من غير جدوى=الحمد لله انك مازلت متفوق بالدراسة وكله بفضل الله مثل ماقلت يعني لولا الله ماتوفقت في حياتك أبد..ثاني شي مالاحظت ليه الكل ينصحونك بالصلاة وذكر الله..طيب ليه مانصحوك تسمع اغاني وتكلم بنات؟؟؟ياليت تجاوبني على هالسؤال) (ولكن من غير جدوى=ليه من غير جدوى يعني انت قطعت الامل في ربك حتى تقول هالكلام...طيب تدري ليه مانفع معاك القرآن والصلاة؟لأنك في الاصل غير مقتنع وانا متاكد انك لاجيت تصلي او تقرا قرآن تفكيرك يكون مشتت مابين ذكر الله ومابين اشياء ثانية. ياخوي الله قال في كتابة الكريم ؛الا بذكر الله تطمئن القلوب؛ وانت تقول دون جدوى) ( لا أعلم هل العقل تبرمج على نظام معين=هنا يكفيني كلامك لأنك وصلت للمعلومة الصحيحة واعتقد انك عرفت قصدي) ( والله العظيم حتى صرت أعاني نفسياً=شوف ونا خوك كل انسان مولود على وجة الارض يكون عنده حاله نفسيه وانا بعطيك بعض الامثله..اللي يحب الضحك واللي يحب الهدوء واللي يحب الثرثرة واللي يحب الناس تمدحه واللي يحب التعارف واللي يحب الشماته واللي ماخذ الدنيا طناش واللي يحب الانطواء هذي كلها حالات نفسية لكن الشخص يقدر ينمي هالحالة ويقدر يخليها شي عادي في حياته ولا كأنها موجوده وفي النهاية الريموت بأيدينا واحنا المتحكمين) ( تكفون يا شباب ويا شابات ساعدوني الله يرحم والديكم=بدل ماتطلب خلق الله يساعدونك في شي انت حطيت نفسك فيه روح اطلب ربك وإخلص النية وإبتعد عن كل شي يلهيك عن طاعة الله ياخي الله يقول؛من اتاني يمشي اتيتة هروله؛ياخي يكفيك هالكلمتين يعني تترك الخالق وتترجى المخلوق وربي لو يجتمع الانس والجن ماراح ينفعونك بشي وانا اول واحد لو قلت لك اني بساعدك يعني اكذب عليك) (أنا لن احتمل هذي العيشة طويلاً مرتين أفكر بالإنتحار والحمد لله سلمت في آخر لحظات تكفون قد ماتقدرون=ماتلاحظ انك متناقض في هالكلمتين وشلون ماتقدر تعيش وفكرت في الانتحار وبعدين ترجع تقول الحمد لله انك سلمت...طيب ليه من الاساس ماتحمد ربك على الصحة والعافية اللي انت فيها؟؟ياخوي لاتزعل مني لكن شيطانك اقوى منك ولو ترجع لكلامك بالتفصيل راح تعرف هالشي. في النهاية المرض اللي تعاني منه هو ابتعادك عن الله والعلاج الوحيد لحالتك هو ذكر الله والتضرع والتقرب إليه يعني في الحالتين الرابط المشترك بين مرضك وعلاجك هو(الله) لو تبي تستمر في المرض خلك بعيد عن ربك بالسهر واللهو ومكالمات الشباب والبنات وعيش حياتك بالطول والعرض ولو تبي ولو تبي علاجك خلك قريب من ربك بالدعاء والقرآن وذكر الله في كل وقت وقبل كل شي اخلص النية صدقني ماراح تندم لأن الله معك.وفي النهاية ابيك تدعي لي معك بالهداية وأسأل الله لي ولك وللجميع الجنه إنه سميع مجيب الدعاء. كلمة اخيرة:لاتنسى الريموت بيبقى في يدك والغيير في يدك والتحكم في الكنترول كمان في يدك وانت تختار القناة اللي تبيها وانت ادرى بالشي اللي تبيه وعقلك براسك تعرف خلاصك وفي النهاية لا انا ولا غيري يقدر يغير شي لأنك الوحيد اللي تمتلك الريموت والكنترول
|
|||||||||||
#14 | ||||||||||
|
النفس اذا لم تشغلها بالطاعه شغلتك بالعصيان
|
|||||||||
|
|