معاناة الأجفان

قـائـمـة الأوسـمـة · #1


	جيتك وانا رويان .. وأقفيت ضميان كنّي شربت من البحر من شربتك هذا انت دايم تطري الوصل شفقان وهذا انت ما واصلتني من عرفتك فان شفتني ولهان .. لا تقول : ولهان ؟؟ قل اني حبيتك و لكن .. ما وصلتك اسمع ولا اميّز ترانيم الألحان و اتخيل إني من سمعتك .. عزفتك ما كان لي نية على دمع الأعيان ايلين ما ضاقت علي وذرفتك وما كنت مؤمن في (معاناة الأجفان) وآمنت فيها من بكيت .. وسهرتك تتركني آسافر .. وانا منك زعلان !!؟ وانا اللي يمكن "أنتحر" لو جرحتك !! عمرك سمعت ان فيه عدوان .. خلان شفني خذيت (أقسى الطعون) و (شكرتك) لا هنت يالغالي .. وقلبك .. ولا هان لو ما ملكتك يكفي اني عشقتك يمكن خذلتك لكن الحب سلطان سترتني وانا بشوقي فضحتك تبقى بقلبي (شيخ) والعوج (رعيان) شف كيف يا قلبي .. بقلبي ذخرتك !! وشلون تنساني على درب الأحزان وشلون ؟؟؟ وانا اللي سنين .. انتظرتك !! مدري .. انا غلطان .. ولا انت .. غلطان ؟؟ بس اللي أدري فيه .. إني خسرتك !!