قصيدة في الرنج

#1

قصيدة في الرنج‎

قالو عنك يالرنج خوان وغلطان ساعة قلت بشريك

واليوم أشوفني صرت ندمان لوّل قلت من يساويك

وياما مدحتك بين العربان وألحين شوف إشلون بشنيك

موتر جديد ودوم خربان اتعبتني من كثر ما أعطيك

من كل راتب النص نقصان شي للغسيل وشي تشييك

ومن فوق هذا دوم عطشان لو هو بحر ما ظني يسقيك

كل يوم أعبي ترس خزان وأقول تستاهل وأغذيك

واللي يشوفك قال فنان ياليت لو عندي شراويك

عقيتني في وسط كثبان وين الجسارة اللي تحليك

ما دمت عالشارع وخربان والونش دومه اللي يوديك

لو إني شريت الونش كسبان أهون عليه من بلاويك

بذكر لكم قصة يالأخوان يوم إخترب أمسات البريك

إمن الوكالة خذت سامان ب7000 سفايف ويش أسميك

لو بوصفك بالوصف نيران تحرق ولا تشبع ويرضيك

الله يغشك ولد حمدان هو اللي قنعني وقلت بشريك

وإلا ترى فالقلب نـيـسـان فيه ابركه والخير ما فيك

ولي ياخذه بالفعل كسبان في كل موقع ما با يخزيك

ما هو شراتك دوم عثران كل العرب بالشين تطريك

وعسى حريقة تشب بالألمان لي صنعوا كشرة وتغريك

عساك يالرنج طوفان غلطان من يدفع ويشريك

عليك يالشراي بـنـيـسان لي من عذبته قال لبيك

-------------------------------------------------------------

المصدر: منتدى الخليج

قـائـمـة الأوسـمـة · #2

ههههههههههههههههههه
حلوة القصيده والله
وصدق غلطان من ياخذ له رنج ، دومه خربان
تسلمے أخويے علے القصيده
يعطيكے ألفے عافية
لكے منيے أرقے و أعذبے التحايآ

قـائـمـة الأوسـمـة · #3

معتلى
يَآ هَلآ وَ غَلآ فِيكْ
هههههههههههه
عندي واحد يموت على الرنج والله لو ما فيه تواير بعد
يبي يصور جنبه :D
يسْلَمُوووو عَلَى القصيده آلرَآآآآئِعة
وَ آلله يَعْطِيك آلصَّحَةُ وَ آلعَآفِيةِ