- مجموعة حلويات

 

- مجموعة حلويات

كرات التمر

الطريقة /

- نعجن تمر تقريبا علبة واحده تمر مكنوز..ونحطها بالمايكرويف مع ملعقتين سمن
- نطلعها ونضيف لها نصف كوب بسكويت شاي مطحون ،
و 4 ملاعق حليب نستله مركز محلى ونعجنها مع بعض
- بعدها نكورها ونغمسها في حليب محلى نحط معاه شوي مويه عشان مايتلزق
- ونغمسها بالحشوات المحببه لنا .. أنا حطيت
(بسكويت مطحون،شوكلاته بودره،جوز هند،سكاكر ملونه،سكاكر شوكلاته ، أوريو)
- وتقدم مع نوعين من الصوص (الكراميل ، الشوكلاته )

كرات الشوكلاته

الطريقة /

- نحمص كوب حليب بودره ونضيف له علبة بسكويت شاي صغير مطحون .
- نضيف ملعقة كبيرة ونص قشطة .. ونضيف حليب محلى مركز ..
ونعجنهم لحد مانحس أنو صارت عجين سهلة التكوير
- نكورهم .. و نسيح 2 حبة جالكسي في حمام مائي ونضيف له شوي حليب ..
ونغمس فيه الكور ونصفهم بصحن التقديم
- نحطه بالثلاجه عشان يجمد .

اللقيمات المحشية

الطريقة /

- نقوم بعجن ( 3علبة قشطة + 3 أكواب دقيق+ 2 ملعقة بيكنج بودر ) ونتركها تخمر لمدة نصف ساعة .
- نأخذ قطع صغيرة من العجين ونحشوها بـ ( جبن كيري )
ونكورها ونضعها بالزيت وطبعا مايكون الزيت حار مره عشان ماتطلع محروقه ، يعني يكون الزيت على نار هاديه .
- وبعد مانخرجها نعمل صوص مكون من ( حليب محلى مركز +قرفة ) ونضعها في صحن التقديم ونرش الصوص فوقها
ونصب شوكلاتة هيرشي .

حلى السنــكرس

الطريقة /

- الطبقة الأولى ( نغمس بسكويت أوريو بالحليب .. وبعد كذا ونكسره داخل كاس الحلى ) .
- الطبقة الثانية ( نسيح 2 سنكرس كبير ، علبة قشطه ، ربع كوب حليب ، ظرف كريم كراميل) ونحركها لحد ماتتجانس ونضيفهم فوق الأوريو .
- الطبقة الثالثة ( نص علبة حليب محلى مركز كبيره ، 6 حبات جبن كيري ) وتصبينهم فوق السنكرس .
- تزين بالأوريو المطحون .

تشيز كيك التوت

الطريقة /

- الطبقة الأولى ( 2 علبة صغيرة بسكويت شاي مطحون ، نفركها بأصبع زبده ، علبة قشطه )
ونعجنهم لحد مايطلع البسكويت متماسك .. ونرص البسكويت في العلب كطبقة أولى .
- الطبقة الثانيه .. في الخلاط ( علبة قشطة ، ظرف كريم كراميل ، نص علبة حليب مركز محلى ،6 حبات جبن كيري ) ونصب الخليط فوق البسكويت .
- نخلي الخليط يجمد شوي .. وبعد كذا نضيف الطبقة الثالثه .. وهي ( حشوة التوت ) الجاهزة وبأمكانك تحطين أي حشوة عاجبتك فراولة أو شوكلاته : )

السينـــابون

الطريقة /

- نعمل العجينة السريعة .. في الخلاط ( 3 ملاعق حليب بودرة ، 2 ملعقة خميرة ، ملعقة سكر ، نص ملعقة ملح ، رشة فانليا ،
نصف كاس زيت ، كاس دقيق ، كاس مويه دافيه ) ونخليها ترتاح 10 دقايق .. وبعد كذا نعجن الخليط بالدقيق .. لحد مايطلع معنا عجينه كويسه .. وهالعجينه تصلح لجميع أنواع الفطائر : )
- حشوة السينابون .. في الخلاط ( نصف كأس شوكلاتة دموع هيرشي ، 6 حبات جبن كيري ، نص علبة كبيره حليب مركز محلى، 2 ملعقة كبيرة قرفة مطحونه ، ملعقة كبيرة شوكلاته بودرة مرة )
- نفرد العجينه على شكل مستطيل وندهنها بالحشوه ..ونلفها على شكل رول ونقطع الرول دوائر ونصفها بصينيه .. وندخلها الفرن لحد ماتستوي .
- نعمل صوص فوق السينابون .. في الخلاط ( حليب محلى مركز + جبن كيري + قرفة مطحونه ) ..
ونصبة فوق السينابون اذا طلعناه من الفرن .

أصابع البف باستري.

الطريقة /

- ناخذ عجينة البف باستري المربعه ونضع عليها الحليب المركز المحلى نستله ونرش عليها قرفه ونحط فوقها عجينه مربعه ثانيه .
- نقطعها بالطول اربع قطع تقريبا ، ونبرم كل قطعه كم برمه ،ونحطها بالصينية وبالفرن لحد ماتستوي .
- اذا طلعناها وبردت نحطها في صحن التقديم ،ونرشها بالحليب المركز المحلى وشوكلاتة هيرشي .

المصدر: منتدى الخليج

 يسلمو الوتر الحساس
على وضعك هذه الطرائق ويعطيك ألف عافية

 تسلمي ع الطرائق
ويعطيك العافيه

 ♧｡◕｡

كحيلان
سلمت الاياادي على المرور الرآآئع
.. باقات عطري لـ روحك
✿

 ♧｡◕｡

همسه غلا
سلمت الاياادي على المرور الرآآئع
.. باقات عطري لـ روحك
✿

 شكرآ ع الوصفات
ويعطيج الف عافية

 

تسلمين ي الغلا
على الطرح الجميل والمميز