كبيرة بالسن بس سنعة

 

كبيرة بالسن بس سنعة

كبيرة بالسن بس سنعة
👍
هذي وحدة اسمها شريفة بنت سعد
كبيرة بالسن بس سنعة وشقردية💪
وأفنت حياتها لعيالها وزوجها
وفي يوم قالت شلون ما أعرف أقرأ ولا أكتب ودي أقرأ قرآن ودي لو أكتب اسمي😯
وعزمت إنها تدخل محو الأمية وجابو لها عيالها شنطة فيها دفاتر وأقلام
وحتی عباة جديدة لزوم المدرسة وسجلت وقبلت وبدت تتعلم

وأول شي علموها كيف تكتب اسمها واسم أبوها سعد

💗فدمعت عينها وهي تكتب😢
وجت المعلمة قالت وش فيك ياشريفة
قالت ذكرت أبيي الله يرحمه
أول مرة اكتب اسمه في قرطاس
😂
وتحمست المعلمة قالت يالله بنكتب اسمك كامل
شريفة بنت سعد
وفجأة رمت القلم وصار وجهها أحمر 😠😈💣🔪
وش فيك؟؟
قالت تبيني أكتب اسمي قبل اسم أبوي؟؟!!

😠
والله اسم أبوي قبل اسمي
قالت المدرسة: كل الناس كذا
ردت شريفة: إذا صاروا مايستحون أصير زيهم لا وألف لا✋
يابنت الحلال راح يصير سعد بنت شريفة
قالت ولا اكتب اسم أبوي وراي الله يشرفه ويجعله بالفردوس
وعيت تكتبه ورا اسمها 😂
آخر شي توصلوا لحل
وكتبت
"سعد بنته شريفة"😚
وكتبته على دفاترها وكتبها لين تخرجت من الابتدائي
وكانت تاخذ الأولى عليهم وكل شهاداتها
"سعد بنته شريفة"
رحم الله قلوب طاهرة بارة بوالديها
روعة هذا المقال


🌺 يا حلاتهم بعض كبار السن
إمرأة كبيرة بالسن:
لما حدثوها عن الجنة وأنه تسقط عنك التكاليف والعبادة !
قالت: أما الصلاة والله ما أتركها أبفرش سجادتي تحت الشجيرات بالجنة وبصلي"


وأخرى
تقول يالله الجنة مغير أصلي وأسبح وأهلل ...

قالوا لها خلاص ما فيه تكاليف ولا صلاة !!!
شهقت قالت : ياخزياه من ربي نتسدح ونتبطح ولا صلاة ولا عبادة ،
ما تركنا الصلاة بحياة الشقاء نتركها بالنعيم
قلوب تعلقت بمحبة لله..💔
من أروع ماقرأت 🌹أين نحن ..؟

يا حلاتهم بعض كبار السن

المصدر: منتدى الخليج