آخر 10 مشاركات |
الإهداءات | |
#1 | |||||||||||
|
ياماحلا المطلاع يامل عيناً بالدموع المذاريف = هلّت بلحظه ماحسبنا احسابه اخفيتها وسويت للجو تلطيف = خوفاً من العذال واهل الحرابه مابغى يشوف الدمع من قال ياحيف = حتى لو انه قالها في دعـــابه الحب بين الناس واقع ولا عيف = فطره من الخالق ومابه معابه ماهو كلاماً تحتويه التخاريف = احساس مايحتاج صك وكتابه وماهو تلاعب بين شلة ملاقيف = وماهو وهم ولا خيال وسرابه ياماحلا المطلاع بذيك المشاريف = ابعد عن الروتين وحال الرتابه مع الذي خلّى عروقي رواجيف = وعشت الامل ثم الامل لي جابه جمع حلا مع زين وحسن التواصيف = واصبح لنفسي كالعلاج وطبابه له مبسماً كالشهد وعيوناً خواطيف = وكم عين تبدي ماخفى من اجابه يوم يتكلم من شفايف مراهيف = ناياً..وموالاً.وصوت العتابه عقلاً وزيناً بالتساوي مناصيف = حتى غدا مثل الشموخ ومهابه ياليتني وياه..بضحك وسواليف = وليت الدعاء بنهايته استجابه حسيت قلبه ثم قلبي مواليف = وحسيت ان افكار عقلي درى به مخزون قلبي ثم عقلي ملاهيف = منحازة(ن) وياه وكلاً رضى به غلاه عندي ماعتقد بالملا شيف = وماظنّتي مخلوق يمكن حكى به عواد الهران المصدر: منتدى الخليج
التعديل الأخير تم بواسطة عواد الهران ; 12-14-2017 الساعة 12:16 PM |
||||||||||
|
|