..×..عسى الجروح اللي بقلبي تكفيك ..×..

 

..×..عسى الجروح اللي بقلبي تكفيك ..×..

قصيدة اعجبتني فنقلتها لكم

اتمنى تنال على إعجابكم

.....

عسى الجروح اللي بقلبي تكفيك
شكرا من اعماقي لحضرة جنابك

طعنتني وأنا من القلب مغليك
ذبحتني وأسقيتني من عذابك

كم بعتني وأنا من الروح شاريك
ضيعت حلمي في مطارد سرابك

تعبت أدور عن مراسي موانيك
الله حسيبك .. أفتريت بغيابك

أعماك حب الذات ربي يجازيك
صدقت منهو باع لك وأشترابك

مشيت ماتدري سماك من أراضيك
أرخصت نفسك قبل ترخص أحبابك

الله حسيبك روح ... الله يهنيك
ليت الذي ضحك عليك أهتنابك

وألا أنا .. ماني من أخطاء ماضيك
بغرور .. أنا اجمل مراحل شبابك

بعدت خلانك وقربت شانيك
ودرب أخترته .. شوف وين انتهابك ؟

ماجيت أعلل غلطتي أو .. أراضيك
أنا بنيتك ... ما سعيت بخرابك

بنيت أنا أحلاامك وأجمل أمانيك
ولاا سمعت اللي بظهرك حكابك

تجرح ولا يوم أشتكيلك ولا أشكيك
أفز لا شفتك وأنادي هلا بك

تعبت عمري بس أطارد خطاويك
ضاعت حياتي كلها من اسبابك

بالأمس .. قلت العمر فدوة مواطيك
واليوم رحت وجيت ما أحد درابك

مدري على الزلات وش كان يغريك
ضيعت نفسك يا خسارة شبابك

خلاص .. انساني وأنا من امس ناسيك
يكفيني اللي صار بي من مصابك

جاء وقت أقوله : للأسف روح مابيك
شكرا ... من اعماقي لحضرة جنابك

المصدر: منتدى الخليج

 عسى الجروح اللي بقلبي تكفيك
شكرا من اعماقي لحضرة جنابك

طعنتني وأنا من القلب مغليك
ذبحتني وأسقيتني من عذابك


روووووووعه الابيات تسلمين الغاليه على الاختيار الموفق ..

 

بالأمس .. قلت العمر فدوة مواطيك واليوم رحت وجيت ما أحد درابك

قصيده جميله جداااا

مشكوورة الريم

 

جميل مانقلتي أختي
الريم اللعوب
قصيدة رائعه
صح لسانك و لسان قايلها
ربي يعطيك ِ الصحه و العافية

 .
.
++ { شمايل ...

هلا و غلا فيك
يسلمو اختي على المرور العطر
ارق التحايــأ العطرة

++ { الريم اللعوب ...

 .
.
++ { الاملح...

هلا و غلا فيك
يسلمو اخوي على المرور العطر
ارق التحايــأ العطرة

++ { الريم اللعوب ...

 .
.
++ { الفااارس ...

هلا و غلا فيك
يسلمو اخوي على المرور العطر
ارق التحايــأ العطرة

++ { الريم اللعوب ...