أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
| #1 | ||||||||||||
  
|
 السلام عليكم .. يالله ان تحيي كل من دخل  وسير وقرا موضوعي بهالموضوع بشرح لكم فيه كيف تقدرون تفتحون حساب ايتونز امريكي مجاني iTunes Account علشان تقدرون تحملون منه البرامج والالعاب اللي تبونها وتنزلونها على الايفون او الايبود تتش  :: تحميل البرنامج :: اول شيء برنامج الايتونز iTunes النسخة 9.0.3 لـ مستخدمين الماك لـ مستخدمين الويندوز :: الشرح ::  بعد ما نثبت البرنامج نفتحه ونروح لخانة الـ iTunes Store وننزل تحت لاخر الصفحة ونختار الدولة امريكا  بعدها نروح ونضغط على قائمة الـ App Store ونختار اي واحد من البرامج المجانيه ونضغط على كلمة Free ( وترا لازم يكون برنامج مجاني اذا اخترتوا برنامج بفلوس منتمب قادرين تفتحون حساب مجاني )  بتطلع لنا هالنافذه نضغط على خيار انشاء حساب جديد Create New Account  نضغط على Continue  نوفق على الشروط حقتهم بعدين نضغط Continue  نعبي البيانات هذي زي ما هو موضح بالصورة  بعدين بتفتح لنا هالصفحة نختار منها None ونعبي البيانات زي ما هي مشروحة بالصورة وبعدها نضغط على Continue  وكذا نكون سوينا الحساب المجاني حقنا باقي علينا بس نفعل الايميل .. علشان نقدر نستخدم الحساب  نروح نفتح ايميلنا بنحصل فيه رساله من الـ iTunes Store نفتحها ونضغط على الرابط اللي فيه علشان نفعل الاشتراك  اذا ضغطنا عليها بيطلب مننا ندخل ايميلنا والباسورد زي هالصورة ندخله ونضغط على Sign In  وبكذا نكون فتحنا الحساب وفعلناه باقي علينا نضغط على Done ونروح نحمل البرامج والالعاب اللي نبيها :: بعض الأسئلة اللي تتكرر كثير :: س: ما يطلع لي خيار الـ none وش اسوي ؟؟ ج: لانك ما اخترت برنامج مجاني وضغطت على اي برنامج .. تاكد انك مختار تحميل برنامج مجاني علشان تقدر تفتح حساب بدون ماستر كارد او فيزا س: طيب انا فتحت لي حساب مجاني اللحين .. بس ابي اشتري برنامج بفلوس وش اسوي ؟ ج: ابد كل اللي عليك تسويه تدخل على الاكاونت حقك وتضيف بطاقة الماستر كارد او الفيزا ص٤ .. وتصير تقدر تشتري اي برنامج او لعبه تبيها س: انا سويت كل شيء بس عيى يفتح معي الحساب ما اقدر ادخل عليه ! ج: لانك ما فعلت الايميل حقك .. رح افتح ايميلك بتلقى رساله منهم افتحها واضغط على الرابط اللي فيها ويتفعل ايميلك س: لازم اكون شابك بالانترنت وانا اسويه ولا ما تفرق ؟ ج: الا لازم تكون شابك بالانترنت ولا منتب قادر تفتح الحساب س: انا سويت لي حساب بس ما ودي استخدم الكمبيوتر .. اقدر احمل من الايفون على طول وبس ؟ ج: ايه تقدر بس اهم شيء تفتح لك حساب بهالطريقة .. بعدين تدخل منه بالايفون وتحمل اللي تبيه س: وش الفرق بين الحساب السعودي والامريكي او اي حساب ثاني ؟ ج: ما يفرق واجد اللهم ان الامريكي ميزته تقدر تحمل منه بعض البرامج يمكن ما تكون بالسعودي .. والاهم انك تقدر تشتري اغاني وافلام ومسلسلات منه س: كل ما بغيت ادخل على الـ iTunes Store يقولي انه غير مدعوم في هذا البلد !! ج: لانك ما قريت موضوعي .. اللي انت داخل عليه برنامج الايتونز بالايفون هذاك طنشه ما عليك فيه .. اذا تبي تحمل برامج والعاب ادخل على الـ App Store من الايفون .. بس قبل كل شيء لازم تفتح لك الحساب بهالطريقة خدمة الايتونز اللي انت تحول تفتحها مهيب مفعله عندنا بالسعوديه علشان كذا ما تقدر تستخدمها وبكذا نكون انتهينا من شرح طريقة فتح حساب امريكي مجاني بالايتونز اذا عندكم اي سؤال او استفسار عن الشرح .. اسالوا وان شاء الله ما اقصر معكم  وأي سؤال انا بالخدمة:10:  المصدر: منتدى الخليج
|
|||||||||||
|
|
العرض الشجري