كل الحياة دروس والدنيا عبر

 

كل الحياة دروس والدنيا عبر

إلى متى يا "ضيقه الخاطر " على مجرى الوريد..؟
ماعاد باقي من دمي قطره مهي مستوجعه !

انا دخيلك يا وفا قلبي تسافر بي بعيييد..
طموحك " الربان " .. وجروحك بـ قلبي الأمتعه !

وجه الزمن ماعاد يغري .. وانقفل باب البريد
وانته " وفاي " اللي لو أخدع دنيتي .. ماأخدعه !

لا صارت الدنيا مصالح .. والوفا ؟ كم فـ الرصيد..؟
انو السفر يم الأمل وأفرد جميع الأشرعه..!

بس البلا لا صارت أمواج " التعاسه " من جليد..
وإن صاح جرحك مالقيت اللي يحن ويسمعه :

أبرك سنه من لا يقدّر خوتي .. فرقـاه عيد..
أما "الرفيق الغالي " إليا غاب .. أخذ قلبي معه !

البارحه هبت هواجيسي فـ صدري من جديد..
سوالف ٍتشره على قلبي بـ حلم ٍ ضيَّعه..!

لاهنت يا " جرح الزمن " حقق مرادك ما يريد..
أهديت للخافق جروح .. وهو رفع لك قبعه !

يا ويل حالي من شقى اللوعه ويا قطع الوريد..
على آخر جروح الصداقه .. والطعون الموجعه..!

قلبي " مصفِّي نيته " لو كل من حوله ضديد..
يبقى ( الجبل ) مهما وطته الريح ماهي تزعزعه !

من طاح من عيني ماعاد يهم ينقص أو يزيد..
اللي ينزِّل قدره بـ نفسه .. هو اللي يرفعه!

"ريَّحت قلبي" من عنـا الدنيا وانا اللي مستفيد..
مادام قلبي مالقى في الوقت شي ٍ يقنعه..!

إلا رفيقٍ يجبر الكسر .. وعلى الشده عضيد..
هذا منى قلبي عـلى الدنيا وهذا مطمعه..!

أضحك لو أن الضيقه اللي في الحنايا تستزيد..
لين أقهر الضيقه وأخليها تفارق فـ السعه !

لا خانك الوقت الردي "ما للحديد إلا الحديد"
اللي شراك أهده وفـا.. واللي خذل عهدك بعه..!

تمشي المقادير بـ هوى الراضي وتلعب بـ العنيد..
صدق اللي قال ان طاعك "الوقت الردي" ولا طعه !

العمر بـ أيامه قطار .. وراكب ٍ سكة حديد..
وتمر لحظاته مابين المُحزنه و المُمتعه ..!

كُل الحياة دروس والدنيا عبر والمستفيد ..
اللي خذا من ( جمله الدنيا ) دروس ٍ تنفعه..!
...

المصدر: منتدى الخليج

 كُل الحياةدروسوالدنيا عبر والمستفيد ..
اللي خذا من ( جمله الدنيا ) دروس ٍ تنفعه..!


رائع ماسطرت هنا من ابداع اختيار موفق
يعطيك العااااافيه كنزالغلا
دائما مميزه

 يسلمو كنز الغلا
على وضعك هذه الكلمات الجميلة ويعطيك ألف عافية

 قلبي " مصفِّي نيته " لو كل من حوله ضديد..
يبقى ( الجبل ) مهما وطته الريح ماهي تزعزعه !

من طاح من عيني ماعاد يهم ينقص أو يزيد..
اللي ينزِّل قدره بـ نفسه .. هو اللي يرفعه!
رووعه
شكرآ ع الكلمات
ويعطيك الف عافية

 تسلمي ع الكلمات الجميله
ويعطيك العافيه

 فطوم
شكراً لتواصلك الجميل
يعطيك ربي العافية

 القلب

شكراً لتواصلك الجميل
يعطيك ربي العافية