انتي ولاشي

 

انتي ولاشي

والله وصرتي تستهينين فيني
وانا الذي سويت لك قدر بيديّ

تدرين وش كنتي قبل تعرفيني ؟
ان قلت لك كنتي ولا حاجة شويّ

انا الذي فرشت لك رمش عيني
وعملت منك شي وانتي ولا شيّ

جيت اعشقك ما جيتك لك تحقريني
جيت اسكنك بسمة ما هو بسكنك غيّ

لا صرت عامل لك قدر قدريني
ترا الكرامة صفحة ما لها طيّ

ما دام ما جيتي غلا لا تجيني
نار الجفا عندي ولا الذل بالفيّ

والله لاهجرك قبل لا تهجريني
اجل تبيعيني واجيلك برجليّ

يا تتركين الكبر يا تتركيني
لأن المحبة شي والمهزله شيّ

إن كانت الدعوة غلاي وحنيني
يمكن يزول الحقد ويشعشع الضيّ

لكن حكاية ينحني لك جبيني
في ذمتي ما ينحني لك وانا حيّ
ـــــــــــــــــــــ



حامد زيد

المصدر: منتدى الخليج

 وربي وأنا أقرى الأبيات أقول ببالي
أعرف هالأبيات بس لمنو لما نزلت تحت
شفت أنه للشاعر الكبير والمخضرم حامد زيد >> لبى والله
تسلم الغالي
على الطرح والشعر الرووعه

 يعافيك ربي على القصيدة الجميله

 والله لاهجرك قبل لا تهجريني
اجل تبيعيني واجيلك برجليّ

يا تتركين الكبر يا تتركيني
لأن المحبة شي والمهزله شيّ

إن كانت الدعوة غلاي وحنيني
يمكن يزول الحقد ويشعشع الضيّ

لكن حكاية ينحني لك جبيني
في ذمتي ما ينحني لك وانا حيّ

تسلم ع الكلمااات الراائعه
ويعطيك العافيه

 يسلمو على طرح الكلمات
ويعطيك ألف عافية

 يسلمو الغالي
على وضعك هذه الكلمات الجميلة ويعطيك ألف عافية

 شكرا لكل من كان هنا