حلو الشعور

 

حلو الشعور

ظروف .. وفَرَّقَتْ قلبين .. كانوا بـ المرآيا دوم .. !
لا والله .. قلوب كثار .. صمت النبض فرَّقها ..

من المسؤول ؟ ..
.. ما أدري .. ولكني إلين اليوم ..
رُغم ( الهجر ) يا وجه المرايا .. باقي أعشقها ..

أحن لـ ذكريات الصبح .. لا جافت عيوني النوم ..
.. وأتمنى لو إن أحلامي .. التوفيق حققها .. !

هنآ ..
كان ( الشعور ) .. أحلى من البسمه .. على المهموم ..
وسيعه كانت الدنيا ..
...... وعلينا الوقت .. ضيَّقها .. !

ضاع الشعور وما بقى بـ القلم روح ..
لا طعم بـ اشعاري ولا لون بعدك ..

أحاول أكتب عن بقاياك وأبوح ..
بس المصيبه لا تذكرت ردك ..

يومي طلبتك .. لا تزيديني جروح ..
قلتي وعد .. يا للأسف وين وعدك ؟

رحتي ..
ودمع العين .. بـ الخد مسفوح ..
مع إن مابه شيء لـ البعد حدك ..

خنتي ..
أو إن الصدق خانك .. ومسموح ..
مابيك لي تحكين أسباب .. صدك ..

أنتي تعالي .. والخطا منك مدموح ..
لـتبررين القصد .. مفهوم قصدك ..

يكفي حديث غياب .. وابياتي تنوح ..
يكفي غرق .. ما بين جزرك ومدك ..

الصبح مثلك .. هادي اليوم مملوح ..
جوهـ حميمي .. وآتمناك وحدك ..

تبدينه فـ ضحكة .. غزل .. صوت مبحوح ..
وتْقَرّبَ الأشواق قلبي بـ يدك ..

ونهيم بين الجد .. وشوية مزوح ..
ومن التعب .. يرتاح صدري .. بخدك ..

إلين ذاك اللي فقدته .. مع الروح ..
أقصد شعوري ..
بالمحبه يهدك .. !

صباح الخير يـ ( الماضي ) .. !
... و يا أطلال ضحكتنا ..
صباح الشوق لـك وحدك .. و من غيرك له بـنشتاق .. ؟

أنا و قلبي و سواليفي ..
و نبض الشعر .. و المعنى ..
على حطة يدك باقين و إن كثروا لي العشاق .. !

أحبك كثر ما حبوا قصيدي عن محبتنا ..
أو أكثر من حروف فراقك اللي تبَكّي الأوراق ..

قدر .. و الا ظروف العمر لو ما كان حدتنا ..
لـ اقضي ما بقى بعمري على حضنك بـدون فراق ..

قول : آمين ..
جعل الله في جنته يجمعنا .. !
.. لأن العيش بـ الدنيا ورب البيت ما ينطاق .. !

بقلم / أبو ساره

المصدر: منتدى الخليج