أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
| #1 | |||||||||||||
  
|
 للحزن ساحاتٍ بصدري مثل ساحات القتال .. فيهـا الاصيـل مـن المهـار تعـوّد بخيالهـا ولا يطفي حر مابي من حرايق وأشتعال .. الا الدمـوع اللـي مـن عيونـي يهـل هلالهـا لازال فيهـا دمعتيـنٍ للفـراق ولاتـزال .. ذكـرى هنـوفٍ كـل يـوم أحطّهـا وأشتالهـا راحت عسى الله مايلحقني مشاريه الرجـال .. تقـول كنّـي ماخلقـت مـن التـراب الاّ لهـا عزّ الله أنّـي مانسيـت أفعالهـا بنـت الحـلال .. لعـل ربـي مايجازيهـا بسـو أفعالهـا أكبر جريمه ترتكبها فالهوى مـن وسـع بـال .. هـذي ضحاياهـا بقلبـي شيـدوا تمثالهـا وشلون تهجرني وأنا مالي على الهجر أحتمال .. وشلون تهملني وأنا مانيـب أطيـق اهمالهـا وشلون تقطعني بسيف البعد قطّاع الوصال .. وأنا لو أقطع عرق قلبـي ماقطعـت اوصالهـا وشلـون ماتشتاق,,ماترحم,,ماتذكر,,ماتسـال .. وشلـون ماتطلـق يديـنٍ كبلـت بأغلالـهـا وشلـون مايطـري عليهـا لاتفيـت فالظـلال .. متشبـثٍ لاوقفـت جنبـه قعـد بظلالـهـا مكسور خاطر والسوال أعووووذ من ذل السوال .. ياما أنتظر من برج هاتفها يبـث أرسالهـا لكنّ مال الآدمي حيله لامن الحظ مال .. الميلـه اللـي فـال ربـي خيـر لـه مـن فالهـا هي افقدتني من هنا .. وأنا فقدت الاتصـال .. مـن يـوم راحـت لارسايلهـا ولا جوالهـا ياقسوة الايام والحظ الـردي والاتكـال .. علـى مقولـة ( للمواقـف واللـزوم ارجالهـا) يالله دخيلك من تردّاية نصيب وشين فال .. من حيرة آمـري ليـت عنـدي حيلـةٍ وأحتالهـا أن أرخصت قدري وطاحت قيمتي والهجر طال .. قولولهـا تتـرك مكابرهـا وتاخـذ بالهـا أنا من اللي .. فوق فوق و عال ..عال .. تركد ويركد عمّها معها ويركد خالها لاوصلـت للحـد هـذا لانقـاش ولاجـدال .. تبعـد وتنكـف الامـور دقاقهـا وجلالـهـا لو المفارق صعب والنسيان ضرب من الخيال .. ارخاي راسـي لايـروق الهـا ولايحلالهـا احفظ لها قيمة غلاهـا وأنتظرهـا مـن شمـال .. وإذا نستنـي هـذي الدنيـا وهـذا حالهـا أمّا أني أنساها .. نسى الله من نسى ذاك القبال.. ياااااصبّ روحي صب دلتّها علـى فنجالهـا قولولها لاستخسرت فيني ريالين أتصال.. تهـدي علـى ( جمعيـة الصـم البكـم ) جوالهـا . . . لشاعرها/ مدغم ابو شيبة المصدر: منتدى الخليج
|
||||||||||||
|
|
العرض الشجري