أنا ما خون يا خاين وحبي ما عرف نقصان

 

أنا ما خون يا خاين وحبي ما عرف نقصان

أبفتح كل صفحاتـي وأبحـكي لك مـن الوجـدان
وأنا أتـرجــاكـ تسمعـنـي وتعـرف كـل مافينـي




أنا ليـلٍ طـواه الهـمّ وفجـره للأسـف مابـان
ظلامه زايدٍ عتـمـه .. ولابـه نـور يـضـويـنــي



أنا بحـرٍ عميق القـاع وموجـه يشبـه الطوفـان
ولابه زورق يرسـي علـى سطـحـه يـسـلـيـنــي



أنا عمري ولحـظـاته .. ألـم مع هـمّ مع أحـزان
كتمت الجـرح في صدري وناره حـيـل تـكـويـنــي



عطيتك كـل ما أملـك ومايغـلـى لعـينـك هـان
أبيك تكون .. لي وحـدي .. حـبيب وماتخـلينـي



بنيت بداخلي < قـصـرٍ > أبيـك تكمـل البنيـان
لقـيتك هادم < قـصري > وساسـه بـدّل بطـينـي



يهـلّ الدمع من عيني إذا شفـتـك علـي زعـلان
وأدوّر كل مايرضـي ... ضميـرك يامعـنينـي



تحـمّلت الطعـون وقـلت لك باكـر تصيـر إنسـان
وبدل ماتشفـي طعـونـي .. بسكينـكـ تعـادينـي



نهاية حـبنـا بانـت . . بـروح لعـالـم النسيـان
حـلفت أنساك ياخـلي .. وأنا مابيـك تطـرينـي


أنا عندي كرامه وإنت صعـب إنـك تهيـن إنسـان
يصون العـهد في حـبك .. خـساره طحـت من عيني



أنا ماخـون ياخـاين وحـبي ماعـرف نقـصـان
بتـمّم كلمتـي وأنهـي غرامـكـ مـن شراييني
\
\

المصدر: منتدى الخليج

 الف شكر على الكلمات الجميله يعافيك ربي

 لحروفك اخت همسة غلا همسه جميله تنير بروعتها وجمالها
ابحرت مع كل حرف من حروفك لأجد نفسي
على مرسى متصفحك لعذوبتهـ
تقبلي مروري

 سموتي همسة غلا
مشكورة عالكلمات الجميلة
تقبلي مروري المتواضع

 

يسلموو ع المرور

 يسلمو همسه غلا
على أختيارك هذه الكلمات الجميلة ويعطيك ألف عافية

 

يسلموو ع المرور