يا مدير تعال

قـائـمـة الأوسـمـة · #1

يامدير تعال !!

---------------------------------------------------

لاحظت من خلال تجولي بالاسواق والمجمعات واختلاطي ببعض البنغالية لإشراء بعض المستلزمات الخاصه انهم يقولون أهلين مدير تفضل ويضحكون

وأنا مستغرب ليش يقولي مدير هو يعرف عني شي يعرف اني مدير؟؟

او عاطل عن العمل هو يعرف عن حياتي عشان يقول مدير؟؟

لا والمشكلة انهم كلهم كل البنغالية يقولون مدير .. انا فكرت فيها كثير

ولا راحت عن بالي كلماتهم (( يامدير )) وبعدها تتغير وجوههم ويضحكون؟؟ !!

قلت لازم اسأل عن هالكلمه واعرف معناها رحت لمكتب السالم لترجمه

قابلت استاذ باللغه هندي يترجم الأردو واللغه البنغاليه والهنديه سألته وقلت له ابي اعرف اكثر من كلمة بنغاليه ممكن تترجمها لي بالعربي؟؟؟ وبقولك سالفتها بكل صراحه قلتله وش معنى كلمة مدير بالبنغاليه ؟؟ (( نظر فيني وضحك واللهالعظيم ضحك )) وقال لي لازم تعرف معناها؟؟ قلت ايه لازم بصراحه ضحكته زادت الشك فيني والاستغراب وانواع الافكار والتعجب وش معناها ابي اعرف لو ادفع كل اموال الدنيا ياناس وصلت مرحلة اني لازم اعرف هالكلمة من اللي شفته من البنغاليه يقولونها ويضحكون ولا ادري وش يضحكهم واللي مهبل فيني ليش كلهم متفقين على كلمة وحده .. كلمة يامدير ليييييييش ابي افهم

قلت لا والله العظيم مااطلع لو اتهاوش معك إلين تقول لي وش معنى الكلمة قال بقولك لكن لاتقول لاحد لان هالكلمة يمكن مايقصدون الشتم أو السب فيها للسعوديين او زبائنهم يمكن يقول مدير من باب الأحترام لك والكلمة هذي باللغه العربيه مافيها شي والمتعارف عليها ان المدير هو الشخص المسؤول له منصب وتقدير في المجتمع ،،، المهم ازعجني بكلامه وترقيعه لكلمة مدير قلت لا خلصني ترى طولت وأنا انتظرك تكلم ...

تدرون وشمعنااااااااها؟؟؟؟؟؟

كلمة مدير بالبنغاليه يعني عزكم الله (( حمــــــــااار )) لا وحمار اصلي بعد

احنا حميير عندالبنغاليه لو فكرت شوي اخوي المحترم ليش يقولك اهلين مدير؟؟

يعرفك يعرف عن حياتك هل انت مديراو وزير او طيار او مدرس او عاطل عن العمل إلخ ... لاحظو بأغلب المجمعات والاسواق والمنتزهات اللي فيها بنغاليه اول مايستقبلك ويبي يضحك عليك يقولك على طول مدير تبي تعرف انو الكلمة هذي

يقصد فيها انك حمار مع احترامي لكم رد عليه بأبتسامه او ضحكه وقوله لا انت المدير ومدييييييييير كبيييييييييير بعد .. وشوف ردة فعله شنو .. صدقني راح تشوف وجهه تغير واللي حوله اصحابه البنغاليه راح تتغير نظراتهم لك ،،،

.. .. للأمانه منقول .. ..

المصدر: منتدى الخليج

#2

حسبي الله عليهم وعلى تفسيرهم للكلمة
أجل أوريهم من يوم ورايح كيف أردها لهم لو قالها أي واحد
ويسلمو اجنادين
على وضعك هذه المعلومات ويعطيك ألف عافية

قـائـمـة الأوسـمـة · #3

حسبي الله عليهم هالمنحطّين
انا اسمعهم يقولونها لي وانبسط واستانس لا وكمان اتشقق لما يقولونها :157:
بعد اليوم ياويل اللي يقولها لي حتى لو كان سعودي بتفاهم معه:icon28: