لفائف التوست بالدجاج مع الخلطة البيضاء

 

لفائف التوست بالدجاج مع الخلطة البيضاء

المهم نبـدأ في الطبـق :

أولا :
المقـاديـر:

- دجـاجة كـاملة ..
- 2 بصـل مقطـع صغييير جدا أو مفروم ..
- ملح + بهـارات+ فلفل أسود ..>>> مـا كأنه الفلفل الأسود من البهارات!!
-صلصة طماطم (ملعقتين ونص)
-كيستين خبز التوسـت ..( مقطوع الأطراف + محلوج) >> فهمتو شي (:

مقـادير الخلطة البيضـا :

(الجبن السائل مش مع الخلطة .. هذا الجبن لدهن الخبز)

- قشطـة بيضـا سـادة .
- 3 حبات جبن كيري بالقشطة ( بس أنا ما حصلته فأخوي اشترالي جبن مراعي بالقشطـة -وإذا ما حصلتو شي عادي ساوو بالجبن المثلث يمشي..)
- ملعقتين مايونيز ..
- شويه حليب سايل .. >> إنتـي قبل إخلطي المقادير بدون حليب وإذا حسيتيه خفيف لا عاد تضيفي حليب ..
والخلطة تكون ثقيلة شوي بعـدين مشان تصير طعمـها..

ثـانيـا:
طــريقة الطبـق :
1 : قطعـي الدجاج وإغسليه ثم تسلقيه في مويـه وإذا تفوّر حطي ملعقة صغيرة بهـارات مشكلة ..>>
وإذا نضج >> نبات هو (: قطعيه بيدك قطع صغيرة مرة يعني تفتتيه ..
ونخلي الدجـاج جانبـا ً

2. تقلين البصل مع شويه زيـت وإذا استوى حطـي الدجاج المفتت على البصـل وحركيـه ومن ثم حطـي 2 ونص صلصة طماطم واخلطيه زين مع الدجاج وأثناء الخلط أضيفي شوي من ماي الدجاج مشـان يمتزج الصلصة مع الدجاج زيـن ..
وبعـدين حطي تقريبا نص ملعقـة ملح وشويه فلفل أسـود>> حسب الرغبة..

وإذا نشف الدجـاج .. خلاص خليه جانبـا ..

3. جيبـي خبز التـوست وقطعي أطـرافـه .. ومن ثم إحلجيـه .. طبعاً كل الخبز ..

4. ادهنــي خبز التوست بجبن سـائل شويه >> يعنـي مسحـه بسيطـة ..
ثم حطـي علـى الطرف شويه من خلطـة الدجـاج ومن ثم لفـي الخبز .
يعنـي زي كـذا :

وهكـذا مع بقيه الخبـز حتـى تخلص خلطة الدجـاج ومن ثم ترصيهن في الصحن اللي راح تدخليه الفرن ..
زي كـذا:

5- نبـدأ بعمـل الخلطة البيضـا ( في الخلاط طبعـا) :
- قشطة بيضـا + 3 جبن كيري + ملعقتين مـايونيـز .. وإذا حسيتيه ثخين مرة حطي شوي حليب سـائل .
وإذا أمتزجت زين .حطي هالخلطة فوق لفايف التوست .. كـذا يعنـي :

6- ومن ثم دخلي الصحن الفرن ولا تخليه واجـد على الفرن .. يعنـي إذا حسيتيه إحمرجزء منه .. خرجي الصحن .. حتـى وإذا حسيتي الخلطة تيبست شوي طفي الفرن ..
كـذا يعنـي :

وخـلاص أنتهـت الطبقة وبإذن الله تعجبكـم .. صدقونـي طعمها غير ..

وهذا صحن التقـديم لشخص واحـد

وبالهنـا والعافيـة علـى قلوبكـم ..

المصدر: منتدى الخليج