تدري شوفتك تجلي الهم

 

تدري شوفتك تجلي الهم

السلام عليكم ورحمة الله وبركاته

فطيرة القرفة والبندق
حلو بسيط بس الطعم وااااااو
المهم نبدأ مع المقادير
6 ملاعق كبيرة زبد (حطيت باكيت واحد)
كوب وربع ماء - 3 ملاعق كبيرة زبادي
3 ملاعق كبيرة عسل - 4 أكواب دقيق
ربع كوب حليب جاف - ملعقة كبيرة خميرة فورية
ملعقة صغيرة ملح - حبة كبيرة بيض - فانيليا


الطريقة :
* في قدر صغير نحط الزبدة و الماء والعسل والزبادي حتى
يصير خليط دافئ ( ماتخلوه يغلي ) وتذوب الزبدة.
* في وعاء آخر عميق نحط 3 أكواب دقيق و الحليب والخميرة
والملح ونخلط المواد الجافة مع بعض .. وبعدين نحط الخليط عليه
والبيضة والفانيليا وتعجن واثناء العجن نحط كل شوي دقيق الين
تتكون عجينه لينه ونخليها حتى تنتفش ..


* تفرد العجينة بشكل مستطيل وبعدها نحط عليها الجبن الكريمي
(كيري + شوية حليب) ويدهن بها الوجه وبعدين نحط سكر بودره
والقرفة المطحونة والبندق المبشور كالتالي


ونبدأ بلف العجينة مثل السويسرول ونلفها حتى تلتقي الاطراف مع بعض
ونحطها بهالصينية



لازم نسوي فيها خطوط مثل اللي بالصورة
وندخلها الفرن في درجة 190 لمدة 20 - 25 دقيقة
واول مانطلعها نغطيها بفوطة قطنية خفيفة لبضع دقايق
ونصب عليها الحليب المركز وننثر فوقها البندق وبالهنا والعافية



وبس
لكم ودي

المصدر: منتدى الخليج

 جوعتيني
يسلموو غلاي ع المقادير والطريقه
ماننحرم منك
يحفظك المولى..{

 يسلمو بحرالرواسى
على وضعك هذه المقادير والطريقة بالصور
ويعطيك ألف عافية

 الف شكر بحرالرواسى على هذه المقادير والطريقة يعطيك ألف عافية

 تسلمين خيتو ع وضعك الطريقه و المقادير
والله يعطيك الف عافيه

 يسلموو غلاي ع الوصفه
ماننحرم منك
يحفظك المولى..{

 اميرتي بحر الرواسي
مشكورة عالطريقة والمقادير
تقبلي مروري المتواضع