أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
| #1 | |||||||||||||
  
|
 ..  تناسى حاجتي لْـ قربه ،، و رحل ما قدّم أي أسباب ! نسى يومي أسولف له ،، وأبيّن له " وفا " وإعجاب .. ( تعال ) الحين علّمني ..! صحيح الظن فيكم خاب ..؟  يعني ودّك في فراقي ..؟ وينتهي هـ الحلم كله ..! إطلب الفرقا تجي لك ، ويْتحقق " مبتغاك " ..! أصلاً ( القصة ) حبيبي من بدايتها : تحيّر ..! يعني معقولة تحبني ؟ ولاّ تعشقها حروفي !  ( تغيب ) و [ الدنيا ] معاك تغيب ! تقطع خيوط الشمس عنّي ، ويصبح العالم : كئيب = (  صعب يا حلم تفسيرك . . ولا أحدٍ قدر ينسى ، تلاشت فرحتي بعدك و نيّة غيبتك لاحت !  حبيبي قول : أبي أعرف ، على شنهو تعنّيني ؟ وليه الشوق يفضحني ؟ ولا فكّر يداويني ! إذا .. لك يوم متضايق ؟ أنا الضيقات أيّامي . وإذا لك يوم تذكرني ؟ أنا النسيان .. . زعلْته ! وإذا جسمك تعب ؟ حتَّى أنا .. . خايف من عظامي ! أنا أمري إلى ربِّي ، من [ الصدمات ] .. سلَّمته . كسيرة نفس ( مخنوقه ) معي دايم جراح و هَمْ ، كأنَّ الهم معاهدني ، وفيني حضرته [ مهتم ] يواعدني ويجي بوقته ، أقول إصبر يقولي : تَمْ وعمره ما خلف وعده يسابق وقتي والساعه يجي يقهرني بطعونه ..! أناديله ويلبي سَمْ : " أنا لجلك أجي كلي مع جراحي مع أتراحي " كأنه حالفٍ إنّي .. أبـد ماأشوفها أفراحي ..!  عشقتك حيل ودآريتك .. و ياليتك .. تخبّي طعنتك وتحس بـ أحزاني ، معاك ألقاها راحاتي .. ولا أحاتي .. ومن شانك أذوق المر على شانك ! أردّد تكفى يا سيدي .. مـآهو بيدي .. أعوفك وأبتعد وأهجرها أوطاني .. أعوفك وأبتعد وأهجرها أوطاني .. هذي .. دفا صوتٍ من البرد مخنوق ، هذي ؟ سؤالٍ نصف عمري جوابه ! هذي : هي اللي عرّفتني على الشوق ، هذي قدر ما كنت حاسب حسابه إن سولفت .. في ثغرها لمعة بروق ، و إن سرّحت في عيونها صمت غابه ! و إليا ضحكت ؟ نورٍ من الفجر مسروق .. و إليا بكت : تحزن عليها الكآبة ، حُبي لها لو أدري إن فيه مخلوق .. قد حب مثله ؟ قلت : يا للغرابة ! تسميني بـ وجدانك وتدري إنت وجداني .. أنا أصلاً كثير أحيان أضيّع ، بينك وبيني ! أضيّع ، بينك وبيني ! أضيّع ، بينك وبيني !  ولا في يوم أبــ أتعلّم ! بـِ أنّ اللي يبي يبعد . . يلاقي له . . كذا حجّة و / وحدي اللي بـ أتألّم ! ولا من داخلي بـ أفهم ! بـ أن اللي قدر ينسى . . تهون العشرة في عينه ، وأنا اللي بأحضنه هـ الهم !  صوتك ، " أشعارك " وعطرك ،، ريحة أنفاسك وصدرك .. صورتك ، بوكك و ساعة ،، نبض قلبك وإنْـدفاعه .. كلمتك " عيشي عشاني " و بعض همسٍ من حنانك ! خوفك بليله ( عليّا ) حبّك بـ نظرة " عيونك " وبنت تسأل دوم عنّك يمّه وينه ؟ و ليه راح ! وش أجاوبها دخيلك ؟ حيل أحتاج " الإجابة " غابت البسمة في بعدك .. وأصبحت الأنوار " ظلمه " ! حتى بيتي ما أدلّه ،، وأجمل الأشياء ضاعت !  ذكرياتك ، حب فاتك ../ طيبةٍ تملي صفاتك ، وكل فرحة في حياتك ../ كلّهم : مرّوا عليّا ..! كنت وحدي في عيونك وكان يعجبني جنونك وفيني ما خابت ظنونك والدليل تشوفه فيّا ..! بين إيديني وتحتريني ولهفتك قالت : تبيني بس وينك عن حنيني ضعت كلّك من يديّا ! بين همّي ، وبين روحي أذكرك وأمحي جروحي وأصرخ بـ سرّي وبوحي مالي غيرك : عيش ليّا !  وبـأبقى : بدآخلك ( طفله ) تعدى عمرهَا العشرين ~ وظلت تحتريك سنين .. ولآ شابت ترى للحين ، تبيك بـِ عافيه وبخير ! تبيك بـِ عافيه وبخير !  جت سليمة آخر طعونك حبيبي لآ إتضايق لو لمحت الدمع سال لا يهمّك لو سمع قلبك نحيبي ماهي أول مرّه فيها الحظ مال  كانوا هنا : واليوم رَحْلوا وغابوا أبوابْ مفتوحه : دراااايش : بلا أحباب عيون ْ تدمع حزنْ : وعيون ذابوا أوراق : مِنْ أمس الحِكَايَهْ وغِيّابْ الذكريات أطفال ! بالروح شابوا ماعاد شفناهم : ولا ردّوا عتاب ْ كـأنّهم مُخْطيـن فينا وتابوا !  و رجّع لي إبتساماتي ، وطيبٍ .. يملي نيّاتي ، أبي أرجع أنا [ طفلة ] أضم اللعبة ما أحاااااتي ..!  يـ اللي كل أحلامي إنت لو نوى قلبك يفارق ؟ قولها لي في المنام و لا تخلّيها حقيقة .. !  أسألك بـ الله تجيني لجل أسولف عن غيابك وأسألك إنتَ تحبني مثل أوّل وإلاّ أكثر ؟ .........وإلاّ أكثر ؟ وإلاّ أكثر ؟ ،’ ’، :12: المصدر: منتدى الخليج
|
||||||||||||
|
|
العرض الشجري