انتي وعه وانتي حلوة

 

انتي وعه وانتي حلوة

الزمن بطيء جداً لمن ينتظر ، سريع جداً لمن يخشى ، طويل جدا ًلمن يتألم ، قصير جداً لمن يحتفل ..


لكنه الأبدية لمن " يحب "

.

سبح ــآن الله وبح ـمدهـ سبح ـآن ـًالله العظيـم ~

نبدأ

أنتي وعه إذا رحتي تسلمين على صديقاتك تركضين وتبوسينهم على خدودهم ...ونسيتي مصافحة الأيدي اللى حثنا عليها الرسول.صلى الله عليه وسلم.ـ

انتي وعه إذا دخلتي على ناس وبدل ماتقولين السلام عليكم..تقولين هاي !!!

انتي وعه إذا طولتي لسانك على هندي ولا فلبيني .. وقلتي أجنبي عادي
انتي وعه اذا كنتي مع أبوك ولا أخوك..وإذا راح نزلتي الطرحة ولا تلثمتي!!!

انتي وعه إذا طلعتي مع صديقتك وشفتيها لابسة نقاب ولا عباية راس..وقلتي لها : ماتوا اللي يلبسون نقاب !!!

*انتي وعه إذا خصصتي الدين بس لشهر رمضان !!!ـ

*انتي وعه إذا شفتي صورة صاحبتك في سفرها برا السعوديه متحجبة وانتقدتيهاـ.

*انتي وعه اذا قالت صديقتك بروح أعتذر لصاحبتي بنكمل 3 ايام زعلانين ...وقلتي لها بلا غباء ..لا تهينين كرامتك

*انتي وعه اذا رحتي لسوق والعطر يفوح منك ..وصوت الكعب يطقطق ..والمكياج مكمل الثلاثي

انتي وعه إذا حكمتي على البنت من مظهرها الخارجي ونسيتي الأهم وهو الداخلـ.

*انتي وعه إذا حطيتي اسم موضوعك مقتبس من اغنية ..وكل من قراه ..بيغني الاغنية..ولك الآثامـ

*انتي وعه لما تحطين نغمة جوالك اغنية وتجبرين الي جمبك يسمعها ..او حتى لو كان يسمع بيقعد يدندنها في باله..فبتشيلين آثامهـ

*انتي وعه لما تعرفين علم وساكته عنه..

*انتي وعه لما يكون عندك اختبار الساعة 9 وتحطين الجوال على المنبه قبل 9 وصلاة الفجرـ

*انتي وعه لمااتحفظين طفل مقطع أغنية وتضحكين.... بدل ماتحفظينه سورة من القرآن.

*انتي وعه لما أمك تكلمك ترفعين صوت التلفزيون ...ولما صاحبتك تكلمك تقصرين عليه؟؟؟ـ

*انتي وعه لما تسمعين صوت الآذان ولا تطفين الأغانيـ.

.

*انتي وعه لما يكون كل همك طلعات وأسواق ما لها أي فائدة...ولا جت صلة رحم ولا دورات مفيدة تطنشين..

*انتي وعه لما تشوفين مكان مليان رجال ..تتعمدين تمرين من عندهم..مع ان فيه ممر ثاني((لا وتظبطين الطرحة والنقاب!!!))ـ

* انتي وعه لما تكونين في صالة انتظار عامة ومليانة..وتجي عجوز..ومالها مكان..وما تقومين لهاـ

*انتي وعه لما تشترين كل الي نفسك فيه..وتنسين الصدقه للفقراء والايتام.

*انتي وعه لما تشترين اي بود وتملينه أغاني... ولا تحطين فيه لو أذكار.. ولا نهاية سورة البقرة ولا آية الكرسي...وينك عن حساب ربك؟؟

*انتي وعه لما تهجرين القرآن اكثر من 3 أيام...والنت جالسة عليه
24 ساعة

*انتي وعه لما تحشين عن الناس .. وعن حمولتك .. وتغتابين صديقاتك ..

***************

الحلوات

* انتي حلوة اذا صرتي فاضية تنزلين لأمك تسولفين معها توسعين صدرها.

*انتي حلوه لما تقومين من النوم وتقرين وردك ..والمغرب برضوه.

*انتي حلوه لما تجلسين بمكان عام وتقولين بصوت عالي لا اله الا الله((تذكرين الموجودين))

*انتي حلوه لما تشوفين طفل ..تعطينه حلاوة

*انتي حلوه لما تاخذين كرتون مناديل ولا موية وتحطينها عند باب مسجد.

*انتي حلوه لما تروحين انتي وصحباتك لدار أيتام ولا دار عجزة..بدل كل يوم سوق.

* انتي حلوه لما تشغلين وقتك في ..نادي ..كتاب..دورة..وظيفة..وكلها احتسبيها لله.

*انتي حلوه لما تقدمين نصيحه بأسلوب حلو. مو نصيحة تعصب بالواحد

*انتي حلوه لما أحد يسألك من وين شريتي هالشي..تقولين له المكان الصحيح..ليه الكذب وتحتسب لك كذبة ..

*انتي حلوه لما تكونين راضيه عن نفسك..مو تاكلين في نفسك..لحتى ماتصيرين غير ايجابية في المجتمع..

*انتي حلوهلما تشوفين اي وحدة تبتسمين في وجهها"العادة هذي اندثرت"لدرجه لو ابتسمتي بتقول الثانية خير وش فيها ذي اكيد فيها شي ـ

* انتي حلوه لما تسترين عيب صاحبتك ...مو تشهرين فيها

*انتي حلوه لما تكونين قدوة غيرك ..مو مثل سئ.

*انتي حلوه لما تقولين لخدامتك ولا السواق شكراً....وتهدينهم هدايا بسيطة

*انتي حلوه لما تحطين باقي اكلكم ((الرز مثلاً)) بصحن بلا ستك وصحن موية للعصافير.

*انتي حلوه لما تكونين غلطانه ..تسترين بنفسك ...وماتجاهرين بمعاصيك..عشان ماتكون المعصية شي عادي.>> مهمة هالنقطة كثير

* انتي حلوه لما تحكمين عقلك على قلبك..


قل ~ لا إله إلا الله ~ تُفلح

المصدر: منتدى الخليج