راعي الكماروا يوم العيد

 

راعي الكماروا يوم العيد

الســـــــــــــــــــــــــــــــــــلام عليكـــــــــــــــــــــــــــــــــم


صبحكم الله بالخير جميعا وكل عام وانت بخير والله يعوده علينا وعليكم كل سنه قصتنا اليوم

يا حبايبي الحلوين <=== مسوي حبابه === قبل العيد بكم يوم الوالد جالس على ناااااار ينتظر

حقين معرض اثاث مفصل عندهم كنب وبرضوا ينتظر كهربائيين يمددون بعض الاسلاك لانه

كان توه مسوي ديكور وجبس ومن هالشغلات هذي يوم خلصوا اللحين صارت هوشه بين

الوالد والوالدة حصلت بعض الاصابات وتمعط الشوش لاكن دون اصابات فاككناهم بسرعه

المهم ان الوالد جايبين له بقلاوه كذا نوع وشوكلاته كذا نوع مرتبه من باتشي ومدري من وين

بعد والوالدة رايحه السوق مكسرات غدير وقاشه من كل شي ومخلطه وصار شكلها مغري

قال الوالد نبي شوي للرجال قالت الوالدة هين هين يالضبان والله ماتذوقون منه شي يكفي

هاللي بالمجلس يكفي حي كاااامل قال بس شوي قالت والله ولا حلاوه قال لها طيب طبعا الوالدة

حاطع الحلاوا في طشت كبير وراحت المطبخ ويجي الوالد بالحيله ويقش ويحط في صحن تقديم

ويخشه لين من بكره حطه للرجال والوالده مسكينه ماتدري لاكن الوعد اليوم بفضح ابوي على

التسفيل اللي سفله فينا عند الضيوف هههههههههههههههههه عاد اقولكم السالفه من اول

عشان ما الحس مخكم رحنا نصلي العيد وعايدنا الجيران بالمسجد بسرعه كذا وكلن راح بيته

الوالد طق هذاك البرامودا لونه كأنه جدار مشغل العيون العربيه في حي عبدالله فؤاد المهم

الوالدة حطت فطور قال لاااااااااااااا تفطرون بعد مانضحي تركنا فطورنا ورحنا نضحي وخلصنا

الساعه 10 لاتشوفون شكلي وانا غااااااارق بدماء الضحيا يااااالا قسوت قلبي <== تلايط ==

حالتي حاله وانا اصلخ شقيت شوي من الكرشه وصبت على ظهر اخوي اللي جالس هههههههه

خاااااااااااااااااااااااااااااااايسه لو تشوفون نظراته وده يجلدني المهم خلصنا وفطرنا واخذنا لنا

تروشه من العيار الثقيل جميع انواع الشامبوا والصابون بالموووووت راحت ريحه الذبايح

بدا الناس تجمع عندنا طبعا العائله الكريمه يوم جت الساعه 1 الظهر رحنا جبنا الغدا 10 صحون

للرجال و10 للحريم يوم قلطناهم على الغدا في الدور الثاني عندنا صالة كبيرة جدا المهم

جلست انا واخواني ونسيبي بالمجلس والسبب الازدحااااااام ومافي مكان المهم اتصل الوالد

في اخوي وينك يااااااااا جحش يالحجي يالله تعال انت واخوانك تغدوا رقينا الا زحمممممممممه

مافي مكان نزلنا اتصل فيني تلفون الوالد قال وينكم فيه يادبشششش ههههههههههههههههههههه

حسيت ان ابوي يمدحنا دائما كذا رافع معنوياتنا هههههههههههههههههههههههههههههههههه

رقينا الا الناس تفرم من هالذبايح وانا ادعي ربي ان شاء الله يغص واحد في بالي ويقومون

الناس ونجي حنا نتغدى <=== ابليس === المهم الا زحمه بجد ونزلنا خلصوا الناس وغسلوا

ونزلوا الا ابوي وينك انتم الاماكن فاضيه وانتم جالسين يالله عقاب لكم صبوا شاهي وقهوة

:39: المهم الا هالمبزره يدخلون وياخذون من هالشوكلاته واللي ياكلون واللي يدعسون

بالارض واللي يحذفون على بعض تدرون ياجماعه وش اللي يقهر ان يشوفون عيالهم يوصخون

ويلعبون وعااااااااادي جدا ولا حتى يقول له كلمه عيب ولا شي عاد انا من القهر صرخت صرخه

على البزارين خليت الكل بالمجلس ينشف من الخوف واولهم ابوي طردت المبزره برا وسكرت

باب المجلس وعيوني تناثر من الشرار عاد ولد عمتي يقول هدي شوي يابو قلت له انت كل

تبن لا اطردك مثل المبزره هههههههههههههههههههههه المهم راحوا يصلون العصر ورجعوا

جلسوا في الحوش على هالبراد الا المبزره فاتحين ولف ماء حق الزراعه واصرخ صرخه

على البزارين عاد ابوي يقول لي اركد شوي لاتفشلنا عند الناس واقوله انت تشوف هالمبزره

غرقونا بالماء عاجبك كذا اول مره ياجماعه احس ان ابوي خاف مني وانا اتكلم

ههههههههههههههههههههههههههههههههههههههههههههههه المهم جلسنا نتقهوى لين المغرب

بعدين كلن قش حرمته وبزارينه وراح وبعد المغرب رحنا نعيد عند خوالي والساعه 10 انا

معااااااد اشوف شي رحت للبيت وحطيت راسي ونمت وماصحيت الا الساعه 8:30 الصباح

واللحين الساعه 10:48 صباح جالس اكتب لكم القصه بالتفصيل .




ان شاء الله ماطولت عليكم

المصدر: منتدى الخليج