أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
| #1 | |||||||||||
  
|
القصة الأولى: كلكم يعرف اثر الخلاف القبلي على العلاقات العائله فتحدث القصص الكثيرة والمؤثرة المهم لا أطول عليكم السالفة تقول اجبر احد الرجال على فراق زوجته التي أحبها بسبب الخلافات القبلية ولكنه لم يطلقها وبعد طول الفراق توقد بقلبه الحب وراح والشوق يدفعه إلى مضارب أهل زوجته وعندما قرب من الخيام راح يقلد صوت الذيب وجر ثلاث عويات فعرفت الزوجة ان هذا الذيب هو زوجها فخرجت والوله يقودها الى زوجها وبعد اللقاء الزوجي المعتاد المهم(مالكم بطوالاها) حملت الزوجة وعادت إلى أهلها والزوج رجع لامن شاف ولا من درى واتضح الحمل فذكرت الزوجة ما حدث لإخوانها فاطلبوا الزوج لمعرفة الحقيقه لأنهم (والشر برا وبعيد) ضنوا السوء بأختهم فجاء الزوج وهم جالسين فانشد اخو الزوجه هذي الابيات موجهها الي الزوج بعد جلوسه يا ذيب ياللي تالي الليل عويـت ثلاث عويات على ساق وصلاب ابسئلك بالله عقبها ويش سويـت يوم الثريا راوست والقمر غاب هاااااه عرف الزوج الموضوع ورد ( منشدا ) بهذه الابيات بعد ما أخذ الربابة طبعاً هذا بحضور مجلس الرجال ولكن ما كل يفهم القصد لأنه ما يعنيه وقال: انا اشهد اني عقب جوعي تعشيت وأخذت شاة البيت من بين الأطناب على النقا والا الردى ما تهقويـت ردوا حلالي يا عريبيـن الأنسـاب وبذلك تمت براءة الزوجة ورجعت مع زوجها والتم الشمل من جديد*** .... والقصة الثانية: تزوجت فتاه من قبيله اخرى غير قبيلتها وحدث عداوه بين القبيلتين بعد المصاهره واراد اخوا الزوجه ان يغير على ابل قبيلة اصهاره فاتفق مع اخته ان يغير ليلا وعندها سيعوي عواء الذيب وتجيبه اخته بابيات لتخبره مكان الابل وعندما وصل الى مشارف الحي رفع صوته بالعواء فقالت اخته الزوجه ياذيب ياللي جر صوت (ن) عوابه مادري ظما والا من الجوع ياذيب ياذيب لاتطـردك عنـا المهابـه طرش العرب بالبر كله عوازيـب تلقى العشا لك في خشوم العقابـه في روضة الرواح وان تهت ياذيب فسمعتها ام زوجها فظنت انها تعطي موعد لعشيق فقالت العجوز يابنت حـذرا لايعظـك بنابـه ترى معض الذيب مابه تطابيب تريك مثل البكره اللـي جلابـه لياحافها السوام يلقـى عذاريـب يخلي جنابك مثل دار (ن) خرابه تصير للفار المخرب ملاعيـب فردت الزوجه على هذه العجوز لنفي الاتهام الموجه لها بهذه الابيات وحياة جلاب المطر من سحابه اني سليمه مابعد عظني ذيـب واللي ظلمني جعلها في شبابـه وتحدره من عاليات المراقيـب انا كما عد(ن) عـذي شرابـه ماتارده بالقيض حرش العراقيب سبع العجايز دايـرات لمعابـه سود المقانع يابسات العصاليب وبذلك حققت مطلب اخيها ونفت التهمه عن نفسها المصدر: منتدى الخليج
|
||||||||||
|
|
العرض الشجري