قصة ولادة ربيعتي والله تضحك خخخ وقولو ماشاء الله

 

قصة ولادة ربيعتي والله تضحك خخخ وقولو ماشاء الله

قصه قراته اعجبني جدا جدا روعه سبحان الله كن فيكون فنقلته لكم


امااااااااانه كل وحده فيكن تقرا قصتها تذكر الله وتقول ماشاءالله ترى العين:icon7: حق وتدعي لي بالذريه الصالحه عاجل غير آجل ان شاء الله


طبعا انا استأذنت من الحرمه قبل لا احط قصتها ولانها صديقتي المقربه لقلبي اكثر شي من ايام الطفوله<<بتحكي قصة حياتها الاخت:icon10:

وهي لانها مشغووووله حيييل ماتقدر حتى تحط ايدها على اللاب توب...:icon10:. اقرو قصتها وبتعرفون ليش ماتقدر تحدر النت وتخبركم عن نفسها ^_^



المهم بختصر عليكم الموضوع

ربيعتي صار لها 6سنين من عرست ولا حملت <<معرسه يوم كنا بعدنا في المدرسه مرحلة الاعدادي... متخبله ع العرس والريل

وكانت حالها من حالي وحال اي وحده معرسه تفكر بالحمل والعيال وريلها صبر عليها لانه هي مافيها شي ولا هو بعد فيه شي سبحان الله التاخير من ربي...

المووهيم الحرمه تعالجت وسوت كل شي ومافاد معاها طول هالسنين عقب حليلها لجأت لاطفال الانابيب واختارت جنس البيبي وكم عدد الاجنه هي اختارت انها تحمل بـ 3 اجنه ولدين وبنت وفعلا تم هالشي بإرادة رب العالمين طبعا والحمدلله حملت البنت وطبعا تعبت حالها حال اي وحده حامل بـ 3 او حتى 1 وكانت فرحانه ومتفائله وكل شي لدرجة اني رحت معاها واشترينا سراير للبيبات 2 زرق وواحد وردي ومن كل شي خذنا 2 ازرق واحد وردي حتى المشوط خخخ

وكنت لما اكون فاضيه نروح انا وياها المستشفى عشان نشوف البيبيات واوضاعهم <<متحمسه الاخت خخخخ

وبعد معاناة 8 شهووور قررو المستشفى انهم يولدونها وهالكلام صار بتاريخ 12\2\2009 طبعا ماقدرو يتريونها تكمل التاسع لانه حملها خطير وخافو على اليهال....

طبعا بلا نقاش دخلوها غرفة العمليات وخبرتني بكل التفاصيل ههههه لاني كنت اترياها برا وقت ولادتها لانها هي يتيمه الام والاب ووحيده بين اخوانها الاثنين واهل ريلها كانو مسافرين وكان بينهم تج..... سولها تخدير موضعي وكانت واعيه بس ماشافت كيف سولها العمليه طبعا لانهم حاطين ستاره

اول ماشقو البطن طلعو اول ولد وعقب ثاني ولد وعقب البنوته.... وتقول كل مايطلعون واحد اييبونهم لي واشوفهم واستااانس بس كنت خايفه بنفس الوقت وشوي قبل لا يخطيون لها بطنها تقول الدكتوره صرخت!!!! قالت لهم صبروا فيه جسم بعده في البطن !!!! وتقول يتني وسالتني انتي بكم جنين قالولج انج حامل قالت 3 والحرمه مستغربه ههههههههههه قالت لهم ليش عيل كم واحد ؟؟من صدمتها مب عارفه شو تقول قالت لها الدكتوره صبري الظاهر انج حملتي طبيعي وانتي مب حاسه وهالحمل كان منفصل عن التوائم الثلاثه!!!! يعني في مشيمه منفصله اعتقد لانه حمل طبيعي واعتقد كان متاخر سبحاااااااااان الله والله شي غرييييب ومافيه شي يصعب على ربنا

وطبعا لا تسالو عن شكل الام حزتها<<<<



وعقب سحبو هالجسم حصلوها بنت!!! ومكتمل نموها بس حجمها صغيييييير عن باجي اخوانها سبحان الله وتقول عقب طلعوها ويابوها لي اول ماشافتها تقول حسيت اني اشوف عمري البنت طبق الاصل من الام هههههههههههه من حلاة ويهها هههههه المهم تقول تميت منصدمه واول شي يا في بالها قالت للدكتوره :دكتوره انا ماخذت لها سرير ولا ملابس وين احطيها<<< !!!!!!! خخخخخخخخخخ والله خبله من الصدمه حليلها مب عارفه لعمرها مووول يعني يابت 4 دفعه وحده ماشاءالله وخاصه انها تفاجات بالمولود الرابع وهي مب حاسبه له اي حساب وماكان يطلع في تصوير السونار لانه حجم البنت كان صغييير ومش واضح حتى!!!



وبعد الولاده طبعا هي مب مخبره حد انها حامل بـ 3 والكل انصدم انها يابت 4 مره وحده لوووول وحتى ماقالت للناس انها يابت 3 بس تقولهم انهم تووم انزين كم توام محد يدري غير اهلها واهل ريلها فقط وانا طبعا <<<<<رزة


والبنت اللي انصدمت فيها طبعا ماعطوها اياها لين اكتمل نموها ووصل وزنها للوزن المثالي للي في سنها يعني تمت بعيد عن اخوانها تقريبا شهرين وشوي وبالاخير انضمت الطفله المفاجأه الى اخوانها التوائم والحين ماشاءالله عليهم كلهم بخير ونعمه وكل ماروح لربيعتي اشوفها مسدحتنهم كلهم عدال بعض وكل شي تعطيهم وتسوي لهم اياه بالدوووور خخخخ يعني كلن بدوره كلهم مساكين يوقفون طابور

سمت البنات ( مي+فــَي)

الاولاد( غيث +ليث)

والحين اعمارهم تقريبا 8 شهور ربي يعطيهم طول العمر والصحه والعافيه

وتووته تووه خلصت الحتوته


وطبعا قصتها عبره لكل المتاخرات هي حملت حمل طبيعي بس منفصل ولا درت به بس اللهم تفاجئت به وقت الولاده سبحان الله لا اله الا انت سبحانك انك على كل شي قدير..


ايش رايكم بالقصه


..

المصدر: منتدى الخليج

 سبحان الله
ما شاء الله عليها
بس العمليه القيصريه ما يسون تخدير موضعي لازم تخدير كاااامل

كل شيء بيد رب العالمين و الواحد لازم يكون متوكل على الله

تسلمين اختي على القصه
يعطيج الف عافية

 

..رفيدة الأنصاريه}
/
تسلمين حبيبتي ع /
( ـآلطرح) ..
يعطيك ربي العافيه ..~
عسـآك ع [ آلقوة] يآلغلآ ..
لآخلآ ولآ ع ـــدم ،’
..
... [] ...

’، كنزالغلا ،’

 ..ييييييي الله يخليهم لامهم يارب .....
..يسلموا على القصه..
..ويعطيج الف عافيه..

 . .

مـآشـآء الله ، يتربوون بعزهـآآآآآ

تسلميين رفيده ع القصه

 ما شاء الله
تسلمين ا بلة رفيده القصه الحلوه
ويعطيج العافية ع النقل

 

يسلموا ع القصة

يعطيك الف عافيه

تحياتي