أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
 |
| #1 | ||||||||||
  
|
جبت ليكم قصة روعة تصرقع بلا حدود بس القصة منقوله كل يوم بجيب لكم قصة يديدة اليوم القصة 1 .. الساعة 4 العصر في بيت حجي صالح الأم ام علي وبتها ربااب قاعدين يفرفرون في القنوات يدورون شي يطالعونه.. رباب: اففف وش هالحاله هالتلفزيون مافيه شي نطالعه، بعدين أني ما قلت ليش ابي تركبون ليي نت هاا حقويش ما قلتين الى ابويي الأم ام علي: روحي ولي مناك ودي ليي داك المسلسل الحين بيحطونه رباب: أي مسلسل وانتين بعدين وش عرفش بالمسلسلات الأم ام علي: عبالش بهيمة ما افتهم يلا وديه داك الي فيه اثنينه يحبون بعض ربااب: يحبون بعض بعد هاا ..وبعدين كل المسلسلات فيها ناس يحبون يعني تقصدين أي واحد الأم ام علي : هداك اللي بعدين يسافر اياها ويهربون رباب في خاطرها: يلا خذ هالعجوز حافظة المسلسل حفظ ما يفوتها شي الأم ام علي : انزين ربووب حبيبتي قومي سوي لينا جاي عشان نشربه واحنا نطالع المسلسل لا يفوتش ترى حلييو ربااب : حلفي بعد قاعده وتتشرطين عليي ماني مسويه جاي اكو عندش الماي شربي فيه لين ما تنبطين الأم ام علي : قومي يا طايحة النصبة لا أقول لأبوش يا الخايبة ربااب: ياعليي هذا الي بتذبحني متى أفتك منكم يا ربي وتوها بتقوم ربااب الا تلفونها يرن على الهزاز، والأم حست بشي يتحرك صوب ارجولها جان تطفر من الزهقة الأم ام علي: ويلي يا بويي هذا ويش بعد الي تحتي يتنافض ربااب وهي ميتة ضحك على امها: هههههههههههههههههههههههههههههه ويلي ههههه اااه اماه بتدبحيني من الضحك ماني قادره بطني بطني ههههههه الأم ام علي: وصاقعة تصقعش أني قاعده اتنافض وانتين تتكركرين ليي قومي اهوو شوفي ويش هذا الي تحتي ربااب: ههههههههههههه امااه هذا تلفوني حاطتنه على الهزاز ويرن جدي الأم ام علي: وش رنقته بعد هالهزاز والخضاض ربااب: هذا الله يسلمش داخل التلفون فيه شي يهتز مثل البيت الهزاز الأم ام علي : يمه يخوف..هالغرب ما خلوو شي الا ودخلوه في التيلفونات .. أمس جاية ليي وحاطه اغنية واليوم حاطه ليي البيت الهزاز..وأني تيلفوني ما يصير فيه جدي بعد!!: ربااب: عفر عجبتش السالفة امااه.. ايه فيه تلفونش الام ام علي: حطي ليي عجل جان اروح الى مليحة وافوشر عليها شوي هيي للحين ما وصلها التطور يا بتي ربااب: صدق انكم عجايز الأم ام علي : ويش قلتين يا سودة الوجه ربااب : لا اماا ولا شي أقول جيبي تلفونش بسويه ليش هزاز وياا حجيي صالح حجي صالح: مليحة ملييحة ووينش... الأم ام علي: ها حجي صالح ويش فيك تصارخ حجي صالح: ولدش حساانوو حسّن الله قرعته وينه راح راحت روحه الأم ام علي : ما ادري عنه ولدك مسوي البيت فندق يدخل ويطلع ولا يقول وينه رايح ولا من وينه جاي واني بعد ما اقدر عليه حجي صالح: هذا ولدش ما ينفع اياه الطيب ما ينفع اياها الا الشدخ والمشادخ طايح الحظ الأم ام علي : يعني هو ويش مسوي!! حجي صالح: مسوي سواد وجهه اللي ما يستحي الأم ام علي : يووو ولدي اسود وجه >>> مسكينه على نياتها حجي صالح : عجل انااا... رايح مغازل بنات بيت حجي جمعة الأم ام علي : حريقة صاااقعه ولدي يغازل حجي صالح: أي انتين وش دراش بالدنيا عاد كله عبالش ولدش احسن واحد في الدنيا ملااك الأم ام علي : وييليي على ولدي بيضيع شبابه ما عندي الا هوو حجي صالح : قومي عني لا ترفعين ضغطي مو قاعده ليي وتندبين حظش لكن هذا كله من دلعش الزايد ليه الأم ام علي: اني اقوم عنك احسن ليي لا تشب فيني حريقة الحين وشوي الا ينفتح باب الصالة ويدخل حسن وهو يغني ومكيف على الآخر>>> الأخ ما يدري بليي جاينه الحين حجي صالح: يا حياا الله ولدي الشهم حسن وهو يطالع روحه: هاا اناا حجي صالح: أي هو في أحد غيرك هني حسن وهو شاق الحلق: لا يعني بس مستغرب أول مره تقول ليي جدي حجي صالح بخبث: لا من يوم ورايح بتسمع مثل هالكلام واكثر بعد تعال تعال في الأحضان حسن قام يخاف منه شوي: هاا فيها السالفه أحضان بعد ..لا بالله اليوم رحت ملح .. خلني اتشهد على روحي من الحين حسن وهو يمشي بخطوات بطئية رايح لأبوه جان يفسخ حجي صالح العقال ويطيح فيه ... زينب اخت حسن كانت في حجرتها تراجع ومن سمعت صوت الصراخ والشدخ طلعت من حجرتها خايفه زينب: أمااه ويش صاير اسمع صوت صراخ الأم ام علي : روحي حجرتش وقفلي على روحش الباب ترى أبوش محترقة حمصته اليوم على أخوش روحي الحقي على عمرش لا يجي الدور عليش الحين زينب: جييه حسن ويش مسوي!! الأم مليحة : والله ما ادري يا بتيي يقول أبوش مشتكين عليه رايح مغازل بنات بيت حجي جمعة زينب: يوو صدق لكن يستاهل ولدش خليه يتأدب شوي الأم ام علي : قومي يا طايحة الحظ هذا أخوش زينب: أي أخوي عاد مو يروح يغازل بنات الناس الصراحة أبوي برد أفادي فيه الأم ام علي : انتين بتنجبين لا اجي بالملاس على راسش زينب: أي اكيد ولدش وبتدافعين عنه لكن اني عادي تصفعيني بالملاس والمخمة ..هداني بقوم ادرس احسن ليي .. ريلا** ريلا** الأم ام علي : وش تقولين يا خايبة النمرة زينب: اوو نسينا بعد ما تفهمين للغة العصر الأم شايلة المسند وبتفلعه على زينب لكن زينب سبقتها وركضت على حجرتها وقفلت الباب ههههههههههههاااااااههههه ترقبواا القصص :72: المصدر: منتدى الخليج
|
|||||||||
| #2 | |||||||||||
  
|
الله يرجج ع هالقصه
|
||||||||||
| #3 | ||||||||||||
 
|
خخخخخخخخخخخخ قصة في قمة الفرفشة لووول ويسلمو بنوتة ايمو ويعطيك ألف عافية وبإنتظار كل ماهو جديدك
|
|||||||||||
| #4 | ||||||||||||
  
|
بنوتة ايمو يَآ هَلآ وَ غَلآ فِيكْ خذا مسلسل قطيفي بحت ونحن بإنتظار الباقي يسْلَمُوووو عَلَى القصة وَ آلله يَعْطِيك آلصَّحَةُ وَ آلعَآفِيةِ
|
|||||||||||
| #5 | ||||||||||||
|
اما قصه رهييييييييييبه يعطيك العوافي
|
|||||||||||
| #6 | |||||||||||||
 
|
ويعطيج العافية ع النقل
|
||||||||||||
| #7 | ||||||||||
  
|
يسلمو ع القصة تحياتي
|
|||||||||
|
|
|
العرض العادي
