المملكه تقول أبشر بعز ومناعه

قـائـمـة الأوسـمـة · #1

كل جنادريه وانتم بخير

مهرجان الجنادريه

جبت لكم صور من مهرجان الجنادريه
الي صار من كم يوم ان شاء الله تعجبكم

.،. كلــمات الاوبريت.،.

وين سرك.. يا كثيب الرمل.. يا سرب يرتعش..
في ضلوع الرمل.. وش سر العطش.. للعطش..
آه..أحبك..أحبك حب ضاري..
يملك إحساسي وقراري..
بين مهدي والنعش..
انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..
\

وين سرك..
وين سرك هالعجيب..
وين سرك.. انتي أكثر من كثيب..
وانتي أكرم من غمامة..
وانتي أصدق من سراب..
وين تكمن هالوسامة..
فيك يا ذهب التراب..

يا فتى وقف..
وقف.. وين أنت رايح..؟
أنا.. تقصدني أنا..
وإلا أنا..
وإلا أنا..والا..
أقصدك أنت.. وين أنت سارح..؟

يا سائلا عني من أنت.. جعل الردي يفداك..
أنا اسمي شاهد..
وانا شاهد.. اما لك..ولا عليك
يا خال وحنا بعد واحد..لو كثرنا أغواك..
قلب وطريق واحد..هذا أنا.. وهذاك..
على كل حال..
يبقى السؤال.. وين انت رايح..
يا خال ترحالي..للشاهق العالي.. لفجر الليالي للنهار..
للروض غطاه الخضار.. للأرض يملاها العمار..
للمجد الأول رحلتي..ولعزي التالي..
ولو هاذي الملامح قد شفتها.. ومدري متى أنا شفتها..!!

هذا صحيح..
من ألف عام.. مريت من هذا الطريق..
من ألف عام..!!
أتذكرك أتذكرك..
مريت في الزمن العتيق.. وكنت الندى وكنت الحريق..
مريتني فاتح..
تحمل كتابك يا فتى.. ورمحك وسيفك..
كان الشتا غزوك.. وكان البناء صيفك..
طول غيابك يا فتى.. طول غيابك..
أنا كنت في الظلما وحيد..حطبي الفضا.. وجمري الجليد..
والليل جارح.. وش أقول.. الله يسامح من دفني في الظلام..
خبرني يا طاغي السمار.. من أي أرض يا ترى..
ومن أي دار..؟

أنا طين الأرض داري

والصحاري شرفتي
القمر والشمس داري والخزامى زهرتي..
بان فجرك يا فتى.. الصبح بان..
هذا فجري اللي انتظرته من زمان..
سيدي آن الأوان..
يا فتى دربك طويل.. والمخاطر هايله..
دمي والعمر الجميل.. فوق كفي شايله..
يحفظك رب الوجود..
طوّل أوقات السجو..
وأتبع الفجر العزيز اللي ظهر..

وين سرك..
يا وطن من سوى ربك عظيم
ومن سوى الله يوصف بالكمال..
ولو على الأرض جنات ونعيم
جعل تفداك يا شهب الرمال..
والله انا نشم بك النسيم
زعفران وعطر ورد وهال..
والله انا نشوف بك الهشيم
أخضر والخلا ربع وحلال..
ما نبي غير ديمك وبل ديم
لو مضى الحول ما شفنا الخيال..
انت الأول والآخر والحشيم
وأنت من تملك قلوب الرجال..
نحمد اللي جعل شحك كريم
ونحمد اللي جعل شمسك ظلال..
ما جفيناك في الوقت القديم
ولا خذلناك في عسر الليال..
هاذي أسرار الكفاح
وأجمل دروب الفلاح
هاذي أمجاد اللي راح من الليالي..
كانت أكبر من خيالك أو خيالي..
وحدة قلوب وصلاح
منهو مثلك يا بو تركي في العرب..
أنت والله الزعيم..
لا هو مدح.. ولا غرور..ولا كذب..حق والله العظيم..
وحد أطراف الجزيره وحقق الصعب المحال
من ملك بالعدل غيره شيخ وافين الخصال

يا خال وقف.. ابسألك..
خير وش تبي..
مشبه عليك.. انت شاهد والا غيره..
متغيرا واجد علي..
أنا شاهد.. وليه تسأل يا فتى..
آنا من أهل الجزيرة.. ما تذكرني يا خال
مرت سنين كثيرة.. وانقطع ذاك الوصال
هذا أنت..
بيض الله وجه من كافح وساد.. وعمر الصحرا وشاد..
هذا من فضل الكريم..بس قلي..
وين بشتك والعمامة وين راحت الابتسامه.. ؟
ويا ترى من هالرجال..
أقصر الصوت تكفى.. وفكني يابن الحلال..
أقصر الصوت عوذا..وأنا في أهلي وداري ..؟
ذولا عدوانك حذاري.. جوني من غرب وشمال..وبدلوا حالي بحال..
يعلم الله اني داري..
ان ذولا وجيه شر.. من رماك بدربهم..
هذا عاد اللي حصل.. بس من وين المفر.. قلي من وين المفر..
ذا قرارك مو قراري.. انته أدرى بالرشاد..
حسبي الله.. كيف طفوا جمر ناري.. وذروا ف عيوني الرماد..
لا يا شاهد.. هذا ما هو ظني فيك.. ما تذكر قلت ابشهد..
اما لك والا عليك..

سامحوني يا عيالي..
وقتكم هذا مخيف..
وما بقى بيديني شي
احذروا من هالليالي.. كلها غدر وزيف
لا هي ظلما ولا هي ضي
الله الله في وطنكم.. في قرابتكم واهلكم
واخلصوا النية ف عملكم.. وحكموا الدين الحنيف
واسمحولي ودي أرحل
قم يا شاهد..الملك عبد الله جالس..
ادخل وسلم عليه..
ودي لكن ما لي وجه.. بعد كل اللي جنيته مالي وجه..
من يحبك مثل ربعك أو ديارك
والملك ما يرضىَ يأسك وانكسارك أعتذر لأرضك قبل لا تعتذر له
ورح لعبد الله ويقبل اعتذارك
انتو ما تدرون إن العشق غالب..
وان مالي غير هذا الرمل صاحب
هو حبيبي في الرخا والله حبيبي..
هو نصيبي وهو نصيري في المصاعب

كم هدمتوا.. وكم عمرنا
وكم تجنيتوا وصبرنا
بالمحبة الله أمرنا
إلا من يطعن ظهرنا
واللي ما فيه معروف

أنا خايف ساعدوني.. لو بغيت أرجع معاكم..ما يخلوني الجماعة..
تقصد الأغراب ذولا.. واللي ما يخيب رجاك..

يا طيور الليل كافي هالوقوف..
ارجعي لاقصى المنافي والكهوف..
والذي خص الجزيرة بالضيا..
ما ذخرنا لك سوى حد السيوف

المصدر: منتدى الخليج