ماذا أصابني بعد وفاة ابنتي ؟؟؟

قـائـمـة الأوسـمـة · #1

ماذا أصابني بعد وفاة ابنتي ؟؟؟

تقول إحدى الأمهات :
ساأسرد لكم قصتي لتدعون لي ولأبنتي وتاخذون العظه والعبره قبل فوات الاوان لقد توفيت أبنتي ذات ال22سنه في حادث سياره طبعا كانت صدمه لي ولاابوها ولكل اللي حولنا بنتي راحت في غمضة عين بلا مقدمات وبلا أسباب والحمد الله على كل حال عدت ايام العزا على خير وقالت لي احدى اخواتي سأرتب غرفة ساره طبعا رفضت وكنت مقفله الغرفه قلت انا من يرتبها ولكن ليس الان ومر تقريبا شهر والبيت كان فاضي ودخلت غرفتها ورجعت بي الذكريات من يوم كنت حامل فيها فاأستغفرت الله وتعوذت من الشيطان وبديت بترتيب الاغراض والتصدق بها ولكن كانت هنا الفاجعه ...
وكأنني اول مره انتبه لأغراض ابنتي وكأنني لا اعرف متى واين ومن شراها بدأت بالملابس فلم اجد لبس ساتر !!!!!! نعم هذه هي الحقيقه وللاسف فساتين قصيره جدا وبلا اكمام
بناطيل اشكال كثيره
فستان طويل ولكن من فوق الركبه يبداء القماش الشفاف البجايم قطنيه ضيقه ورسومات حاولت القى شي اتصدق فيه مالقيت حاولت القى شي ساتر مالقيت وكأنني اول مره اشوفها وكنت عايشه دور المصدومه ولكن ؟!!! بنتي كانت تاخذ رأيي في كل لبس تشتريه وكانت تلبس قدامي وكنت بعض الاحيان من يختار لها ايضا وقفت امام الملابس لا ادري ابكي ام الوم نفسي سكرت الدالوب واتجهت للتسريحه وهنا ايضا المصيبه الاخرى انوااااع المناكير وكل الالوان نعم دايما بنتي تحط مناكير من تصبح حتى تمسي وكل يوم لون طيب والصلاة !!! متى تزيلها ومتى تصلي ومتى تحطها مره ثانيه ماسالتها لما كانت امامي بدأت الان بالسؤال بعد فوات الاوان طبعا هنا حاولت اكذب نفسي وقلت هذي أوهام ...كان فيه صندوق صغير فتحته طبعا المصائب لمً تنتهي كان مليء بالرموش وانواع كثيره منها الغالي ومنها الرخيص منها ماهو للحفلات ومنها ماكان للاستخدام اليومي !!!! وانا الى الان عايشه الدور اني مصدومه من كان بعض الاحيان يركب لها الرموش بنتي من كانت تاخذ رأيه اذا حطتها من كان يقول لها حلوه ومعطيتك منظر 💔💔💔
وكانت التسريحه مليئه باانواع الميك اب والكريمات والالون والتركيبات والعطور وكل شي وتذكرت كيف كانت دايم بكامل أناقتها حتى لو كان المشوار سوق او مكان عام لم تفرق معي ولامعها رحمها الله
هنا اتجهت للمعلاق كان ورا الباب وبديت اتفرج على العبايات وما ادراك مالعبايه 💔💔💔💔 هنا نزلت دموعي حاااااره على وجهي دموع قهرررر وحسره عبايه لما كانت موضة الاسترج وعبايه قماش مخمل للشتاء وعبايه من تحت دانتيل شفاف والكم كان دانتيل شفاف هذي للصيف وعبايه اطرافها الوان ناعمه وفاتحه للنهار وعبايه بتطريز وفخامه لليل وعبايه وعبايه وعبايه وانا من اساعدها في الاختيار والذوق وانا من افصلها وانا المسؤول الاول والأخير 💔💔💔
خذيت لمحه بسيطه على الجزم انواع الكعب العالي والصنادل والاوان وتذكرت لما اقول لها ماشاء الله عليك ماتتعبين من الكعب في السوق !!!!
كنت خايفه عليها من التعب !!!
هنا اكتفيت باللي شفته وطلعت وسكرت الغرفه وقفلتها ولم ينتهي الموضوع اتجهت لغرفتي علشان اريح شوي واخذت لمحه في غرفتي وكانت المصيبه الاخرى لاتختلف كثيرا عن غرفة ابنتي الا باشياء بسيطه!!!!
نعم نفس الملابس الا مارحم ربي لان السن له دور
نفس تفصيل العبايات ولكن مختلفه عن بنتي لان السن له دور
نفس الرموش ولكن اقل من ابنتي لان السن له دور
بكيت اكثر من بكاء يوم وفاتها بكاء حسره بكاء ندم حاولت اوصف شعوري لكم ماقدرتً ولكن لكم ان تتخيلوا الموقف وبس
لازلتم احياء ولازالوا بناتكم احياء تداركوا الموقف قبل فوات الاوان
اللهم ارحمها واعفوا عني وعنها واشملها برحمتك يارحمن يارحيم 💔

المصدر: منتدى الخليج