عمري فدا شوفة عيونك لو وصالك مستحيل

 

عمري فدا شوفة عيونك لو وصالك مستحيل

خذني فديتك جعلني فدوة نظر طرفك وماه

فديت وصلك من عقب ما كان وصلك مستحيل

ياماخذ روح المولع فيك حاسب في شقاه
ابطيت وانا اقلب الجمره بكفي كل ليل

من يوم ربي جابها صدفه على باب الحياه
وانا المشقى في غرامك والمعنى والقتيل

ابلشت قلبن مستريح النفس ويحب اخوياه
طالبك طلبه لا تردابي وانا ماني ذليل

ياتاخذ الخفاق وتصونه يارده في حشاه
اهون علي من ضيقة الخاطر على قلب عليل

يابري حالي من تبسامك يامردوع الشفاه
انا اسير عيونك وسلهامة الرمش الظليل

من كبر عينك كان حبتها مثل عين الرحاه
ضاعت بها الحبه وضاع القلب وين القى دليل

يفوح ريح الطيب في عنقك وياتيني شذاه
والى التفت يهب ريح المسك من ذاك الجديل

اي والله اغليتك وسميتك هوى القلب ومناه
واخترتك اغلى الناس مابي فالبشر عقبك بديل

مدام قلبي طيرك الصايد فلا تفهق عشاه
ماهو صحيح ان الغلا لذته في الشي القليل

فديت صوتك كل ماسولفت يلعب بي حلاه
بحة كلامك تعزف حروفك على الضلع النحيل

وسمت قلبي بالمحبه وسم غيرك مامحاه
كانه مثل وسم العصا عند الدواسر للدخيل

اللي يقول الحب الاول من يعيشه مانساه
قل له ترا قلبي محى ذكراه من يوم الرحيل

انت انت من غيرني وغير تفاصيل الحياه
وذوقني بحبه حلا الدنيا وطعم السلسبيل

لو كل من يسعى على مايشتهي قلبه لقاه
ما لاعت نفوس المخاليق وبكت عين الخليل

ان كان قلبك ملك قلبي فاشهد ان ربي عطاه
عمري فدا شوفة عيونك لو وصالك مستحيل

المصدر: منتدى الخليج

 شكراً لطرحك الكلمات
يعطيك ربي العافية

 يسلمو الوتر الحساس
على وضعك هذه الكلمات الجميلة ويعطيك ألف عافية

 كل الشكر ع الكلمات الجميله
ويعطيك الف عافية

 كنز الغلا
يسلمو على مرورك ويعطيك ألف عافية

 كحيلان
يسلمو على مرورك ويعطيك ألف عافية

 نوف
يسلمو على مرورك ويعطيك ألف عافية