عشر أشياء

 

عشر أشياء

كنت اقول انكـ محال في يوم تتغير عليه .. لو يصير اللي يصير تبقى أوفى هالبشر لكن العذال لا ماقصروا لا فيكـ و فيّه .. فرقونا عن بعضنا واقنعوكـ انه القدر للأسف انكـ نويت تروح عني بدون جيّه .. حتى ماودعتني من بعد عشرة هالعمر هانت العشره عليكـ الله وكبر يا الخطيّه .. والله حاولت أعذركـ بس وين اطلع لك عذر كم أنا ضحيت لأجلكـ كم تحملت الأسيّه .. كم أنا عانيت منكـ كم تحملت الهجر كم توعدني تجيني وانتظر صبح وعشيّه .. وماتجيني وما تقول وكنت دايم انتظر و كنت ما ازعل ابد رغم اللي فيني من أذيّه .. ماكنت أشيل بخاطري وماكنت حتى أفتكر والسبب كنت أعتقد بس اني لكـ وانته اللي ليّه ..وماتصدق لو اقولكـ كنت انا فيكـ أفتخر كنت اقول لناس هذا والله مافي حد زيّه .. طيب وافي عسى الله يحفظه من كل شر هذا ربي جابه لي من بعد حرماني هديّه .. اللي في جيله نجوم وبينهم هو قمر هذا أصلا ماهو ورد هو في عيني المزهريّه ..حاضن إحساسي بدينه وأجمل أنواع الزهر هذا ماهو شعري لالا هو حروفي الأبجديّه .. يوم اشوفه كيف مدري فجأه يكتبني الشعر هو حياتي وهو مماتي والليالي السرمديه .. أبسط احلامي اشوفه مره وحده بشهر ومن كثر ماكنت اسولف حسو العذال فيّه .. تقربوا منكـ شويه شويه بأسلوب المكر عني قالوا من ورايه أن انا فيّه وفيّه ..وأستغلوا بعدي عنكـ لما أشغلني السفر قربوكـ وضحكوكـ وعاملوكـ بسؤ نيّه .. يظهرون الطيب لكن هم خفو عنكـ الغدر درسوا الموضوع وحطو خطه يا هي نرجسيه .. وبالفعل نجحو في خطتهم ولا عندكـ خبر وغلطتي إني معكـ ماكنت أعيش بواقعيه .. كنت تامرني والبي حتى لو صعب الامر كنت تتغلى وتتدلع وتتمادى عليه .. وكنت انا دايم على شوفكـ ابد مالي صبر من تقول ابغي اشوفكـ طار كل الكون فيّه .. انسى كل الناس واجي لشوفتكـ لو بالفجر كم تكلم عني هذا وذاكـ وهذاكـ وذيه .. وكنت اطنش بس عشانكـ لو يقولون انتحر في النهايه شوف غيري كيف اخذكم من إيديه .. صمت انا لأجلكـ غيري فيكـ يا الغالي فطر ماكذب من قال والله إن هالدنيا دنيّه .. البشر انواع فيها وانته واحد من البشر بس تدري هذه خيره لأن عندي حسن نيّه .. أستفدت أشياء كثيره واستفاداتي عشر اولاً ما ارضى اني اقبل بدور الضحيه .. ثانياً ماسامح اللي بيوم صد عني وغدر ثالثاً ماعاد تغريني انا اي جاذبيه .. رابعاً لو جيت أحب لازم أنا أحب بفكر خامساً ماحب أبد انسان حبني لو شويه .. لو يبيني صدق احبه فيني لازم ينتحر سادساَ ماسامح اللي زل وأهداني الخطيه .. سابعاً ما اسهر لأي حد لي وقت الفجر ثامناً لازم عطايا بس على قد العطيه .. تاسعاً الحب اصلا بين خلق الله ندر عاشراً ماحد يبقى غير نور الله وضيه .. هذا نذري ويشهد الله اني راح اوفي النذر ومن قبل ما اروح ودي تسوي بس شيئين ليّه .. اذكر انه مافي حد غيري يحبكـ هالكثر ودي لو أنك تقارنهم بعد ما أروح فيّه .. وانت شوف الفرق وقارن وانته حدد بسعر منهو اغلى ياترى هم ولا انا ولا سويّه .. انته أحكم وانته فاهم وطبعاً انت كلكـ نظر يا عسى هالبعد خيره وعيشتكـ دايم هنيه .. اما انا ماقول إلا الحمدلله والشكر دام هالعذال ما قصروكـ لا فيكـ وفيّه .. فرقونا عن بعضنا وقنعوكـ ان القدر ابتعد عني ولا اعتب ولا تعتب عليّه .. خلني مثلكـ اخدع احساسي واقول ان القدر ابتعد عني يا محبوبي وانا ببقى هنيّه ..وهاكـ خذ ماضيكـ كله وذكرياتك والصور

المصدر: منتدى الخليج