وش عاد باقي !

قـائـمـة الأوسـمـة · #1

وش عاد باقي عذر يا سيد خلاني
جرحك وصل للخفوق و قطّع جذوره

و الجرح ماهو بهيّن ، جرحك ابكاني
خلا خفوقي يصارع صدمة شعوره

بغيت افارق حياتي ، والله احيّاني
و للحين باقي عليّ اعراض مخطوره

ما كنت اظنه تجي من صوبك احزاني
و تزيد غبن الزمان وظلمه وجوره

شلتك على منكبي واحسبك جنحاني
تاخذ خفوقي ديار الحب وبحوره

و عطيتك احساس ، ما تلقاه من ثاني
من جوف صدري تشوفه ساطع(ن) نوره

و مع كل هذا ، وش اللي منك قد جاني
غير التعب والشقى وجروح محفوره

مديت لك خافقي و اصبحت ندماني
ياليت كفي بذاك اليوم (مبتوره)

تكفى تفارق ترى ما شفت كفاني
ما عاد فيها كلام انكسرت الصوره !

المصدر: منتدى الخليج

قـائـمـة الأوسـمـة · #2

صباااح الخخير ي لغاليه
يعطيك العافية ..

كلمات يعجز ان يبوح قلمي إليها ..

مررت من هنا فوجدت نفسي بين أحرفك ..

قـلـمــاً مــوفــقـــاً ..

تقبلي مروري واحترامي ...