كاري دجاج رووعة

 

كاري دجاج رووعة

كاري دجاج رووعة


راح تذوقوه نكهه غنيه

بلبهارات وطعم المكسرات واهم شي الطعم الكريمي

وعلشان تتحمسون اول صوره

شرايكم بلعذاب ..........

المقادير :

كيلو صدور دجاج فيليه مقطع مكعبات

2 بصل وسط مفروم

4 فص ثوم

1 م ك زنجبيل فرش

4 م ك لوز مطحون مايكون محمص

2 م ص كمون مطحون

1 م ص كزبره ناشفه مطحونه

1 م ص فلفل احمر حار > ماحطيت

5 حبات هيل

4 حبات قرنفل

عود قرفه

2 ورق غار

1 م ص بهار غراماسالا او كاري

نص ك ماء

1ك زبادي

نص ك كريمه سائله

1ك مرق دجاج

زبيب > ماحطيت

الطريقة :

ملاحظه > انا سويت نص المقادير الي عيلتها كبيره تسوي

نفس المقادير

بلاول نجهز الخلاط او محضر الطعام ونحط الثوم والزنجبيل ونفرمهم

نضيف لهم الكمون والكزبره والوز

نخلطهم بعدين نضيف الماء ونخلط و تصير جاهزه

بلقدر نحط تقريبا 3 م ك زيت نباتي افضل ونبدء

نحمر قطع الدجاج تحمير بسيط

بنفس القدر نضيف البصل والبهارات الصحيحه

ونقليهم الين يصير لونهم ذهبي

نضيف الزبادي والكريمه والمرق وخلطت البهارات الي جهزناها ونقلب بسرعه

علشان مايحترق ماصورت هل خطوه علشان بسرعه

لازم نشتغل ونضيفلهم قطع الدجاج وبهار الكاري

والزبيب للي حاب يضيفه

نقلب ونخلي النار مابين الواطي والوسط مع التقليب

كل فتره ونتركهم لعشرين دقيقه وبتكون جاهزه

نزين الطبق بشرائح الوز المحمص والكزبرة او زي ماتحبون

وهذي النتيجة.........

واقرب كمان..

قدمته مع رز ابيض



لانه مومتحمل نكهه اقوى


وعوافي على قلوبكم

المصدر: منتدى الخليج