سويت بناتين !‎

 

سويت بناتين !‎

إحترت من نبض القلب وما عرفت شو اسوي .. لأنه ماا ادخل المطبخ غير إذا بغيت

أغسل المواعين أو أترس بطني !!

ومن غير تررد فكرت بجيز كيك صديقتي (عبير )المشهور .. وهل يخفى القمر

واللي ما شافه ..يتفضل يمزمز بعيونه :h_love:




\\


بعد التوكل ع الله بديت لمساتي الخطيرة ..وجهزت المقادير



32 حبه بسكويت أولكر

علبه متوسطة زبده + 6 حبات علب زبدة صغننه

علبه جيلي + شوية ماء + ملون طعام وردي اللون

علبتان قشطه

15 حبه جبن كيري المربعات

6 ملاعق كبيرة جبن المراعي ( تبع أبو كأس )

3 ظروف دريم ويب

حليب مركز ( 3 ملاعق سكر كبيرة + 6 ملاعق كبيرة حليب المراعي )



\\

طريقة التحضير


(1) تحضير الجلي



حطيت نصف كوب ماء دافي ..+ قطرات من ملون الطعام الوردي






وبعدين أضفت ماء بارد ..وشكلي خربتها واضفت كمية فوق المطلوب لول

وضعته جانبا ..لاستخدمه لاحقا



\\



(2) تحضير البسكويت



ذوبت الزبده لأنها كانت مثلجه ..




وضعت البسكويت بكيس شفاف .. ليسهل تكسيره و عفصه تفعيص باليدين






وبدأت عملية التكسير ..وطلعت حرتي بالمواد يلي ما جبت فيها الدرجة يلي تمنيتها خخخ





ومن ثم أضفت الزبده إلى البسكويت المفتفت تفتفيت أحلى فتافيت



وأضفت 6 علب صغيره زبده ..عشان يتماسك البسكويت اكثر



وبعدين بدأت أحط الخليط وأسدحه بشويش ع الشسمه



^

ماشاء الله تبارك الرحمن ..أدري اني خطيرة ..شوفوا كيف البسكويت مضبط عمره خخ


\\


(3) تحضير الخلطة السحرية







أضفت ..جبن + حليب المركز + قشطة + دريم ويب

وخلطتهم من الخاطر إلين ما قلت بس





حطيت الخلطه فوق طبقة البسكويت br>
(( لكن الوهقة إنها طلعت جارية خخخخ وغير متامسكة ))

(( بس كان عندي أمل إن الخليط يتماسك بالثلاجه ))



\\




من بعد ما تركت الصينيه بالثلاجه فترة قليلة عشان يجمد شوي

اضفت طبقه من الجيلي ..

ورايحه راده الثلاجه كل شوي اشوف .. تمساك ولا بعد

و ع حط إيدكم ..كل ما احط اصبعي ف الجلي ..يغوص ويغرق خخخ

بعدين أختي أم عزوز ..قالت لا تحلمين يجمد .. لأني اضفت كمية فوق المطلوب مع الجيلي

وجان اجيب ملعقه ..وشليت الجيلي كله ..لكن بقت طبقة ورديه فوق الخلطه خخخخخ


\\


عقب ..جيت اشيل إطار الصينيه ..

وبمجرد ما رفعته ..فاااااااااااااااضت الحشوة

تقولون فيضان تسونامي



حز بخاطري والله هىء هىء

فقلت يالله علي العوض .. ع الأقل خليني ازين من فوق شويتين

وجبت عود خشب وسويت مربعات ..وبدل ما أكحلها ..عميتها






\\

لمن جيت اقص البسكيوت .. لزق لزقة سوبر غلو بالصينيه

خليت الوالدة تساعدني .. وحطته لي ف بوكس

وجتني فكرة أني احول الخليط لآيس كريم خخخخ

بس إن شاء الله تضبط الحركة

المصدر: منتدى الخليج

 يسلمو هادئه المشاعر
على وضعك هذه المقادير والطريقة
ويعطيك ألف عافية

 
تسلمين ع المقادير والوصفه
وشكرآ ع النقل

 تسلمين اختي على الطريقه و المقادير
يعطيج الف عافية

 يسلمو عالصور الشهية والطريقة والمقادير
مشكورة هادئة المشاعر يعطيك العافية

 

أختيآر مميز
تسلم يدينك ويعافيك رب العباد
ماننحرم من جديدك
تحيتي

 

هادئة المشاعر
تسلمي ع طرح
المقادير والطريقه
يعطيك العافيه
لآخلآ ولآ ع ـــدم،’
{ }
..