من مطبخ خواطر(مقلوبة الدجاج بالزعفران)

 

من مطبخ خواطر(مقلوبة الدجاج بالزعفران)

السلام عليكم اعضاء منتدى عيال الخليج من اول كنت اوعدكم بطبخة اسدحها هنا عاد اليوم جاني شباب ولعبوا في عقلي وقالوا نبيك تطبخ طبعاً ماقدرت أرفض لهم طلب والحمد لله الطبخة جات سليمة أما ضيوفي اثنين منهم في العناية المركزة وواحد مختفي ماندري عنة للحين وواحد راح يسوي بلاغ في الشرطة ضدي. عالعموم طبخت لهم مقلوبة الدجاج بالزعفران تعلمتها من الوالدة الله يرحمها, فيه البعض يسويها بالصبغات الصناعية بس احب اسويها بالزعفران علشان الريحة نجي للمقادير...نقطع البصل بشكل دائري والطماطم بشكل دائري والدجاج يكون بهالشكل طبعا هذا الزعفران ويتكون من ملعقتين كبيرة زعفران وملعقة صغيرة هرد(الكركم) وملح على حسب الرغبة ونحطة في موية مغلية علشان يذوب ويكون بهالشكل وهذا الشكل النهائي للمكونات طبعاً اهم مافية الطبخة يكون القدر من التيفال ياعيني ياعيني على قدر العزوبي كلة مشخمط بس انتوا لاتدققون نحط شوي زيت وبعدين البصل فوق البصل يجي الطماطم بعدين الدجاج واهم شي يكون منسدح مثل هالشكل بعدين نكب علية الموية بمكوناتها من زعفران وهرد وملح يكون مستوى الموية تحت الدجاج بشوي ونتركها نص ساعة ونغطيها بقسطير ونقفل علها بالغطاء مضبوط طبعاً الرز نطبخة في قدر ثاني مع شوي زيت وموية وملح ونخلية نص استواء ونحط معاة فلفل كبير حسب الرغبة علشان الطعم واذا ماتبون براحتكم لما يستوي الرز نص استواء نحط نص الرز عالدجاج ونضغطة بالملعقة علشان ياخذ لون الكركم بعدين نحط النص الثاني من الرز بعدين نرجع نكتم انفاسة مرة ثانية ونخلية مابين 15-20 دقيقة على نار هادئة وبعد ماننتهي نقوم بقلب القدر عالصحن>>> متأثر الأخ وهذا الشكل النهائي للطبخة طبعاً لابد من المقبلات نسوي سلطة حارة وسلطة (باللبن+خيار+نعناع) وبالعافية على قلوبكم

المصدر: منتدى الخليج

 بصراحه ماشاء الله عليك بجد تعرف تطبخ وشكلها لذيذ
يعطيك الف عافية
ماقصرت ع الطبخه الحلوه

 لا مستحيل
خواطر
وش ذاااااااااااااااااااااااااااااااااااا
أوممممممممممما عاد



لا
لا
لا
طلعت طباخ من ورانا
ليه التعذيب هذا
مالقيت تنزلها الا الفجر .؟ <~ أطلعي برا
وقسم بالله شي متعوب عليه ماشاء الله تبارك الرحمن
بس خويك اللي ماتدرون عنه لقيتوه والا باقي .؟ <~ هع
عيني عليك بارده .. غطيت علي بالطبخ :(
بسوي لطبختك تطبيق بإذن الله
وتسلم إيدينك وعوافي على قلوبكم ..

برايفت > ترى أصبعك حلو <~ أطلعي برا ههههههههههههههههههههههههه
لا تحرمنا من هيك طبخات

 الله يعطيك العافيه
ماشاء الله عليك
اخووي
فالك الخير

 ما شاء الله عالطبخه روعه

سلمت يداك
سهل ومرتب ولذيد

 ماشاء الله تبارك الله الله لايضرك

عن جد مشهي

تم حفظها للتطبيق

 ما شاء الله عليك يا خواطر طلعت تعرف تطبخ
هذي العباره جتلتني من الضحك (بعدين الدجاج واهم شي يكون منسدح مثل هالشكل)
بس رووعه الطبخه و شكلها لذيذ
تسلم ايدك يارب وبالعافيه على قلوبكم
يعطيك الف عافية على روعه طرحك و تميزه
ارق التحايآ