سجل حضورك اليومي ببيت شعر

 

رد: سجل حضورك اليومي ببيت شعر

الحب:- يعطي للغريب بلاد لـو ماهـي بـلاد,,
والعاشق اللي ماطغى عقله على القلب يغدي..

والصاحب:-اللي بينك وبينه حصل ملحٍ وزاد,,
أوفي معه..! لكـنّ لاتضمنـه وتـروّح فـدي..

امّا القريب:- اعطه حقوقه واخذ خط الابتعاد,,
خلك بعيد تصير في عينه مثل نجم الجـدي..

والوقت:-لاتعطيه وقت يلبّس ايامـك سـواد,,
عش يومك وخل امس مات وخل بكره يبتدي. .

المصدر: منتدى الخليج

 أنا معك والا بدونك يسعدك ربي
دقيت بابك ولكن ماانفتح بابك
كرامتي فوق كل حساب ياحبي
الا الكرامه حبيبي اعمل حسابك

 

اشتكيته للرفوف وللبراويز الهزيله وانذعرت من النياح اللي سمعته في صورها
رحت اسولف للجبال الصم عن قصة رحيله ماتركت متونها الا ينحت الدمع بصخرها

 اذكر اني كنت عايش بالليالي الاولية واذكر اني وقتها كنت عايش باحضان غابة
ماعرفت الا عبارة مثلها مثل الوصية عيش عمرك ذيب تسلم من مخاليب الذيابة

 

نويت اكتب لك احساسي على بيض الورق ابيات
واترجم لك معاني الشــــــوق من اولهـــا لتاليـــها

فدالك اجمــل سنيني .. فدالـك اجمــل الكلمــــات
فدالك عمري الباقي فدالـــــــك كــــل ماضيـــــهـــا

 أنا في خاطري حاجه ولا ادري ويش ابي بالضبط........ولاني قادر اكتمها ولااني قادر ابديها
متاهة بداخل اعماقي بحر وحيره بليا شط........خذاني موجه العاتي عذابي من موانيها
ابهرب من غموضي مير ماباليد حل وربط.......ضياعي كل يشوفه حقيقه مقدر انفيها
أنا مدري مكاني فوق ولاتحت ولا وسط........اسوق الرجل وتبعها وقول الله يسويها
أنا عايش بها الدنيا بلاقيد وبليا شرط.........مجرد ظل لايامي تباريني وباريها
أنا ايامي سوى مافيه يوم اصعب ويوم ابسط......ولاادري كيف اميز بين حاضرها وماضيها
أنا مشكي من احزاني ولاذقت السعاده قط........ومع هذا أحس الناس وأضحكها وأبكيها
أنا واحد من العالم أنا جمله تحتها خط........احاسيسي غريبه من بدايتها لتاليها
أنا في صفحة الدنيا حروف ماعليها نقط........حياتي مالقيت اللي يترجم لي معانيها

 

لوْ تدُري آلنآس بآوْجآع آلمحبة ،،گآن مآ حبت!
گآن مآ صآر آلجفآ . . .
گآن گل قلوْب خلق آلله تربت..!