قالت أنا برحل ولا عندي أعذار

 

قالت أنا برحل ولا عندي أعذار

. تواجهوا صدفه قبل سابق إنذار
من قبل ريم الشوق تعلن سفرها .

. تواجهوا ثم ابتدت حرب الأنظار
و كلن يفكر دنيته وش قدرها .

. تذكروا يوم إنهم كانوا صغار
تذكروا ذيك الديار و شجرها .

. تذكروا موعد على وقت الإفطار
فكره بعز الصبح ماحد(ن) خطرها .

. كبروا وصاروا للمظاليم شعّار
كلن ليا منه كتبها نشرها .

. يرسل حروفه في مجلات الأشعار
و حروفها ترسل بداخل صورها .

. ياما كتب فيها بديعات الأفكار
وياما كتب في عينها مع نحرها .

. إمن الوفاء لو شاف حفره بها نار
وقالت له اطمر .. راح (طنخه) طمرها .

. يمشي لأجل (...) ملايين الأمتار
وأيات يد (ن) تعترضها بترها .

. قالت أنا برحل ولا عندي أعذار
و حذراك تحسب يومها مع شهرها .

. في ديرتن ماعرف خوي(ن) ولا جار
في غربتن والنار زايد خطرها .

. لحظه سكت ثم قال أبي منك تذكار
ودلت على ذيك الليال وسهرها .

. ثم قال ابي لي غرفتن داخل شهار
قالت بعيد الشر وأهدت عطرها .

. ثم استدارت واكتمت بعض الأسرار
من بعدها تمشي ويتبع أثرها .

. وقف وبنيت بينهم صلف الأسوار
وخلت مدينتهم وراحت (حفرها) .

المصدر: منتدى الخليج