ابو العبس والقصيد...!!!

 

ابو العبس والقصيد...!!!

	هذي القصيدة لخوي لنا سافر قبل كم اسبوع لاسبانيا مرورا بفرنسا الى ان وصل القاهر ومن بعدها الى السعودية عبر عن رحلته هذي بهذي القصيدة ان شاءالله تعجبكم ليل الوطن وجه(ن) كسته التجاعيد .........................................كئيب واجم لفني في جفونه ودي اهج من البشر واسري البيد ......................................احس فيني انسان مايفهمونه حلمي اسوق الرجل لــا وين ماريد .....................................واترك لهم ياقلبي اللي يبونه ودي اسافر والسفر فيه تجديد .................................. طعم الحياة بصدر كثرت سجونه شرت الخوي قال الخوي لا انقضى العيد .......................................الحجز واكي عند من يتكلونه سعد الرفيق اللي مخاواه تمجيد ........................................يقصر نشاما عنه ماياصلونه متوكلين بجاه من يكفي الكــــيد ....................................... الواحد اللي ماتغمض عيونه شدت ركايبنــا وشد الأجـــــاويد .......................................معنا التذاكر والشنط والمؤونه الوجهه الأولى الى ارض (مدريد) ..................................وفوق السحب جانا المدد والمعونه لارض (ن) بها التنظيم من دون تعديد .....................................في كل شي نون البصر يبهرونه ومنها مشينا صوب منتوقة الجيد .....................................ارض الهدوء الوادعه (برشلونه عبق من التاريخ ينساب و يعيد ...................................(.للاندلـ ــس) نكهة مزاجه ولونه كانت لنا موطن وراحت بتبديد .......................................واهمال أمه غارقه في المهونه كانت منارة علم نور(ن) وتوحيد .................................واضحت لمن وشم الصليب بمتونه بس .. ماعلينا ماتفيد التناهيد .....................................مافاد ميت دمع من يدفنونه ثم ارتحلنا بعد ماتم تأكيــــــد ..................................حجز (ن) (لباريس) الجمال وجنونه كن السحايب في سماهم عناقيد ......................................سبحان معطيهم وهم يكفرونه منها دلفنا والنوايا معاقيــــــد ............................... صوب الشمال لصاحب(ن) يمدحونه (لبروكسل البلجيك) نوفي المواعيد ..............................ومنها على (انتي ورب ) ديره فتونه لمقابلة بو حفص سيد ولد سيد .........................................وابو بلال اللي أسرنا بعونه اخوان في فعل الجمايل محاميد ......................................نعم الرجال وضيفهم يكرمونه وحل الرحيل ووجهة الركب تحديد ...................................... (لسويسرا )يمم وزادت شجونه رحنا مدينة (مونترو) غادة الغيد ....................................... رقه عذوبه مذهله في ليونه نضرة نعيم تشرح النفس وتزيد ......................................... لهفي لجنة عرضها تعرفونه وجه البحيره يجرحه مركب الصيد ....................................وطير المساء لا اقبل يبدد سكونه يوم ارتحلنا لوّح الغيم بالأيد .................................... وكن المطر دمع قطر من مزونه (لجنيف)... كم حدي لو اعيد وآزيد ................................. في وصف بنك (ن)والأمم يحرسونه ومنها( لروما) والسفر ليل و بعيد .........................................على قطار الشرق لو تذكرونه وقفه على تاريخ غبر التقاليد .................................. وآثار معـــــــمار القديم و فنونه عقيدة التثليث في كل تشييد .................................... اف (ن) لهم واف(ن) لما يعبدونه روما صليبك غادي(ن) كنه القيد .......................................بيجيك منا فتية (ن) يكسرونه حصنك بيشهد يوم عسكر وتهديد ...................................... لله در اللي بعد يفتحــــــونه طابت لنا منك وللشوق تغريد ....................................... يسبق خطاوينا ويعزف لحونه للنيل وارض النيل من دون تعقيد ...................................... انهوا لنا حجز السفر في مرونه (وبالقاهره) استوقف الروح ترديد ........................................ صوت المآذن بالنداء يرفعونه وآخر مطاف السالفه عدت ياعيد .........................................عــــد نا لمن غاليهم يرقبونه يبقى غلاهم والغلا عنه ماحيد .................................. شي(ن) بقلبي وان خفى يعرفونه ويبقى الوطن بالقلب رغم التجاعيد ...................................... يشفع له البيت الحرام وركونه ابو العبس

المصدر: منتدى الخليج