هذي حياتي يوم مع عضو\هـ

 

هذي حياتي يوم مع عضو\هـ

صباحكم \ مسائكم سعاده ~ فكره الموضوع ,' اختار عضو\ه وتكلم لنا عن حياتهآ اول شيء تذكر لنا هي مين معلومات بسيطه عنها وبعدين برنامجها اليومي من اول ماترفع راسها من الوساده لما ترجعها مره ثانيه << شغل ملاقيف وتقول مواقف و وش تحب وش تكره ومتى تحب تطلع هيك اي شيء في بالهآ يعني تسولف لنا وحنا كلنا اذان صاغيه حنين حيآآآك اجلسي في صدر المجلس وسولفي لنا

المصدر: منتدى الخليج

 

همسه غلا
تسلمي علي الفكره الجميلة
منتظرين الأخت حنين

طائر الليل الحزين

 

همسة غلا تسلمين حبيبتي عالموضوع الحلو

فاجأتيني وحطيتيني بويه المدفع :sater:

مشكوره على اختيارج لي

أتشرف بالمشاركه

ولي عوده بإذن الله :119:

 

صباح البسمات والنسمات الجميله وروايح الخزامي لأحلى أعضاء الاسم : ......... المواليد : 3 / 12 / 1985 المؤهل الدراسي : جامعيه تخصص رياض أطفال نبذه عني : أحب الهدوء بكل حالاته حساسه لأبعد الحدود وفي كثير من الأحيان أفسر الأمور وأوِّلها على إنها عني وفي محيطي حتى لو ما كنت المقصوده ( وهالطبع مو زين أدري :158: ) حنونه وطيبه لأبعد الحدود بشهادة من حولي ودمعتي قريبه جداًّ خدومــه أحب أساعد الكل بدون استثناء معتده برأيي وقناعاتي ما أغيرها إلا بمزاجي مو بفرض من أي شخص بالعربي عنيده مبذّره ما أحسب حساب للزمن أعيش ليومي دقيقه في أغلب الأمور بيتوتيه ما أحب الطلعات وإذا طلعت يا إني أقضي شغلي أو طلعه عائليه مع خواتي وعيالهم بس أعشق السفر بشكل مو طبيعي ... روتيني اليومي : طبعاً مالي روتين ثابت فالروتين متقلب على حسب الموود وعلى حسب الظروف خصوصاً بعد ما هجيت من التربيه ونفذت بجلدي :thank: الروتين تغير بالكامل بالفتره الأخيره روتيني كالآتي : إذا ما كنت سهرانه ومواصله أصحى حق صلاة الفجر أصلي وأقرا أذكار الصباح وأقعد ما أنام وإذا ما نمت تشوفوني أحوس بين أروقة المنتدى :kather: وساعات أرجع أنام وأصحى الساعه سبع وشويات أدخل المنتدى وأحوس بالأقسام ما أتريق أنطر زوجة أخوي تودي عيالها المدارس وبعدين أتريق معاها :20: أقعد تحت شوي أقرا الجريده وأرد أجابل المنتدى وبعدين لما تصحى أمي الله يحفظها أقعد وياها وهي تتريق ونسولف شوي وتروح تصلي الضحى وانا أرد عالمنتدى :latkather: وأغلب وقتي يكون اهني إذا عندي أشغال أطلع أقضيها الصبح وساعات إذا كانت زوجة أخوي مشغوله وبتطلع أطبخ الغدا بدالها :ahem2: وبعدين الظهر أتغدى وهالشي نادر إذا ما كنت بتغدى آخذ لي قيلوله قبل الدوام وإن ما خذيتها كملت بالمنتدى لغاية وقت الدوام طبعاً أصلي العصر وأتجهز حق دوامي من الساعه 4.30 العصر لغاية 8.30 وانا بالدوام أغلب شي أكون فاضيه فيكون أغلب وقتي بالمنتدى بعدين أرد البيت عالتسع وأول شي أسويه أسأل عن أمي وأدورها :yab3dhum: وأروح أقعد معاها شويات لحد ما تنام لأنها هاليومين تنام مبجر أتعشى بروحي لأنهم يتعشون وانا بالدوام :frown: وبهالحاله أجبر مرت اخوي على انها تقعد معاي :139: وساعات أدرس عيال أخوي بهالوقت إذا في شي مو فاهمينه وبعدها أصعد غرفتي تقريباً عالــ 11 وأجابل المنتدى لغاية ما أحس اني قفلت أسكر لابي وأصلي الشفع والوتر وأروح على فراشي هذا بالأيام العاديه أما الخميس والجمعه تكون يمعة خواتي اللي يختلف بروتيني إني بعد ما أطلع من الدوام يا إني أقعد معاهم أو نطلع نتعشى بره :soorry: عالروتين الممل وشكراً حبيبتي همسه على اختيارج لي كلي حبور باستفتاح موضوعج :144:

 

همسه غلا
تسلم الأيااااااااااادي
على الطرح الجميل والرااقي

 حنين
بسم الله عليج ي عنيييييييييييييدهـ
الله يحفظج الوالدهـ الكريمه ويخليج لعين ترجيج
أي جذي هذي العمه ولا بلاش سويتي نفسي
أنا مجبورهـ أدرس عيال خوي بسبب معرفتي لدروس الأبتدائيه كلها

 

أخت/ همسة غلا .. موضوع كتير حلو
يعطيك العافيه عالطرح العملي الشيق
أحتراماتي لك .