°•ღ° ياحبيب الــــورد °•ღ°

قـائـمـة الأوسـمـة · #1

مساء الورد ياأروع أعضاء

أنقل لكم قصيده بعطر الورد
بما أني مجنوووونة ورد ^_^

يارب تعجبكم ولكم كل ورودي

0

0

0

قال : هاك الورد كله .. قلت : هاتـه

و أنت هاك اللي لغيرك .. ما عطيته

يا حبيب الورد .. لا تأخـذ صفاتـه

مابقى للورد وصف ٍ .. مـا خذيتـه

جيتني .. و القلب يكتب في وصاتـه

و أنتثر قلبي على الطرس .. و قريته

ليه تزعل منه ؟ .. يا أدنى دانياتـه

و أنت منه .. و كل ما يضما سقيته

أمس لف الحزن قلبـي فـي عباتـه

و أبتديت أرسم معـاه حـدود بيتـه

ما شكيته .. يوم تخنقنـي جهاتـه

بس يوم انه خنق قلبـي .. شكيتـه

لا تلوم القلب .. يـا مـاه و نباتـه

قل فمان الجرح .. و الا قـل فديتـه

خل وقتك بيـن جرحـه و أمنياتـه

و أن بكيته .. لا تقول انـك بكيتـه

هات جفنـك للسهـر فـي مقبلاتـه

و أفهق انعاسك ..و لا تطري مبيتـه

ما بقـى للفكـر مـن شـرّد بناتـه

غير شعر ٍ كل ما يُكتـب .. محيتـه

بين همي و أخر الوقـت و شتاتـه

جيت كنك مطلع النور .. و سريتـه

و قلـت يالله لا تخلينـي شمـاتـه

لا يصير الصدق ذنبي .. لا جنيتـه

يا شقيق الطيب .. بأسماه و سماته

كل حرف لطاري أيامـك .. دعيتـه

و القصيد بٌيَدٌك .. محيـاه و مماتـه

قلي أكتب و أن بغيت أنسى .. نسيته

يوم جبت الورد كله .. قلت : هاتـه

لا تخلينـي و كنـي مـا خذيتـه !!

"

"

المصدر: منتدى الخليج

قـائـمـة الأوسـمـة · #2

بنت النور
يسلمووو على طرح القصيده
وبيض الله وجهك

ويعطيك ألف عافية

قـائـمـة الأوسـمـة · #3

.
.
++ { بنت النور ...

جيت كنك مطلع النور .. و سريتـه
و قلـت يالله لا تخلينـي شمـاتـه
لا يصير الصدق ذنبي .. لا جنيتـه
تسلمين اختي على القصيدة الرائعه
يعطيج الف عافية
ارق التحايــأ العطرة

++ { الريم اللعوب ...