يا غير مسجل معزوم على رحله معايا

 

يا غير مسجل معزوم على رحله معايا

حبايب قلبى شباب وصبايا
منتدانا الغالى
( عيال الخليج )
ايه رأيكم تطلعوا معايا رحله على حسابى
كل يوم جمعه
عشان محدش يقول ورايا دوام ومش فاضى
وهكون مرشدكم السياحى
بس هشرح لكم بالبلدى
بدون فلسفه

رحله اليوم الى القاهرة

وهنروح مكان مميز كتيييييييير

وهو قلعه صلاح الدين الايوبى


بناها صلاح الدين الأيوبي في الفترة 1176 حتى 1183 واكمل بناها اخية الملك العادل.
والهدف منها هو حماية مصر من مخاطر الاعداء ، لذلك كان موقعها استراتيجى :


ده حصن القلعه الفتحات اللى قدامكوا ديه للبنادق
علشان يدافعوا عن القلعه


كانوا بيطلعوا على السلم دة
وفوق السور المكان ياخد شخصين للحراسه


قلعة صلاح الدين الأيوبى تقع في حى "القلعة" - قسم الخليفة - وقد أقيمت على إحدى الربى المنفصلة عن جبل المقطم على مشارف مدينة القاهرة

كتير اووى مننا ميعرفش عن القلعه غير جامع محمد على
الذى كان مقراً لحكم مصر منذ عهد صلاح الدين الايوبى (1183)
حتى نقل الخديوى اسماعيل مقر الحكم إلى قصرعابدين

لكن اللى مانعرفوش انه يوجد داخل القلعه

مسجد السلطان محمد ابن قلاوون


المتحف الحربى
متحف الشرطه
ومسجد سليمان باشا

المهم بقة
اول ما ندخل من باب القلعة هنتبع السور الى ان نصل الى صحن يتوسطه الموضاء






وهو فناء كبير يحيط به أربعة أروقة ذات عقود محمولة على أعمدة رخامية،
أما الجهة الشرقية فتشرف على الجامع
ومكتوب على أعتاب الشبابيك آيات من القرآن الكريم
بالخط الفارسي
حائط الجامع من بره


ومن جوه



ندخل بقةعلى جامع محمد على
الجامع مفتوح للزيارات


الجامع له بابان باب للدخول وباب للخروج
يصل ارتفاعة من الداخل الى 52 متر تقريبا



وكل اعمدتة من الرخام نوع اسمة المرمر
مستورد من تركيا يتميز هذا الرخام بانة شفاف
ومنبر الجامع معمول من الذهب





وفى سقف الجامع يتوسطة قبة مزخرفة بلفظ الجلالة الله ومحمد رسول الله
كما فى كل جانب يوجد اسم من اسماء الخلفاء الراشدين





داخل الجامع دفن محمد على فى احد اركانة
هذه المقبرة بتاعتة



حول الجامع فى زى ممر
لاحظوه كدة



ولقد أمر محمد على
ببناء جامعا كبيرا بالقلعة لأداء الفرائض ولكي يدفن به بعد مماته،
وبدأ العمل في الجامع عام 1830م واستمر العمل به حتى ممات محمد على باشا عام 1848م
فدفن به وأتم زخارفه عباس باشا الأول
.


فوق القلعه اهداه الساعه ديه
لويس للملك محمد على
لان محمد على اهداه مسله الملكه حتشبسوت
ومن ساعه ما جت موش بتشتغل

قدام الباب التانى للجامع هتلاقى
ساحة كبيرة

لو اتجهت يمين
تقدر منها تشوف مصر كلها
ودة شكل المكان اللى هنشوف منة مصر ممكن من هناك تشوف الاهرامات كمان





وكمان نقدر نشوف بوضوح مسجد السلطان حسن
والرفاعى
اكيد مكنتوش تعرفوا عنه حاجه
غير ان عمو اوباما جه زاره



ان شاء الله هنزوره قريييييييبا
واذا اتجهت شمال الباب نصل الى
قصر الضيافة



يتكون القصر من دورين
اول ما ندخل تلاقى المرايا
مطلية بالذهب ويستطيع من يصعد السلالم رؤية نفسة بأكثر من زاوية
حيث تكثر المرايا بالقصر
وسقف القصر مزين بالذهب ايضا


الدور الأول:كان يوجد به تماثيل تمثل مذبحة المماليك الشهيرة
وايضا تماثيل لمحمد على فى الحفل وغيرها من المشاهد الشيقة



الا انة الأن الدور الأول مغلق
أما الدور الثانى مقسم الى حجرتين
فيوجد بة
حجرة نوم الامبراطورة اوجينى



الملكة أوجيني إمبراطورة فرنسا، والتي صممت خصيصا لها
لكي تنزل بها وقت حضورها حفل افتتاح قناة السويس

أما الغرفة الثانية:
فبها



كرسى العرش وهوة مطلى بالذهب وقصير
حيث كان محمد على قصير
ويوجد بالجوانب صور للعائلة المالكة



عباس باشا الاول



الأميرة فاطمة
وهى والدة الخديوى اسماعيل



وغيرهم من الصور العائلة
نخرج بقة من القصر
نتبع السور للمتاحف
فى طريقنا هنلاقى جامع السلطان محمد بن قلاوون


الجامع مغلق
مش للزيارات
باب الدخول



مآذنه الجامع



من الناحيه التانيه من جامع محمد على


لو كملنا ونزلنا نوصل لمتحف الشرطه
ده المدخل



يوجد استوديو كمان ممكن نتصور فية صور تذكارية
والجنينة نلعب فيها باة





المنظر قدام باب القلعه



وبكده تكون رحلتنا الى القلعه خلصت
يارب تكونوا انبسطوا معايا
واستنونى الجمعه الجايه
ومكان جدييييييييييييييييييد
مشرف الرحله
طائر الليل

المصدر: منتدى الخليج

 شكرآ ع الصور الحلوه والمعلومات
ويعطيك الف عافية

 يسلمو طائر الليل
على هذه الرحلة الجميلة والرائعة ويعطيك ألف عافية

 طائر الليل الف شكر على المجهود الرائع يعافيك ربي

 اماكن رووعهـ
تسلم اخوي على الصور و المعلومات
يعطيك الف عافية على المجهود
ارق التحايآ

 

بحر الرواسى

الرحله نورت بوجودك معانا

شكرا ردك وتواجدك الجميل

تقبلى تحياتى

طائر الليل

 

كحيلان

شرفت ونورت الرحله يا كنج

يارب تكون استمتعت منها

شكرا ردك وتواجدك الجميل

لك تحياتى

طائر الليل