زلت لسانك

 

زلت لسانك

خسرت وماخسرت الا حبيبي والغلا والشوق
وربحت وماربحت الا ( ضميري ) يوم ودعته

وفقدت ومافقدت الا السعاده والحلا والذوق
وجنيت / وماجنيت : الا ( ضياعي ) يوم صادقته

حبيبي رح فمان الله ياآخر من رقا بي فوق
وماعاد يبقى من جروح الوقت جرح ماذقته

علي حقوق وأن جيتك بوادع لي معاك حقوق
( طلبتك ) لارفعت إيدك لربك / قول : سامحته

وأنا يشهد علي ربي ياقلبي ممتلي بحرووق
تعبت أشكي من جروحك ولاجيتك وعالجته


لي الله والعمر همي / وباقي حزني المصفوق
بموت ومابراا جرحي من أفعاالك ولا طبته

وكل سامحك ربي بقوله والحشى مخنوق
صحيح أني معك برحل وكل الي معي قلته

تأكد دامني عايش ترى لي في سماك بروق
وأعيش بغيبتك قصه حروف الشعر دبلجته

ولايبقى سوا كلمه تجول بخاطري وتسوق
عليك أحلى الكلام الي يسرك قمت وجمّعته

عسى الله يحفظك لأهلك ويسعد خاطرك وتروق
ويدمح ( زلت لسااانك ) من أولته إلى آخرته

المصدر: منتدى الخليج