الفطفوطة وَ الوحشّ !

 

الفطفوطة وَ الوحشّ !

طبعآ هذا الموضوع فكآهــــي , حوار , ممتع أتمنى أشوف مناقشة تسسسسر ..



ما ينتهي عرس وزفة العرسان ..

وينفض الحاضرون و الحاضرات ويبدأ بث الإستديو التحليلي الحريمي

عن فعاليات الزواج إلا تسمع عن نظرية مؤمن بها الجميع .. واللي تقول : " صدق أن الحلوة ما تاخذ إلا شين .. والشين ياخذ وحده حلوة ..

وبما إني شاب مزيون و على قدر كبير من الجمال الأوربي الفاتن فتهمني هـ النظرية لأني بكره ب أتزوج ..

وش ذنب اللي باخذهآإ تطلع شينة خخخ , ضروري الواحد يلحق عمره قبل ما تنطبق هـ النظرية عليه ,

السؤال اللي يسدح نفسه هنإآ .. هو ليش هـ النظرية انتشرت في مجتمعنإآ مثل انتشآر عمليات التجميل في وجوه بناتنإآ ..

ممكن واحد يجينإآ واحد ويقول .. السبب هو إن زواجتنإآ من ماركة " أنت وحظك " .. وحنإآ ناس معروفين إن حظنإآ نفسه شين ,

يعني الواحد إذا قرر يدخل السجن الزواجي , كل التفاصيل توصله عن طريق وصف امه و إلا أخواته لست الحسن والدلال ..

و المشكلة في الأمهات و الأخوات نفسهم ما يعرفون يوصفون , يعني تسأل أمك وشلون شكلهإآ تقول : " اسكت اسكت وش أوصف وش أقول " .. قولي ي بنت الحلال ..

تسكت شوي ثم تقول تعرف سيرين عبد النور ؟؟.. هنإآ الولد يزحف على ركبهه ويقول .. إيوه

تقول .. بس وصلت يا ولدي .. فوله وانقسمت نصين , وبقدرة قادر في ليلة الدخلة تصير زوجة المستقبل

" عبد النور " وين سيرين طيب ؟؟؟ الله وأعلم خخخ

وإذا الولد مصحصح .. وقال ماينفع الوصف .. أنا مااشتري سمك ب البحر .. لازم أشوف بعيوني اللي راح ياكلها الدود .. وحددوا موعد للنظرة الشرعية .. تدخل البنت بكامل زينتهآإ .. ومعهإآ حراس الفضيلة .. أبوهإآ

وأخوهإآ وعمهإآ وخآلهإأ ..

البنت راسهإآ ب الأرض وجالسة بطرف المجلس .. واللي يسولف معك أبوهإآ .. وخالهإآ يناظر ل إتجاهات عيونك .. بس تفكر وحده من نظراتك إنهإآ تلقط شئ من أنوثتهإأ .. ما تسمع إلآ النحنحة الدينية " لآ إله إلا الله " ..

وهذي طبعاً أشارة إلى إنه غض البصر يا حيوان .

.. ف إذآ كانت هذي طرق التواصل بين طالب الزواج .. وطالبة الزواج .. فشئ أكيد إن نظرية " الفطفوطة و الوحش " راح تستمر .. ويستمر معهإآ تشكيل لجآن " إصلاح ذات البين " اللي ماعمري سمعت عن إحصائية

ب الأرقام لنجاحاتها .. الحل في نظري , هو نفس الحل اللي سيد البشر عليه الصلاة والسلام " انظر إليهآ ف إنه أحرى أن يؤدم بينكمآ "

المصدر: منتدى الخليج