أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
| #1 | |||||||||||||
  
|
و حنّا وآلله مُسلمين ! و ألف طفل يحضن عيون الشوآرع .. ثُم يبيع ! و حنّا وآلله مُسلمين ! و الأرآضيْ إلليْ توقد فيْ مسىَ الغرب , و تميع ! و حنّا وآلله مُسلمين ! فيْ [ صلآة الجمعه ] .. بَس ! حنّا وآلله مُسلمين ! ــــــــ والله اني ماأخون لوتدور الأشياء حولي أوحواليها ادور صدقيني لو أخون وجية خانت أقسم وربي وفيت ــــــــ حبك احبك يابعد عمر الحزن والجرح والافراح احبك احبك كثر ما نامت عيونك داخل اهدابي ــــــــ إن كآن ودّك من عيونيْ تطيحين ...... طيحيْ مع موتيْ ! إذا فيهآ طيحَه ! ــــــــ حرام تغيب من عمري :: : وتعطيني الفراق وشاح :: حرام الدمع في عيني :: : مناديله هي اهدابي : ــــــــ ألآ يا دار يآ بنت الهقآويْ و هقوَة الأجدآد ...... ألآ يآ بنت من روحَه فدى عيونك يبددهآ ! عفيفَه لآ قعد وجه الفجر من خشيَة العبآد ...... يطيح الليل لآ أرتفعت بـ ذكر آلله مسآجدهآ ــــــــ تلفي وتسأل ذهابي وتقولي كم كم الساعه ..؟ إذا ياعمري أشتقتي لصوتي وهزك الطاري تطيح الدمعه من عينك .. تطيح او لا .. مو صح مثلي تطيح الدمعه من عينك إذا اشتقتي لصوتي وهزك الطاري ــــــــ طلبت الكل فوق الارض !! ولا خليت احد منهم ,, ولكنك ... نسيت الله , نسيت اللي خلق هالكل نسيت اللي رزق هالكل سبحانه ــــــــ ابي ارتاح ياعمري انا ادري هم تبي ترتاح تعال وقبل ماافرح ترى تفرح بك ثيابي ــــــــ غيابك يشغل عيون الزوايا وأمتلي أشباح ............... وأنا أنثر صوتك بقلب المكان وأشعل أبوابي ــــــــ تعبت اهرب من الاشيا البسيطـه مـن تفاصيلـك تعبت اسأل زوايا البيت.. عن اول واخـر احوالـك ــــــــ صبآح العيد يآ يمّه .. يفوت آلعيد يآ يمّه , و أقول العيد فيك بـ خير ! عسآك بـ عيد .. يآ خير الخفوق ونبضَه ودمّه عسآك بخير يآ عيد الليآليْ و نور هـ اللمّه ! يآ يمّه .. يآ يمّه تشبهين آلعيد .. مآ تدرين ؟ بآلرحمَه .. وصبآح العيد .. وبيآض القَلب .. والذمّه ! ــــــــ لك من اليابس الاخضر نبت في داخل الاهداب .. ولك القمرى على هذا البحر تغفي على اهدابه ــــــــ معقول ما مرّوا على بحر الاحداق ولا شافوا دموعي من الشوق غرقى هذا انا من الليل واقف ومشتاق وهذي كفوفي من الوله دوم عرقى ــــــــ المسأله..! روحين في داخل إنسان شفتك رحلت وشفت روحك في عيني , غمضت أرّد الروح من خلف الأجفان ..,! عشان أصدّق كذبتي إنك | تجيني | ــــــــ أنا متحنيه بـ الشمس و النوير أنا من الصبح ولكن ما معايا خير ومع أجراس المدارس كل مادقّت تطير عيوني بـ عيوني وتاخذني على أول مدرسه و دايم مثل كل مرّه أتأخر عن الطابور وأصّف هنا بالشارع مثل كل مرّه بالشارع و أكون أوراق مرميّه على أطراف الرصيف أوراق منسيه وسط هذا الورق مكتوب ــــــــ ياخي حسّ ..والله عيب إللي تبيه.. إني ارحل من حياتك وأشعل عيوني بـ ليه.. لا جبينك شمس واحساسك مطر.. لاعيونك شوق وشعورك دفا.. جبت لك بإيدي ابتسامات العمر .. ليه تكسرها على اطراف الشفا... شوف.. شوف بعثرني احتياجي بالنظر.. شوف وجهي إمتلا منك بـ أفا ..!! ــــــــ أمر النآس فيْ نهر النوآيا و ضحكَة الأطفال ..... و أصب كل النوآيا آلبيض في من يستفز غلّي ! عجزت أستَقبل آلكره الملوّن من ورىَ الأشكآل ..... عجزت أزعَل ولو مرّه ’ ولو بَس مرّه من أجليْ ! أعيش بَ عقل و أهديت المحبَه ل البشَر بـ هبآل ..... و أشوف ولآ بقىَ " حيّ " يعيش آلحين فيْ عقلي ! ــــــــ تروح وقلت: احط [ روحي ] على كفـي واناديلک . . . نزعت العمر مـن شفـت الغـلا بالـروح نادالک بربك قول: وش سوى الفـراق بوجـه منديلک ؟! تسيل الوان طيفي فيـه الـى مـن البكـا سالک ــــــــ هذا زمان تعيشه يشبه الغابه صدر الهقاوي يصيبه خنجر الخيبه ’ واحد يداوي طعون الوقت بصحابه .. واحد يموت ويعيش بطعن أصاحيبه ..!! ــــــــ طيبك وصنتَه , أعرفِك كيف صنتَه آن خآن كفّك قآلوآ : الطِيب خآنِك ! ــــــــ أنـا العايش عشان أشري (فرح لحظة) من سنينك من هدم نفسه بنفسه .. مابنى عمره صحيح والضعيف من النفوس .. يهدي عمره لأي ريح ــــــــ تصوّر ..! ولا قطره بوجيه الناس تشبهنا وتشربنا وأرد ضاميك وبعد مثلي ترد ضامي ــــــــ وو ,, اغنيلك وكل موّال من عيني ,, يطير هناك : يم عينك ! غريبه شلون ما حسيت ولا شميت ! عطر هذا السؤال اللي : يفوح بداخل ضلوعي ! ويشعل كل مواويل الحزن ويقول : يا عمممري قول بسس . . وينك ؟! ــــــــ تجيني طيف يا عمري.. على جنحان شوقـي لـك اخاف ارمش من عيوني..! وابعثر جيت وصالـك .. ثواني بس.. ابتهندم ... من عيونـك وابهـدي لـك في عينـك ضحكـةٍ حتـى تكحـل عيـن عذالـك ــــــــ بعنا فينا واشترينا ولا درينا بالثمن الغدر منا وفينا .. لاتقول من الزمن ماتصير الناس ناس .. لارحل عنها الضمير ماتصير الناس ناس.. لاطغى فيها الكبير الوهم يكبر ونكبر.. داخل الأوهام هم الألم يكبر ونكبر .. داخل الألام غم ــــــــ صحيح احساسي ضيّعني وطيبي حيل بهذلني ومعك ماينفع الأحساس والطيبه ومعانيها واذا في يوم أشواقي تبي عندك توصّلني ومن كفوف الوله تاخذ يديني لك توديها يمين الله ولا لك غير يمين الله تحّلفني اذا نفسي توصلني لمثلك والله [ لفنيها ] ــــــــ بنادق مهجتي معبا فشقها والغلا نيشان .. أبطلق روحي في قلب القصيد وأنبض أبياته ,, أبذبح حزني من أقصى الشعور لأول الاخوان .. وأسيل عمره وتشرب عيون العمر دمعاته ,, وحيد ولامعي الا اخوي بداخلي غفيان .. ترفرف ضحكته وأطلق نعاسي وصبح ضحكاته ,, ــــــــ يا حسين مايشكي من الوقت رجال ,, ........... أنا أعرف أرجالٍ شكى الوقت منها النفس مهره وموتها طرد الأهوال ,, ................. أبلا رسن تطرد وغيرك رسنها ــــــــ وآلله فيك الجرح ... [ يخجل ] إنه فيك يصير جرح ! ــــــــ ابنثر من ورا عيوني.. دموع عيون ترحالك تعبت اهرب من الاشيا البسيطه من [ تفاصيلك ] ..! تعبت اسأل زوايا البيت.. " عن اول واخر احوالك " وحتى الشوق || من صبح الدرايش || قام يهدي لك عصافير الرضى ترفرف على بيبان مدخالك ــــــــ يبه شلونك ؟ ..... أبي أتبلل بَ صوتك .. أنا وَ خالد , ...... نبي نتبلل بَ صوتك .. يا غيمة ظللت عمري , ........ ويمشي ظلالها وياي .. سالم السيار المصدر: منتدى الخليج
|
||||||||||||
| أدوات الموضوع | |
| انواع عرض الموضوع | |
|
|
العرض الشجري