من كل بلاد الدنيا

 

من كل بلاد الدنيا

بنبدأ على طول مع أكلات عالميه ...

[ إيران ]

من أطباق إيران المشهوره ... [ خورشت الباميه ]

المقادير ..

1- لحمه
2- باميا
3- ماجي + بصل وثوم + فلفل اسود وملح + زيت + صلصه وكركم

...

الطريقه ..

1- نغسل الباميا ونقطع راسها ونحمرها بملعقتين زيت ....

2- نقطع البصل ونحطه بقدر مع ملعقتين زيت ونحمسه ونحط عليه اللحمه والكركم والفلفل ... ثم الصلصه والماجي ونخليه دقيقه .. ثم نضيف له اربع كاسات ماء مغلي ونخليه يطبخ .. لمده ساعه او حتى ينضج ..

3- بعد ساعه نضيف عليه الباميا ...

ونخليه يطبخ خمس دقايق فقط ..

* نقدمها مع رز ابيض وسلطه ولبن

وبكذا خلصنا من إيران ونقلع الي ... ...

[هبوط ]

فرنسا .. {

راح ناكل { ستيك فرنسي بالمشروم} + { كعكات المارشملو}

ستيك بصوص المشروم .. {

المقادير ..

1-شرايح لحم ستيك [ انا اخترت حاشي ]
2- جزر + بروكلي + فطر
3-كريمه خفق + حبه ماجي + ملعقه طحين + ملعقه زبده
4- ملح + فلفل اسود + ملعقه خل

الطريقه ..

1- نتبل الستيك بالملح والفلفل ومعلقه خل ..

2- نجهز صينيه الستيك .. ونحط فيها ملعقتين زيت ونحمرشرايح اللحمه من الجهتين .. [حوالي خمس دقايق وتستوي لانها شرايح خفيفه]

3- نرفع الشرايح ونضيف ملعقه الطحين وملعقه الزبده على الزيت في الصينيه ... ونحرك شوي .. ثم نضيف بياله كريمه الخفق وحبه ماجي .. ثم الفطر

4- نرجع شرايح الستيك ع الصوص ونخليه يطبخ حوالي 5 دقايق..

5- نسلق البروكلي والجزر + رشه ملح وفلفل اسود

* نشيله من على النار ونقدمه ..

~ ~ ~ ~
عشاء مكون من .. : ستيك فرنسي بالمشروم + كفته بالبطاطس + شوربه صينيه + سلطه {

يتبع ..

المصدر: منتدى الخليج

 

{ كعكات المارشملو }


المقادير ..


1- بسكوت الشاهي او [ أوريو ]
2-حليب مركز + نص اصبع زبده
3- كت كات 4 اصابع + مارشملو







الطريقه ..


1- نطحن البسكوت .. ونسيح الزبده .. نقطع الكت كات .. نقطع المارشملو






اسرع طريقه لطحن البسكوت .. [ كيس لحم + مدق ثوم ]







2- نخلطهم مع بعض .. و نسويهم على شكل أسطوانه ونلفها بتغليف ..







3- ندخلها الفريزر ساعه.. نطلعها ونقطعهاحلقات ..








ونقدمها ..











^^


[ بسكوت اوريو ]










^^
[ بسكوت الشاهي ]



[تابعونى]

</B></I>

 

لبنان .. {
بدنا ناكل سلطه البادنجان مع الزبادي ... [ بتطير العئل]
المقادير ...

1- طماط + خيار + جرجير + ملفوف صيني + فلفل بارد + فجل
2- حبتين بادنجان + بصل + حبه ماجي
3-علبه زبادي + 3 ملاعق حليب بودره + فص ثوم مهروس







الطريقه ...


1- نقطع البادنجان نص حلقات ... ونقليه




2- نصفه بصينيه .. نجيب كاس مويه مغليه ونحط عليه حبه الماجي ونحركها ونصبها ع البادنجان .. ونرشه بفلفل وملح .. وندخله الفرن من تحت حتى يشرب مويته ..



^^
قبل







^^
بعد


ثم ... نقطع البصل شرايح ونحمره في ملعقه زيت حتى يصيربني ...


تقطعين الخضار على ذوقك ..
نخلط الزبادي + الحليب + الثوم


نرتبها
بالصحن ..



نقدمها .. .. ..




لذيذه جدآ ..


يتبعــــ>>

</B></I>

 

هبوط ]





الفلبين .. {


إنتي في أكول ... [ كرسبي قمبري ]
المقادير ...


1- قمبري جامبو
2- شوفان كويكر + دقيق+ بيضه
3-ملح + فلفل + ليمونه+ ثوم بودره + زيت







الطريقه ...


1- ينظف القمبري ويقطع بطرف السكين من النص ..

2- تجهز التتبيله = عصير ليمونه + ملعقه صغيره ملح + رشه فلفل + ملعقه ثوم .. نغمس القمبري بالتتبيله ونصفه بصحن ونتركه نص ساعه ..





3- نحمي الزيت .. ونجهز الدقيق .. ونحط خمس ملاعق شوفان بصحن .. ونخلط البيضه .. ونبدأ بالقلي ..

4- ناخذ حبه قمبري ونغمسها بالدقيق .. ثم بالبيض .. ثم بالشوفان .. ثم نحطها بالزيت ... وهكذا




* أذا تبين القمبري رهيب .. اخلطي بياله دقيق مع بياله مويه ورشه ملح .. ثم ~~ غمسي القمبري بالدقيق الساده .. ثم البيض ثم الدقيق المخلوط بالماء .. ثم حطيه بالزيت

وقدميه مع رز ابيض وسلطه

هذا بالدقيق ..




وهذا بالشوفان كرسبي ..






أقلطو ..... {






بالعافيه ..~.

</B></I>

 


[ مسلم .. عربي .. سعودي .. رافع البيرق عسى عزه يدوم ]

<- مطقم مع الأخضر

مع البرد هالأيام تمسك معنا على حنيني ..

وتمور الصالحيه بعيد ..

وش نسوي .. ؟


نقوم للمطبخ ونطلع هالعده ...





ايه خبز مفرود عربي ..

المقادير ..

1- خمس أقراص خبز مفرود عربي ..
2- نص اصبع زبده ..
3- حوالي كاس تمر بدون [ عبس - نوى - فصم ]



الطريقه ..


1- نفرم الخبز بفرامة اللحمه .. ثم التمر .. ثم نحط الزبده بعد ماتذوب عليهم ..



2- نعجنهم باليد ونرجع نفرمهم ..
3- بعد الفرمه الثانيه نكورهم .. ونبشرهم بالمبشره حقت الجبن ..






واحلى قهوه مع احلى بنات..
[ طايحه + ذات الشوشه + احلى شي + مصالة المساطيل ]

 

اليونان

يالله من فضلك كنه علم الهلال
كانت الدوله العثمانيه محتلتها ..

والحين الغرب يلعبون في العرب ..
تعرفون بحر إيجه الي ناخذه بالجغرافيا اول ؟ حولها هو وتركيا ..
هماهم حول تركيا ... ؟ أكلاتهم فيها شوي من تركيا ..

وبنذوق مع بعض .. بادنجان محشي خضار بالفرن




المقادير ..

1- بادنجان
2- بطاطس + جزر + بطاطس + كوسه + بطل + طماط
3- ماجي + ملح + فلفل
4- خلطه البشاميل





الطريقه ..

1- نقطع البادنجان انصاف .. ونفرغ الي جوا بالسكين ..




2- نقلي انصاف البادنجان .. ونصفهم بصينيه .. ونقطع الخضار مكعبات ..





3- نحمس البصل مع الثوم والفلفل البارد بملعقتين زيت .. ثم نضيف الخضار عليهم .. ثم نضيف مكعب ماجي .. ونخليهم يطبخون عشر دقايق فقط ..





4- نجهز البشاميل ..





5- نرش البادنجان بملح و فلفل .. ثم نحشيه بالخضار .. ثم نرش عليه جبن مبشور ونغطيه بالبشاميل ..





6- ندخله الفرن من فوق عشان يتحمر البشاميل ونطلعه ..





وقدميه ع طريقتك وذوقك ...




لاتملووووون ... الصبر زين ...

</B></I>

 

المقادير ..

1- كاس و نص فريكه .. [ اطلق شي إنتاج حلواني ]
2-صدرين دجاج
3- حبه ماجي + ملح وفلفل + بصل وتوم + صنوبر







الطريقه...

1-نسلق الدجاج مع نص حبه بصل وفص ثوم وملح وفلفل ..

2-نغسل الفريكه ونحط عليها كاس ونص مويه وحبه ماجي ونخليها تستوي زي الرز ..
3-نقطع نص البصل شرايح ونحمسه مع ملعقه زيت ثم نحط معه الصنوبر ..
4- نطلع الدجاج ونشويه بالفرن او بصينيه الشوي .. ثم نجيب الفريكه ونقدمه ..





نحط الدجاج فوقه ونزينه بالبصل والصنوبر..

[هبوط]






تعرفون تاج محل.. ؟

فيها .. وعلى البحر

........................................

[ المسآلا الهنديه ]

[الصالونه ]



المقادير ...

1-دجاجه مقطعه 8 قطع بدون جلد
2-فلفل احمر + فلفل بارد احمر
3-بصل + ثوم + زنجبيل + طماط
4- ماجي + حليب جوز الهند او [ علبه زبادي مع 2 ملعقه طحين ]
5- ملح + فلفل + كركم








الطريقه ..

1-نقطع البصل والفلفل الاحمر بدون البذور الي جوا .. والطماط والزنجبيل







2- نحط 2 ملعقه زيت في قلايه ونحط البصل والثوم إذا ذبل شوي نحط الفلفل الاحمر البارد ثم الحار ثم الزنجبيل ... ثم الدجاج





3-نرش عليه الفلفل والملح والكركم ونضيف الدجاج .. ثم نضيف حليب جوز الهند كاس او علبه زبادي مع 2 ملعقه طحين ..





5- نغطيها ونخليها تطبخ ساعه ...



خلال الساعه .. نجهز رز ابيض وسلطه والسفره ..

ونقدمه








وتقدم مع الخبز لو ماحبيتي الرز...