أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
| #1 | ||||||||||||
  
|
قصيده مليون قصيده يا عرب للشاعر مصطفى الجزار روعه فى الكلمات والألقاء مدخل أمريكا قالت ياعرب العلم قال .. ان السما من غير عمود احنا العرب قلنا .. دى قدرة ربنا أمريكا قالت ياعرب العلم قال .. الكون ما بتحدوش حدود احنا العرب قلنا دى حكمة ربنا أمريكا قالت ياعرب العلم قال .. القدس من حق اليهوووووووود احنا العرب قلنا .. يبارك ربنا **** مليون قصيده يا عرب مليت خلاص من دى القصايد والخطب مليون قصيده عفنت وريحتها فاحت م العطب مليون قصيده يا عرب **** مليون قصيده ع الورق متستفه ومتحنتفه ولسه الايدين متكتفه ومتلفلفه بقيود ولكن مش حديد دى قيود يا ناس من نوع جديد !! طب هى ايه ؟ جندى يهودى جاب لبانته اللى فى بقه وشدها زى الخيوط قاموا العرب مدوا ايديهم ناحيته قام لفها حوالين ايديهم !!! اصبحت هى القيود ميته ايديكم ياعرب تقوى على الخيط الضعيف ؟ وتقطعه بنفخه هوا من صدر واحد منكم قلبه صحى أو مستحى مليون قصيده يا عرب كان نفسها تتقال فى يوم الانتصار كان نفسها تهرب من الليل .. للنهار كان نفسها تخرج عن السطر الضريح وتسابق الريح اللى رايحه تحرر الأقصى الجريح كان نفسها .. وكان نفسها وكان نفسها !! ... لكن كسرتم نفسها !! ميته تفوقوا يا عرب ؟ والقدس اهه محبوسه فى أوضه يهودى بتغتصب وانتم خواتها وبكره ييجى الدور عليكم وهتدخلوا أوضه اليهودى اللى بناها بجبنكم من غير حيطان ما انتو اكتفيتم بال.. قصايد والخطب يااادى القصايد والخطب .. خلتنا نهزم اسرائيل !! جوا الكتب ورق القصايد والخطب بتقطعوه وتلفلفوه علشان تسدوا بيه ودانكم لاجل ما تسمعش صرخه مستغييييث ندل وخسييييس كل اللى عرضه راح هدر ما مسحش عاره كل اللى أرضه بتنسرق وما خدش تاره مليون قصيده يا عرب قالت لكم قوموا نحاااااارب ما سمعتوهاش قالت لكم القدس بتنادى كفاااااايه دايما عليه حاولوا يوم تبقوا معاااااايه ما فهمتوهاش **** لفيت على كل العرب وبقول لهم قوموا يا فرسان العرب للمعركه قوموا يا فرسان العرب للمعركه قوموا يا فرسان العرب للمعركه اللى يقول لى لو نحارب ( مسكونى سيف عمر ) واحنا ضرورى ننتصر ( يا سيف عمر ) ما تقول لى ايه السر فيك حدادك اللى صنعك ركب زرار النصر فيك ؟ خلاك تحارب تنتصر حتى ولو فى ايدين جبان ؟ واللى يقول لى لو نحارب ( ركبونى حصان صلاح ) وتلاقوا عصر الظلم راح ( يا حصان صلاح ) ما تقول لى ايه خلاك بطل ؟ كات وكلتك وكلة متين م الاحصنه ؟ ولا تلاقيك بعشر رجول ولا براسين بتخش أرض المعركه وبتنتصر حتى ولو كان اللى راكبك ماسك الخمره وحاضنها بين شفايفه **** المعجزه مش فى الحصان ولا عمرها كانت فى سيف عايزين نجمع يا عرب من كل دوله 100 جنيه وننقى حته أرض طاهره نبنى عليها مصنعين واحد يصنع لينا جيش ما بينهزمش يركب على ضهر الحصان والتانى يعمل لينا كام دسته ايدين علشان تحارب بالسيوف لو مامعاكوش حق المبانى يا عرب أني مستعد أتباع فى سوق النخاسين وأدفع لكم ولما تبقوا أغنيا بين الأمم ابقوا ساعتها ردوها لى **** مخرج وبالمناسبه قبل مااخلص كلام أمريكا باعته لكم سلام بتقول لكم متشكرين لولاكم انتو ياعرب ما كانتش ليا منزله بين الأمم انتو اللى وطيتم عشان نركب على اكتافكم سنين وعشان كده بنقول لكم من قلبنا متشكرييييين وعشان كده راح اوصى اسرائيل عليكم علشان تبطل ضرب فيكم يا اسرئيل .. يابنيتى اطمنى مافيش سلام لكن بلاش الضرب فى بلاد العرب يا اسرائيل دا مش عشان انتى رحيمه وطيبه يا بنيتى لكن عشان الضرب فى الميت حراااااااااام ************ شكرا لحسن القراءه والاستماع عاشق أرض فلسطين طائر الليل الحزين المصدر: منتدى الخليج
|
|||||||||||
| أدوات الموضوع | |
| انواع عرض الموضوع | |
|
|
العرض الشجري