حياكم بكافيه بزّه في الكويت

 

حياكم بكافيه بزّه في الكويت

الله يسعد أوقاتكم بكل خير اليوم راح آخذكم بجوله لكافيه بزه بالكويت بما إن خالتي يايتنا من دبي عزمتها أمس عالريوق بهالكافيه لأنها تحب الأجواء الكويتيه القديمه لأن هالكافيه يحمل الطابع الكلاسيكي و يجمع بين الحاضر وعبق الماضي وصج اللي يروح هالمكان يرده الحنين للماضي طبعاً الكافيه يقدم الأكلات الكويتيه القديمه بكل وجبه ولأنه روحتنا كانت الصبح صورت لكم مينيو الريوق عشان تتعرفون أكثر عالأكلات الكويتيه القديمه أمّا الأجواء بشكل عام قديمه سواء بالديكورات الموجوده في الكافيه أو الأكل وحتى الأواني اللي يقدمون فيها الأكل والأغاني القديمه الحلوه :144: الحلو بالمكان موقعه المميز عالبحر وبعد الحلو فيه إن كل الفئات العمريه ترتاده يعني مو بس الشياب :30: ما راح أطول عليكم بالحجي أخليكم مع الصور هذي واجهة الكافيه من بره وهذا المدخل ديكوره على شكل دكان قديم ومكتوب فوق دكان بزه بما إن رايحين بيوم عطله كان المكان زحمه ما حصلنا مكان تحت وصعدنا الطابق الثاني ومثل ما تشوفون الوول بيبر على إسم بزه وهذا المينيو من بره أول صفحه من المينيو كاتبين فيها حزايه عن بنت صغيره إسمها بزه يمكن الحزايه مو واضحه صورتها لكم على أجزاء عشان تقرونها بشكل أوضح وهذا مينيو الريوق المشروبات مقتنيات قديمه أوتي , راديو , (( مراويس << ما أعرف إسمهم سألت أخوي عنهم :tongue: )) غواري الجاي << الشاي لوحه مكتوب عليها كيري ميري فديت أمي دايماً تقولها (( آنا ما عندي كيري ميري :30: )) وهالمثل قديم ينقال بالكويت يعني ما عندي روح وتعال مثل ما نقول فلان ما يعجبه الحال المايل وهالصوره من فوق نفس الشي مقتنيات قديمه مكينة خياطه , تليفون قديم والباجي نفس اللي فوق صورتهم وهذا الريوق وصل واللي يبي يروح هالكافيه أهم شي يطلبه البلاليط أمبي مو صج بحياتي ما ذقت بلاليط بهالحلات مع اني مو من ربعه وما يشدني بس شوقتني خالتي وذقته صج يهبل خبز التنور البلاليط :layfotk: الحليب المهيّل وحليب الزنجبيل بالغواري القديمه استكانتي سمبوسه إطلاله من الكافيه عالبحر الفاتوره صور مشروبات قديمه عند المدخل عاليمين صناديق وفوقهم مساند عند المدخل بعد حتى الباب قديم وأخيراً التوجه للسياره :30: إن شاء الله تكونون استمتعتوا بالجوله

المصدر: منتدى الخليج

 ماشاء الله عليك ياحنين
بصراحة أبدعتي في الوصف والتصوير الرائع والمميز ويعطيك ألف عافية

 ماشاء الله مبدعين اليوم
والمكان عجبني حيييييييييل
لي قريب زياره للكويت ويابحر نبي نروح هالمكان:149:
تسلمي لتصويرك الرائع
يسعدك ربي

 ويسعدايامج يارب
حنونه
جوله روووعه بكل معانيها احب لاشياء القديمه حنونه ابداع بتصوير بجد
ما شاء الله عليج
والمره ثانيه اعزمينى ع ريوق فاهمه بالعافيه عليكم
ويعطيج الف عافية ويستحق التميزبكل جداره

 

المشاركة الأصلية كتبت بواسطة القلب الحزين ماشاء الله عليك ياحنين بصراحة أبدعتي في الوصف والتصوير الرائع والمميز ويعطيك ألف عافية

الله يعافيك القلب الحزين
وتسلم عالحضور الأروع والمشاهده
ممتنه لك إشادتك
لك تقديري واحترامي

 

المشاركة الأصلية كتبت بواسطة كنز الغلا ماشاء الله مبدعين اليوم والمكان عجبني حيييييييييل لي قريب زياره للكويت ويابحر نبي نروح هالمكان:149: تسلمي لتصويرك الرائع يسعدك ربي

كنز
الله يسلمج
وحياج الله بديرتج الثانيه
وبين أهلج وناسج
إن ما شالتكم الأرض مكانكم بالعين وعالراس
تسلمين عالحضور الأروع والمشاهده
نورتي

 ماشاااء الله عليك
من جد مكااان خياال كلمة رووووووعه قليله
تسلمي ع التصويرالراائعه والجميله
ويعطيك العافيه
في انتظار جديدكـ