الحياة حلوه لو فهمناها

 

الحياة حلوه لو فهمناها

	الحياة حلوة لو فهمناها ... لو سمحت خلك معاي ,, أبي أقولك شي مهم أبيك تنسى كل شي يصير معاك.. أنسـى الزعل ,, أنسـى القهر ,, أنسـى الوداع ,, وخلنا نعيش .. لازم نعيش .. لازم نعيش أضحك للدنيا وابتسم للحياة ,, لاتشوف اللي اعنى منك.. شوف اللي افقر منك وش معاه وأرضى بالمقسوم , وأرمي كل شي وراك ,, وخلك قنوع .. وخلك صبور .. وخلي التفاؤل دايم معاك . أضحك .. ايه أضحـــــــك ... وش يلي يمنعك تضحك ,, ابتدي صفحه جديدة تعلم من أخطائك ,, أمشي مع الصح ,,ويلي تخطي فيه لاتعيدهـ حب وأعشق , ويلي يخونك صدقني لو تتركه كأنك انت خنته ,, ويلي يعاندك ويشتمك أنت بس أبتسم له .. ولو أبتسمت يعني هنته .. يا أخي/تي صدقني/يني لو الناس كلها مثل بعض .. صدقني راح نمل الحياة لازم تكون .. مرهـ حلوه ,, ومره مرهـ ,, وكل مشكلهـ ولها حل بس المهم لازم نعيش .. ياعالم لازم نعيش كل يوم نتعلم من الدنيا دروس .. ناس تحبك لشخصك .. وناس تحب الفلوس .. لو عطيته صار ملكك .. ولو ما عطيته يدوس .. أبتدي وغير حياتك .. إلى متى بتبقى حزين يأخي أنسى ,, وأضحك ,, وخلهم يقولون مجنون . وأبتعد عن كل حاقد .. وكل حاسد .. وكل يلي مايصون وحب يلي يحبك .. وإن مالقيت روح ودور عليه .. وأكيد راح يجي يوم وتلقاهـ .. مو قلنا نتفائل يعني وين راح يكون .. صلي وأدعي ربك إنه يهديك .. وإن صليت مهما يصير ماعليك .. لانه الله معاك .. دامك دعيت راح يستجيب .. وخلك من اليأس وعيش حياتك .. ياصاحبي لازم نعيش الحياة بنعيشها مرة وحدهـ مما راق لي

المصدر: منتدى الخليج