تبين تعرفين ان كانت شنطتج اصلي أو تقليد بالصور

 

تبين تعرفين ان كانت شنطتج اصلي أو تقليد بالصور

معلومات من النت اتعلمج شلون تعرفين اذا شنطتج اصلية ولا تقليد

اذا شريتي شنطة وتدرين انها تقليد عادي، بس فكرة الموضوع اذا تبين تشترين اصلية وماتبين الناس يقصون عليج

اول شي معلومات لازم تعرفينها:

1. أي شنطة أصلية لما تشيلينها تكون ثقيله حتى لو فاضية تكون ثقيله بس التقليد دايما تكون خفيفه

2. مو كل ماركة لها نفس الطريقة يعني مثلا ديور اذا نزل شنطة مرات يكون معاها كرت او شغلة يعني مو كل الشناط اللي ينزلها لها كرت يعني على حسب الكولكشن اللي نازل.

3. شوفي جلد الشنطة يبين اذا من النوع الزين القوى او حده كحيان تقدرين حتى تعفسينه بإيدج يعني تقليد..

4.اذا الخياطة على الشنطة مو مضبوطة يعني مو متساوية وحتى الخيط ماتحسينه قوي يعني تقليد.

5. أكثر الماركات لازم يحطون بالشنطة رقم (كود) اذا مالقيتيه يعني تقليد.

6.. اذا لون يدة الشنطة يختلف عن اللي بالمحلات المعروفة او بسايت الماركة الرسمي يعني تقليد.

7. اذا شريتي البضاعة من شوارع تايلند او شارع الصيني يعني تقليد.

8. كل ماركة لها خط معين تختمه بشناطها، يعني اذا شفتي الخط صاير اكبر او اصغر لا لاصق يم بعض يعني تقليد.

أول شي راح نبدي فيه بشناط لوي فيتون:

مثلا شنطة لوي فيتون منزل كولكشن يديد وشفتي بالنت سعرها اقل من 300 دولار هذي تقليد.

شناط لوي فيتون لما تنزل مايكون عليها (تاغ) اي شنطة منهم عليها تاغ يعني تقليد

أي وحدة فيهم أصلية؟؟

اللي على اليسار أصلية

شوفي شلون اللي على اليسار ضعيف والختم اللي عليه خفيف اللي على اليمين عريض وهم شوفي تحت السحاب شلون مرتب والثاني كبير وشكله مو حلو

شوفي الفرق بينهم واااااضح

شوفي اللي على اليسار الازرق اكثر من الابيض واللي على اليمين العكس

شوفي الكرت والشغلات اللي مكتوب عليه (لوي فيتون) مانزله كلش

شوفي شلون مغلفين اليده (لوي فيتون) مايعرض شناطه ولا يبيعها ولا يغلفها جذي

شفتي التاغ هذا المدور لونه ابيض وعليه علامة ال في (لوي فيتون) مانزل هالنوع من التاغ

اهني الفرق واضح اللي على اليسار اصلية وشوفي الخيوط شلون مرتبة والكتابة خفيفة واللي على اليمين مو مخيطين
الاطار عدل والكتابة حيل كبيرة وواضحة يعني غصب ماركة

نكمل

اي وحدة اصلية؟؟

السودة اصلية والبيضة تقليد

اهني الفرق واضح البيضه الختم حيل يبين عليها بس شوفي السودة عادي ناعم الختم عليها

اهني شوفي البرغي اللي فوق مايكون برغي عادي بس اللي تحت غير شكله من الجمعية لووووووووول

ماركة ديور:

اللي على اليسار اصلية واللي على اليمين تقليد، شوفي شحلات الورد على الاصلية وشوفي الورد العادي على التقليد

شوفي القفل اللي على اليسار الاصلي وشوفي اللي على اليمين تقليد

شوفي مثل الجيس اللي ينحط بالشنطة اللي على اليسار اصلي لونه فاتح وناعم واللي على اليمين تقليد

هذا الكرت الاصلي

هذا كرت التقليد

ماركة ديور

شوفي داخل الشنطة وشوفي السحاب يكون عليه ختم ديور هذا اصلي

هذا تقليد لان مو مخيط من تحت

هم هذا وحتى لاحظوا الخط مو نفس خط ديور العادي



هذي هم تقليد شوفي الكتابة ( made in Italy ) وااااااايد لاصقة



هذي هم تقليد مو مخيطة بالحواف



هذي الاشكال الاصلية



هذا رقم الكود من ورى





وعلى فكرة بنات دايما تلقون الاشكال هذي داخل الشنطة تحت السحاب مو فوق السحاب

ماركة Gucci

شوفي الخط من تحت لازم يكون كامل مو نص جذي (الظاهر تعبوا في التقليد)

نفس الشي حق البوك

هذا أبو التقليد طبعا راح تعرفين على طول مبين شوفي الجلد شلون كحيان وذايب



هذيله كلهم تقليد، هم لاحظي الجيس مالهم كل وحدة كتابتها غير يعني الخطوط تختلف والحجم يختلف







هذا حده كحيان ومبين انه بوطقة



هذا يسمونه تقليد درجة أولى يقلد كل شي بالعلبة والشكل بس لو تقارنينه بالاصلي راح تحسين بالفرق



هذا تقليد ولا حاطين كود بعد مادري من وين مألفينه

ياللا يابنات كل وحدة تروح وتفتح واتشيك الأغراض اللي شرتها ان طلع تقليد ماقول الا الله يعينها ع الحرة والقهر....


وقلوبنا معاكم

المصدر: منتدى الخليج

 شكرآ ع التوضيح
ويعطيج العافية حبيبتي

 

يسلموو غلاي ع الطرح
يسعدك ربي
يعطيك العافيه
لاعدمنااك ..{

 
تسلمين على التوضيح
يعطيج الف عافية

 يسلمو شوشوالحلوة
على وضعك هذه المعلومات والصور التوضيحية
ويعطيك ألف عافية

 شوشو الحلوة
مشكورة عالطرح والمعلومات
تقبلي مروري المتواضع

 

المشاركة الأصلية كتبت بواسطة بحرالرواسى شكرآ ع التوضيح ويعطيج العافية حبيبتي

يسعدني مرورك العطر