صحيفه إلكترونيه يعني أكيد فيه تعليقات .. بقلمي

 

صحيفه إلكترونيه يعني أكيد فيه تعليقات .. بقلمي

السلام عليكم ورحمة الله وبركاته ‘‘
طابت أوقتكم بكل خيـر ..

ماجا في بالي بيوم من الأيام إني ممكن أكتب موضوع مضمونه ’’ دعـوة للنقاش الجاد ’’
بدون مقدمات لأني مااعرف فيها .. أبي أتطرق بموضوع معين بصراحه يجذبني كثيراً وبعض الأحيان يضع علامة الـ !! فوق راسي ..
من خلال الشكبه العنكبوتيه فيه أكثر من صحيفة إلكترونيه .. تنقل لنا الأخبار من قلب الحدث .. قتل .. إغتصاب .. سرقه ..... إلخ ..
لكن مايدهشني هو التعليقات .. < وما أدراك مالتعليقات ...!
والله ياجماعة الخيـر شي محزن الحال اللي وصلو له البشر .. قبل فتره 70% من القراء شنو هجوم على صحيفه معينه .. لدرجة
أن كل تعليقاتهم سب وشتم بالصحيفه نفسها .. ولا رقابه ولا متابعه للتعليقات التي تصل أحيانا لـ عشرات الالالوف ..

شدني خبر اليوم وحبيت إني أطلع عليه بصحيفة ما وكان مضمون الخبر ..

أفادت صحيفة صندي تليغراف الصادرة اليوم الأحد أن رئيس الوزراء البريطاني ديفيد كاميرون قد يحرج بسبب صورة عارية إثر خططه لزيارة السعودية على متن طائرة للخطوط الجوية البريطانية (فيرجين). وقالت الصحيفة إن طائرات فيرجين تحمل شعار "السيدة الطائرة" الذي يمثل صورة امرأة شبه عارية، الأمر الذي جعل مساعدي كاميرون يواجهون وضعاً محرجاً مع قيامهم بوضع اللمسات الأخيرة لترتيبات زيارته المقبلة إلى السعودية. وأضافت أن مساعدي رئيس الوزراء البريطاني "نسوا صورة السيدة الطائرة".

^
هذا كان بعض مما ورد بالخبر .. الصحيفه تنقل لنا الأخبار بدون ماتشتتنا بأخبار خاطئة ولا لها صله بالواقعيه تماماً ..
بعد ماخلصت الخبر حبيت إني وكّ العاده أقرى بعض من تعليقات القراء ..
وبصراحه ردودهم أضحكني وأدهشني بنفس الوقت ..
إليكم مقتبسات من بعض التعلقيات ..

اذا طائرتك زي كذا فنصيحتي لاتجي نحن مستغنيين عن زيارتك

عساك تطير ولاتوقع انت والسيدة الطائرة

الإقتباس الجاي واضح إنه مايدري وين ربي حاطه في والدليل كلامه :

والله مدري وش السالفه لكن اعتقد كلامك صحيح

اقول ياخذله علبه بخاخ اسود بخمسة ريال ويطمس الصورة ولا لاعيني تشوفة

عادي سطل بويه بعشره ريال يقلبلك الطياره لون واحد سهلة بس عقول ماتشتغل

لا تخافون من يوصل الاجواء السعوديه راح تصير الصوره خضراء ومكتوب الموقع محجوب هههههههههه فديت اهل السعوديه بس ولا اهلاً ولا مرحباً بك انت وطائرتك يا خوفي بكره تجي ومعاك طائره مرسوم فيها والا ماني قايل ((انشري يا ... والا باعلن لكم المقاطعه))<< ما احد درى عنك

علمووه قلوو له لايجي قسمن بالله ان يبلش مع الهيئه

هذي بعض الردود من القراء .. قمّة الاستهتار وعدم الرقابه عليهم .. وماخفي كان أعظم
أندهشت والله من الردود .. فيه بعضهم دخلو أعضاء الهيئه .. فيه بعضهم أستهتر بالنظام كّ كل ..
ومن وجهة نظري الخاصه دام الصحيفه مايتابعون التعليقات فهذا غلط كبير عليهم ..

نهاية الموضوع :
هل أنت/ي من الناس الذين يضيفون تعليقات بالصحف .؟ وإذا كان نعم .. أتمنى طرح بعض من الأقتباسات ..
هل تؤيد/ين التعليقات تكون مفعله بالصحف .؟
ماهو ردة فعلك عندما تنصدم بمثل هذه الردود بإحدى الصحف .؟

أتمنى مشاركتكم جميعاً في أول موضوع نقاشي بقلمي ..

المصدر: منتدى الخليج