ألا يا قلب لا تشره عليه

 

ألا يا قلب لا تشره عليه

السلام عليكم ورحمة الله و بركاته

اليوم جبتلكم قصيدة للشاعر حمد السعيد

واتمنى ان تنال اعجابكم



ألا يا قلب لا تشره عليه ولمتى غيره ...يغيب براحته خله يروح بعالم النسيان



كفاك تدور أعذار لغيابه فضها سيره ... تماديت بغلاه ومن تمادى بالغلا خسران



أبد ما فيه بالدنيا بشر يستاهلك غيره ؟..يغيب ولا رجع ما كنك الا العاشق الولهان



انا ما أقول لا ما اقول منت بشايف خيره .. وانا ماني بقايل صاحبك وافي ولا خوان



يقولون القمر لا غاب يضويله على ديره ... وانا اقول الحبيب ان غاب يضويله على خلان



اجل شأسباب هالغيبه ؟ وابي شأسباب تاخيره ؟ .. وأبي ليه الجفا يا قلب وانت بغيبته حيران



شهر واكثر ولا طرش عن غيابه معاذيره ... يا ليته لو تعذر بالظروف ولايمه غلطان



تعبت ولا طرا له يتصل قل علها خيره ... وش انت متعب حالك مع واحد قليل احسان



يجي ميت وله لامن شكا وقته وتعزيره ... واذا قفا على وجهه حبيبك ناقه عريمان



اقول انه موالف له بشر خلاك تقزيره ... وأقول انك على هامش حياته ما بقى لك شان



مع الي ماله سبوق اتركه شف واحد غيره ...وانا شوري عليك تلحقه في سبعة الشيطان



ذبحك الطيب يا قلب تعذب من مقاديره ... يا عن كنك خفوق ما تعرف النكران



تقضََى لعنبوا جد الغلا ما تنفع الذيرة ...ترى من لا تقاضى يا خفوقي هالزمن ينهان



حبيب ما صفا لك طع شوري بدل بغيره ... وانا شوري عليك تلحقه بسبعة الشيطان .


وســـــلامـــــتــــكم

المصدر: منتدى الخليج