لاعنوان يشرحني

 

لاعنوان يشرحني

حَلقات البصل

المطلوُب

- بصل
- حليب سائل
- ملعقة صغير ثوم + ملح
- دقيق <~ لا تكثروُن
- بيض مخفوُق <~ على حَسب الكَم


الطَريقة

نقطع البصَل لـ حَلقات وبعِدين نتركه فِي الحَليب لِمدة رُبع سَاعه أو نُص أو سَاعة
نِجيب الدقيق ونَضيف له الملح والثوُم ونحركه
بعدين نَاخذ البصل ونرشه بِالدَقيق
وبعدين نغمس البَصل بالبيض وأخيراً نغمسه بِالبقَسمَاط
نقليها بِزيت إلى أن تَصير ذهبية , وبالعافية


/



بطَاطس لذيذ

المطلوُب

- بَطاطس مُقشر
- بصَل
- سَماق
- مَلح

الطَريقة

نقطع البَطاطس عَلى شكل مُربعات صغيره
ونقطع البَصل حَلقات
نَقلي البطاطس
في المقلاة نَحمس شوُي بصل <~ لاتتحمسون وانتم تَحمسون بَس شوُي
نضيف السَماق والملح , وبالعافية

\



شَاورما الدَجاج

المطلوُب :

- صدوُر دَجاج
- بَصل
- فلفل روُمي
- مِلح
- صلصة الباربكيو + خردل + صلصة السلطه الجاهزة ( فرشلي )

الطَريقة

نقطع صدوُر الدَجاج حَجم صغير
ونقطع البصل على شِكل حلقات ونقطع الفَلفل الروُمي
فِي المقلاة نحط زِيت " لا تكثرون " وبعدين نضيف الدَجاج ونَحرك ونقّلب فيه إلى ان يِصير تَمام إلا شوي
نضيف البصل + الفلفل ونحركهُم
نضيف المَلح مع مَلعقة للصوُص والخَردل , وبِالعافية


/



أندوُمي بشكل جِديد

المطلوُب

- ملفوف
- جَزر
- كوُسه
- اندومي
- صلصة صوُيا + سومطرا

الطَريقة

نقطع المَلفوُف + الكوُسه + الجَزر على شِكل شرايح
الجَزر صغروّه بالمره
بعدين نحط زيت بالمقلاة ونضيف له هالاشياء
ونبدأ نحرك فيه إلى ان تحسوُن انها تَمام
وعلى هالوُقت يكوُن الأندوُمي مستوي وخَالص وتحطوُن الأشياء اللي تِجي معه
وأهَم شي لا يصير فيه مرق واجد
نضيفه للخُضار ونحرك فيه ونحَط الصُوص والسومَطرا , وبالعافية

/



سَلطة خفيفة

المطلوُب

- خَيار
- خِس امريكي
جَزر مبشوُر
- برجر مقلي أو نِجت
- صلصة السَلطة الجَاهزة فرشلي

الطَريقه

نقلي البرَجر أو النِجت ونقطعها حَجم وَسط
نقطع الخَس والخيار والجَزر يكوُن مبشوُر , نُحركهم مَع بعض
وأخيراً نضيف الصوُص عَليه , وبالعافية

/



دَجاج هِندي

المطلوُب

- صدوُر دَجاج
- زَنجبِيل مبشوُر
- بَصل
- حَليب جوُز الهند
- البُهارات : ( كركم + ثوُم مطحون + بُهارات كاري + بُهارات جكن ماسله + ملح )
- كزبرة

الطَريقة

نتبل الدَجاج بِ ( كركم + ثوُم مطحون + بُهارات كاري + بُهارات جكن ماسله + ملح )
نقطع البَصل بشَكل صغير ونحمسه مَع الزنجيبل
بعدين نضيف الدَجاج له ونضِيف ماء مغلي بشكل متوسط
نخليه إلى ان يستوي بِعدين نِضيف حَليب جوُز الهِند تقريباً نصف العَلبة + الكزبرة
نخليها 10 دَقائق تَقريباً . ( حلو يكوُن مَع رز أبيض ) , وبالعافية

المصدر: منتدى الخليج