أنت يعني لانويت تغيب بوقف عند بآبك

 

أنت يعني لانويت تغيب بوقف عند بآبك

بس لحظه يامهملنـى ونـاوى فـى غيابـك
~~~ دامك اللى ناوى الفرقا باأقول اللـى باأقولـه

أنت يعنى لانويت تغيب باقـف عنـد بابـك
~~~لاوربى تاقف الدنيا وأنا " تأبـى الرجولـه "

ماتعودت اتبع المقفى ولو حضـرت جنابـك
~~~رح عساها خيرتن والدرب لك عرضه وطولـه

روح لاجابك امجيب الغيم واترك لى صوابـك
~~~جيت حلم ورحت حلمٍ تشبه احـلام الطفولـه

ماأنت بأول من طعن هالقلب والدرب انتهابك
~~~ياثقل خطواتـك البـارح وهالليلـه عجولـه

باغى الفرقا !!جعل ربى يعجـل فـى ذهابـك
~~~ بايعن قلـبن لـك الله كنـت ماتحلـم تطولـه

من يلومك..؟ شايفن حالك وفـ.. بداية شبابك
~~~طاغين تجرح قلوب الناس تحسبهـا بطولـه

بسألك: كم واحدٍ قبلى هقابك واشتقـى بـك؟
~~~ أنت ياللى نظرة عيونك قبل عرفـك خجولـه

ياكثر ماكانـت ظنونـى دخيـل الله تهابـك
~~~ بس اكذبها واقول اوهـام والقلـب وميولـه

اثرك اللى تستلذ ان ذاقـوا العالـم عذابـك؟
~~~مشكله !! والمشكله هذى بسيطـه ومحلولـه

كان مالبَستك الغيـره مثـل لبسـت ثيابـك
~~~ قل عوافى.. قل مثل غيره تركتـه وبسهولـه

واجد اللى مشتهين الوصل والخـط متشآبـك
~~~كان لك جوله ترى محاكيك له تسعين جولـه

لابغيـت تغيـب فـارق لاوربـى مادرابـك
~~~ شاعرن ياكثر ماتـل القلـوب وصفقـوا لـه

باكر ان ماشفت غيرك جا يعوضنـى غيابـك
~~~ قل حكى شعار ماتفعـل ربـع هاللـى تقولـه

راق لي

المصدر: منتدى الخليج